1 Timote 6:12 - Fulfulde Bible

¹² Sey a haɓa haɓre nuɗɗinki woonde haa keɓa ngeendam nduumiiɗam. Allah ewni ma haa ngeendam man saa'i mbaɗɗa seedamku nuɗɗinki ma mbooɗŋgu yeeso seedooɓe ɗuuɗɓe.

Fulfulde DC Bible

¹² Sey a haɓa haɓre nuɗɗinki woonde haa keɓa ngeendam nduumiiɗam. Allah ewni ma haa ngeendam man saa'i mbaɗɗa seedamku nuɗɗinki ma mbooɗŋgu yeeso seedooɓe ɗuuɗɓe.

1 Timote 6:12 Iomraidhean Croise

Jabuura 63:8

Ngam an woni balloowo yam, mi yiman bee seyo les bileeji ma.

Balndi 3:18

Ka lekki ngeendam haa koo moy jaɓɗo ka, barka laatanto jogotooɓe ka fuu.

Yimre Suleymaanu 3:4

Mi saali ɓe, nii seɗɗa mi tawi mo ɓernde am yiɗi. Mi naŋngi mo, nden mi yoofaay mo sam, mi yahri mo suudu daada am, haa jooɗorde debbo danyɗo yam.

Esaaya 44:5

Oo wi'an: Min mo Jawmiraawo. Oya ewnoto hoore mum bee innde Yaakubu. Goɗɗo winndan dow juŋngo mum: Min mo Jawmiraawo. Goɗɗo feere boo inndan hoore mum Isra'iila.”

Zekariya 10:5

Yimɓe Yahuuda nanndan bee honooɓe semmbiɗɓe, ɓe ndamman konne'en maɓɓe bana loope dow laawol. Non ɓe kaɓrata, ngam min Jawmiraawo mi ɗon wondi bee maɓɓe. Konne'en maɓɓe wa'iiɓe pucci, keewan semteende.

2 Korintu'en 6:7

bee waazu gooŋga e bee baawɗe Allah. Min njogi gooŋgaaku bana balmol amin ngam fiyugo konne'en e faddaago ko'e amin.

2 Korintu'en 9:13

To dokkal maajum waŋgini gooŋgaaku mon, nden kam ɓe teddinan Allah, ngam on ɗowtani seedamku linjiila Almasiihu, on cenndi hayruuji mon boo bee maɓɓe e bee yimɓe fuu.

Tooktaaki Tawreeta 26:3

O yaha haa limanjo nyalɗe maajum, o wi'a mo: Mi ɗon anndina Jawmiraawo, Allah maaɗa hannde, mi nasti nder lesdi ndi o hunani kaakiraaɓe meeɗen o hokkan en.

Filippi'en 1:30

On ɗon kawti bee am nder haɓre woore. Naane on ngi'no haɓre am nde'e. On nani koo jonta boo mi ɗon nder maare.

Kolossi'en 3:15

Almasiihu ewni on nder salaaman haa on laato ɓanndu wooru. Salaama ka laamo nder ɓerɗe mooɗon. Ngette mo tum.

1 Tessaloniiki'en 2:12

Min cemmbiɗini on, min tiɗɗini on, min umri on ngam haa on ngeeɗa fodde ngeendam ɗam fottanta Allah, mo ewni on haa on nasta laamu muuɗum e tedduŋgal muuɗum.

2 Tessaloniiki'en 2:14

Allah ewni on bee Linjiila ka min ngaazi on, haa on keɓa geɗal mooɗon haa tedduŋgal Jawmiraawo meeɗen Yeesu Almasiihu.

1 Timote 1:18

An Timote, ɓiŋngel am, mi halfini ma umroore nde'e. Siftor annabaakuuji gaɗaaɗi dow maaɗa naane, ɗi cemmbiɗine ngam haa a haɓa haɓre woonde,

1 Timote 1:19

a joga nuɗɗinki ma e numo ɓernde ma laaɓŋgo. Numo ngo'o, woɗɓe ngudini ngo, nuɗɗinki maɓɓe waati.

1 Timote 4:14

Taa yeeba dokkal Ruuhu Allah gonŋgal nder maaɗa, ngal keɓɗa nder annabaaku nde ndotti'en mballini juuɗe muuɗum'en dow maaɗa.

1 Timote 6:13

Yeeso Allah, geeɗinoowo kuuje fuu e yeeso Yeesu Almasiihu, baɗɗo seedamku mbooɗŋgu yeeso Pontiyus Pilaatu, umranmaami:

1 Timote 6:19

Bana nii ɓe cigoranto ko'e maɓɓe ndesaari mboondi, ngam garanɗum, haa ɓe keɓa ngeendam gooŋgaajam fakat.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

2 Timote 2:2

E ko nanɗa haa am yeeso seedooɓe ɗuuɗɓe, halfin ɗum yimɓe hoolaaɓe, waawanɓe ekkitingo woɗɓe.

2 Timote 4:7

Mi haɓi haɓre woonde, mi timmini daɗa-daɗa am, mi jogiti nuɗɗinki.

Ibraniŋke'en 13:23

Mi yiɗi anndingo on, deerɗiraawo meeɗen Timote yoofaama diga fursina. To o yottake ɗo law, mi yahdan bee maako to mi ɗon yaha laaroygo on.

Ibraniŋke'en 3:14

Ngam en laati kawtiɗiraaɓe Almasiihu, to en tabiti, en ndimmbaaki, en njogi hoolaare meeɗen diga fuɗɗam haa timmoode.

Ibraniŋke'en 6:18

Woodi kuuje ɗiɗi ɗe cannjataako, waɗataako Allah fewa nder maaje: Ɗum iinawol e hunayeere maako. Kanjum ɗum ɗon tiɗɗina en, enen nyukkotooɓe haa Allah, en njogo tammunde tabitnde nde o hokki en.

1 Piyer 3:9

Taa lorne halleende bee halleende malla kuudi bee kuudi. Ndikka on mbarkiɗina, kanjum Allah ewnori on haa ndonon barka.

1 Piyer 5:10

Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.

1 Yuhanna 2:25

Ndaa iinawol ngol o iinani en: Ɗum ngeendam nduumiiɗam.

Yahuuda 1:3

Soobiraaɓe am yiɗaaɓe, mi yelino masin winndango on dow haala kisndam ɗam en fuu en kawti nder muuɗum. Ngam maajum, doole mi winndana on ngam suusɗingo on nder haɓre ngam nuɗɗinki ki Allah hokki yimɓe muuɗum nde woore, ki he'i haa foroy.

Wahayu Yuhanna 3:3

Ngam man, siftor no a jaɓri e no a naniri koŋngol Allah, ɗowtan ngol, tuubu. To a hakkilaay, mi waran bana gujjo, a anndataa saa'i nde mi warata haa ma.

Alkaali'en 3:2

O yiɗi gide kese ɗe'e, ɓen meeɗaay yahugo konu tawon, ɓe paama e ɓe ekkito waɗugo konu tan.