1 Timote 5:17 - Fulfulde Bible

¹⁷ Ndotti'en ɗowooɓe booɗɗum ke'i heɓugo ngeenaari cowi ɗiɗi, sakkomaa yarɓe bone ngam kuugal waazugo e ekkitingo wolde Allah.

Fulfulde DC Bible

¹⁷ Ndotti'en ɗowooɓe booɗɗum ke'i heɓugo ngeenaari cowi ɗiɗi, sakkomaa yarɓe bone ngam kuugal waazugo e ekkitingo wolde Allah.

1 Timote 5:17 Iomraidhean Croise

2 Laamiiɓe 2:9

Nde ɓe eeri, Eliya wi'i Elisa: “Tora ko a yiɗi mi waɗane, hiddeko Jawmiraawo hoo'ammi diga kommbi ma.” Elisa wi'i: “Mi yiɗi mi heɓa ruuhu ma cowi ɗiɗi.”

Esaaya 40:2

“Mbelne ɓerɗe yimɓe Urusaliima. Anndine ɓe, konu maɓɓe timmi, aybe maɓɓe yaafaama, ɓe keɓi diga juŋngo Allah ngeenaari hakkeeji maɓɓe cowi ɗiɗi.”

Yeremiya 16:18

Mi waatoto aybe maɓɓe e hakkeeji maɓɓe cowi ɗiɗi. Ngam ɓe coɓni lesdi am bee labbi maɓɓe maayɗi, ɓe kebbini maral am bee kuuje maɓɓe nyidduɗe.”

Yeremiya 17:18

Semtin toonyooɓe yam, ammaa taa mi semta! Hulnu ɓe, ammaa taa hulnam! Ukku nyalaade hallunde dow maɓɓe, halku ɓe cowi ɗiɗi!”

Zekariya 9:12

Onon haɓɓaaɓe heewɓe tammunde, ngarte haa berniwol cemmbiɗŋgol. Mi ɗon anndina on ɗum hanndeere nde'e: Mi warjoto on mbooɗeeŋga cowi ɗiɗi dow boneeji ɗi njarɗon.

Limle 18:31

Onon e yimɓe ci'e mon nyaama ɗum koo toy fuu, ɗum ngeenaari kuugal mon nder laymaaru fottirde.

Matta 24:25

Mi anndini on ɗum diga ɗum siwaa laataago.”

Luka 10:7

Njooɗe haa saare maajum, nyaame, njare ko ɓe ndokkata on fuu. Ngam kuuwoowo he'i heɓugo ngeenaari muuɗum. Taa cotte saare nde'e haa ndeya.

Luka 12:42

Jawmiraawo jaabi: “Moy woni kaliifaajo koolaaɗo, kakkilɗo, mo jaagorɗo mum tammi darnugo dow huuwooɓe mum, ngam o hokka ɓe geɗal nyaamdu maɓɓe nder wakkati man?

Yuhanna 4:38

Mi neli on sodugo haa on kuuwaay sam, woɗɓe kuuwi, onon boo on ɗon naftoro kuuɗe maɓɓe.”

Kuuɗe Nelaaɓe 11:30

Ɓe mbaɗi non. Ɓe neldi Barnabas e Sol bee dokke man, ɓe njahrani ɗe ndotti'en jama'aare nuɗɗinɓe.

Kuuɗe Nelaaɓe 20:35

Nder ko mbaɗmi fuu mi holli on sey en kuuwa, en mballa tampuɓe. En ciftora boo ko Jawmiraawo Yeesu wi'i bee hoore mum: Barka dokkuɗo ɓuran ka dokkaaɗo.”

Kuuɗe Nelaaɓe 28:10

Ɓe teddini min bee kuuje ɗuuɗɗe. Saa'i min ɗon ndilla boo, ɓe ndokki min ko min marno haaje.

Roma'en 12:8

Mo heɓi dokkal de'itingo woɗɓe, sey o de'itina ɓe. Mo yiɗi senndugo risku mum bee woɗɓe, sey waɗa ɗum bee caahaaki. Mo heɓi kaliifaaku, sey o huuwa bee tiinaare. Mo woonanta woɗɓe, sey o waɗa ɗum bee seyo.

Roma'en 15:27

Ɓe mbaɗi ɗum bee anniya maɓɓe. Ammaa ɗum laatani ɓe bana doole boo ngam nuɗɗinɓe Urusaliima cenndi hayruuji ɗi Ruuhu Allah hokki ɓe bee ummaatooje goɗɗe. Ngam maajum kamɓe boo sey ɓe mballa ɓe bee jawdi maɓɓe.

Roma'en 16:12

Koofne Tirifena e Tirifosa, deerɗiraaɓe men rewɓe, tiiniiɓe jagganaago Jawmiraawo. Non boo Persis deerɗiraawo debbo, giɗaaɗo men mo huuwani Jawmiraawo bee tiinaare ɗuuɗnde.

1 Korintu'en 15:10

Ammaa ngam mo'ere Allah laatiimi nelaaɗo bana no mi wa'i hannde e mo'ere maako nde o waɗani yam laataaki meere. Mi huuwi ko ɓuri nelaaɓe fuu. Naa min bee hoore am huuwi ɗum, ammaa mo'ere Allah huuwi nder am.

1 Korintu'en 3:9

Minin min huuwdiɗɗiraaɓe nder kuugal Allah, onon boo on ngesa Allah, on nyiɓaalo Allah.

2 Korintu'en 6:1

Nde nii min huuwdooɓe bee Allah, min ɗon toro on: Taa lasbine mo'ere Allah nde keɓɗon.

Galaatiya'en 6:6

Sey ekkitinaaɗo wolde Allah sennda jawdi muuɗum fuu bee ekkitinoowo muuɗum.

Tooktaaki Tawreeta 18:8

o soorra goɗɗum haa ndonŋgu baaba maako, o wuura bee saman coggu man, o heɓa boo geɗal nyaamdu bana liman'en woɗɓe.”

Filippi'en 2:16

Anndine ɓe wolde ngeendam, haa mi heɓa mantoraago on nyannde nde Almasiihu loroyto, ngam taa kuugal am e torra am laato meere.

Filippi'en 2:29

Njaɓɓe mo bee seyo maŋngo nder Jawmiraawo kadi. Teddine irin yimɓe ɓe'e,

Filippi'en 4:3

An boo, kuuwdiɗɗiraawo am koolaaɗo, mi ɗon toro ma a walla rewɓe ɓe'e, ngam ɓe kawti bee am nder haɓre ngam Linjiila, kamɓe e Keleman e luttuɓe huuwdiɗɗiraaɓe am. Inɗe maɓɓe fuu mbinndaama nder deftere ngeendam.

1 Timote 3:5

Ngam to goɗɗo anndaa ɗowugo saare mum, noy o waawrata aynugo jama'aare nuɗɗinɓe Allah?

1 Timote 4:10

Ngam man en ɗon kuuwa bee bone, en ɗon kaɓda, ngam en njo'ini tammunde meeɗen dow Allah geeto. Kaŋko woni Kisnoowo yimɓe fuu, sakkomaa nuɗɗinɓe Almasiihu.

1 Timote 4:14

Taa yeeba dokkal Ruuhu Allah gonŋgal nder maaɗa, ngal keɓɗa nder annabaaku nde ndotti'en mballini juuɗe muuɗum'en dow maaɗa.

1 Timote 4:16

Hakkilan hoore ma e ekkitinol ma bee tiinaare. To a tokkake waɗugo ɗum, a hisnan hoore ma e nananɓe ma.

1 Timote 4:6

To a anndini deerɗiraaɓe kuuje ɗe'e, nden kam a laatoto jaggiiɗo Almasiihu Yeesu booɗɗo, nyaamnoowo yoŋki mum bee kubaruwol dow nuɗɗinki e ekkitinol booɗŋgol ngol tokkiiɗa bee tiinaare.

1 Timote 5:19

Taa jaɓ wullaandu dow ndottiijo jama'aare nuɗɗinɓe, sonaa to seedooɓe ɗiɗo malla tato tabitini ndu.

1 Timote 5:3

Teddin rewɓe laatiiɓe yurumɓe bee gooŋga.

2 Timote 2:6

Haandi demoowo torriiɗo ɗuuɗɗum aarta yimɓe nyaamugo ƴaamle ngesa muuɗum.

2 Timote 4:2

Waazin yimɓe wolde Allah bee dartaare koo ndey fuu, koo ɗum fottanan ɓe, koo ɗum fottantaa ɓe. Waŋgin aybeeji maɓɓe, fel ɓe, wasa ɓe, ekkitin ɓe bee munyal timmuŋgal.

Ibraniŋke'en 13:17

Ɗowtane ardiiɓe on, leestane ɓe. Ngam ɓe ɗon ayna yoŋkiiji mooɗon tum, ngam ɓe njaaboto Allah dow kuuɗe maɓɓe. To on mbaɗi non, ɓe kuuwan bee seyo. To naa non, ɓe kuuwan bee mone, kanjum boo ɗum nafataa on.

Ibraniŋke'en 13:24

Koofne ardiiɓe on fuu, koofne senaaɓe Allah fuu. Deerɗiraaɓe haa Italiya koofni on.

Ibraniŋke'en 13:7

Ciftore ardiiɓe on, wolwanɓe on wolde Allah. Ndaare timmoode ngeendam maɓɓe, tokke misaalu nuɗɗinki maɓɓe.