1 Timote 6:9 - Fulfulde Bible

⁹ Ammaa yiɗɓe riskugo ndo'oto nder estooji. Ɓe nastan tuuforgol e suunooji paataaɗi, torranɗi, do'anɗi yimɓe nder nattere e halkere.

Fulfulde DC Bible

⁹ Ammaa yiɗɓe riskugo ndo'oto nder estooji. Ɓe nastan tuuforgol e suunooji paataaɗi, torranɗi, do'anɗi yimɓe nder nattere e halkere.

1 Timote 6:9 Iomraidhean Croise

1 Laamiiɓe 21:6

O jaabi mo: “Mi wi'i Nabot mo Yisre'el: Hokkam ngesa inabooje ma mi sooda ka. Malla boo to a yiɗi, mi sannjante bee ngesa am ngoɗka. Ammaa o wi'i o hokkataa yam ngesa inabooje maako.”

Jabuura 11:6

O rufan ƴulɓe yiite e baruudu dow halluɓe, o neldan henndu wulndu jaw dow maɓɓe, kanjum woni geɗal maɓɓe.

Balndi 15:27

Cuuneteeɗo riba wonnan saare mum, ammaa calotooɗo ngeenaari kallundi yeeɗan.

Balndi 20:21

Risku keɓaaŋgu bee jaawal haa fuɗɗam, waɗataa barka haa ragare.

Balndi 21:6

Heɓrugo ndesaaje bee ɗemŋgal pewoowal, ɗum taasnugo henndu e nastugo tuuforli maayde.

Balndi 22:16

Ɓillanɗo laafuɗo mawninan mo, ammaa hokkugo diskuɗo laafinan.

Balndi 23:4

Taa somnu hoore ma ngam riskugo, accu numugo haala man.

Esaaya 5:8

Bone laatanto mahooɓe suudu dow suudu, ɓesdanɓe ngesa bee ngesa, haa to babal timmi! Onon feere mooɗon tan mari babal!

Zekariya 11:5

Soodooɓe ɗi ɗon kirsa ɗi, ɓe ndaarataa ɗum bana aybe. Soorrooɓe ɗi ɗon mbi'a: Useko Jawmiraawo, ndaa min ndiski! Koo waynaaɓe maaji boo ngalaa enɗam ngam maaji.”

Limle 31:8

Ɓe mbari laamiiɓe Mediyan njowo bee kaafahi: Ewi, Rekem, Cuuru, Huuru e Reeba, non boo Balaama ɓii Be'or.

Matta 13:22

Woɗɓe boo nanndi bee aawdi caka gi'e. Kamɓe, to ɓe nani wolde Allah, laruuraaji e esto risku ɓiɗɗan wolde man, nde waɗataa nafuuda sam.

Matta 19:22

Nde suka nani bolle ɗe, o dilli, ɓernde maako metti, ngam jawdi maako ɗuuɗndi masin.

Matta 26:15

O wi'i ɓe: “Ɗume on ndokkatammi to mi hokki on Yeesu?” Ɓe limani mo ceede cardi cappanɗe tati.

Matta 6:19

“Taa paggane ko'e mooɗon jawdi haa duniyaaru, haa gilɗi e peewol mbonnata ɗum, haa wuyɓe boo ngasata cuuɗi, ngujja ɗum.

Markus 4:19

ammaa laruuraaji duniyaaru ndu e esto jawdi e suunooji feere feere nastan ɓerɗe maɓɓe, ɗi ɓillan wolde Allah e nde waɗataa nafuuda.

Luka 12:21

Bana nii ɗum laatanto mo mooɓtani hoore mum jawdi, mo laataaki diskuɗo yeeso Allah.”

Luka 21:35

Ngam ɗum waran bana zubaawol dow yimɓe dow lesdi fuu.

Kuuɗe Nelaaɓe 8:20

Ammaa Piyer jaabi mo: “Allah halkide bee ceede maaɗa fuu, ngam a numi soodugo dokkal Allah bee ceede!

Efesu'en 4:22

O ekkitini on ngam haa on ceeda bee neɗɗo mon ɓooymaajo e bee gikku mum ɓooymaawu, mo suunooji mum ɗonno majjina, kalka ɗum,

Tooktaaki Tawreeta 7:25

Ngule suuraaji labbi maɓɓe. Taa cuune cardi e kaŋŋeeri ngonndi haa labbi man, taa kooce ndi. To naa non, on nastan nder tuuforgol, ngam ɗum nyidduɗum haa Jawmiraawo, Allah mooɗon.

1 Timote 1:9

en anndi umrooje tawreeta mbaɗaaka ngam adili'en, ammaa ngam yewooɓe ɗe e tuurtooɓe, yedduɓe Allah e hakke'en, yimɓe ɓe teddintaa Allah e camɗintaa ceniiɗum, mbarooɓe baaba e daada e mbarooɓe ko'e fuu,

1 Timote 3:7

Sey o mara innde woonde koo haa yimɓe ɓe nuɗɗinaay boo, ngam taa ɓe nyo'a mo, nden o do'o nder tuuforgol Iblisa.

1 Timote 6:10

Ngam suuno ceede woni ɗaɗol halleende fuu. Woɗɓe cuunaama ɗe, haa ɓe celi laawol nuɗɗinki, ɓe ngaddani ko'e maɓɓe torraaji naawɗi ɗuuɗɗi.

1 Timote 6:17

Umru riskuɓe nder duniyaaru ndu'u, taa ɓe mawnito. Taa ɓe koolo risku ngam ngu tabitittaa, ammaa ɓe koolo Allah, dokkanɗo en koo ɗume fuu bee caahaaki haa en ceyoro ɗum.

2 Timote 2:26

ɓe keɓta hakkiilooji maɓɓe, ɓe kisa tuuforgol Iblisa naŋngunooɗo ɓe, haa ɓe tokko muuyo maako.

Titus 2:12

Mo'ere nde'e ɗon ekkitina en accugo geddal e suunooji duniyaaru, en njooɗo bee hakkiilo e adilaaku e kulol Allah nder duniyaaru jontaaru ndu'u.

Yosuwa 7:11

Isra'iila waɗi hakke. Ɓe piisti alkawal ngal kaɓɓumi bee maɓɓe dow umroore am. Ɓe koo'i nder kuuje kaɗaaɗe, ɓe ngujji ɗum, ɓe pewi dow maajum, ɓe cigi ɗum nder kuuje maɓɓe.

2 Piyer 2:3

Daliila suuno, fewooɓe ɓe'e estan on bee bolle rikiciije ngam heɓugo riba. Diga naane, kiita maɓɓe taaskaama, halkere maɓɓe neeɓataa!

Yahuuda 1:11

Kayto! Bone laatanto ɓe ngam ɓe tokkake laawol Kayinu. Kadiboo ɓe njoofi ko'e maɓɓe nder majjere ngam heɓugo ceede bana ko Balaama waɗno. Ɓe tuurti bana Koora tuurtirno, ɓe kalki.