1 Timote 4:10 - Fulfulde Bible

¹⁰ Ngam man en ɗon kuuwa bee bone, en ɗon kaɓda, ngam en njo'ini tammunde meeɗen dow Allah geeto. Kaŋko woni Kisnoowo yimɓe fuu, sakkomaa nuɗɗinɓe Almasiihu.

Fulfulde DC Bible

¹⁰ Ngam man en ɗon kuuwa bee bone, en ɗon kaɓda, ngam en njo'ini tammunde meeɗen dow Allah geeto. Kaŋko woni Kisnoowo yimɓe fuu, sakkomaa nuɗɗinɓe Almasiihu.

1 Timote 4:10 Iomraidhean Croise

Jabuura 107:2

Sey yimɓe ɓe Jawmiraawo rimɗini, ɓe o hisni diga juuɗe konneejo, ngetta mo!

Jabuura 118:8

Nyukkaago haa Jawmiraawo ɓuri hoolaago yimɓe,

Jabuura 36:6

Yaa Jawmiraawo, mbooɗeeŋga ma yottoto asamanji, bana non boo gooŋgaaku ma.

Jabuura 37:40

Jawmiraawo wallan ɓe, rimɗinan ɓe. O rimɗinan ɓe diga juuɗe halluɓe. O hisni ɓe ngam ɓe cuuɗi haa maako.

Jabuura 52:8

Adili'en ngi'an ɗum, kultoran. Ɓe njalete, ɓe mbi'an:

Jabuura 84:12

Jawmiraawo Allah woni annoora e wawarde, Jawmiraawo hokkan en mo'ere e maŋngu. Timmuɓe nder yahdu muuɗum'en, o haɗataa ɓe hayru sam!

Esaaya 12:2

Allah woni kisndam am, mi ɗon hoolo mo, mi diwnataa. Jawmiraawo woni semmbe am e yimre am, kaŋko laati kisndam am.”

Esaaya 50:10

Moy caka mooɗon ɗon hula Jawmiraawo bee nanugo sawtu suka maako? Koo moy jahanɗo nder nyiɓre, mo annoora yaynantaa ɗum, sey o hoolo innde Jawmiraawo, o tuugo dow Allah maako.

Yeremiya 17:7

Barka laatanto neɗɗo mo hooloto Jawmiraawo, mo tabitini hoolaare mum dow Jawmiraawo.

Daniyel 3:28

Nden laamiiɗo wi'i: “Yettoore laatano Allah mo Sadarak e Meesak e Abed-Nego, mo neli malaa'ikaajo muuɗum, hisni jaggiiɓe muuɗum ngam ɓe kooli mo. Ɓe ɗowtanaaki umroore am, ɓe njaɓi ɓalli maɓɓe njara bone dow teddingo e sujidango ɗowanteeɗo feere, sonaa Allah maɓɓe tan.

Nahum 1:7

Jawmiraawo o booɗɗo, o hisrude nder nyalaade ɓillaare. O ɗon hakkilana tawɓe hisrude haa maako.

Matta 16:16

Simon Piyer jaabi mo: “An woni Almasiihu, Ɓiɗɗo Allah geeto.”

Matta 27:43

O ɗon hooli Allah, o wi'i o Ɓiɗɗo maako. Booɗɗum, sey en ndaara to Allah yiɗi hisnugo mo jonta!”

Yuhanna 1:29

Jaŋngo man Yuhanna yi'i Yeesu ɗon wara haa maako, o wi'i: “Ndaa jawgel Allah ittanŋgel hakkeeji duniyaaru.

Yuhanna 4:42

Ɓe ɗonno mbi'a debbo: “Naa ngam daliila bolle ma fahin min nuɗɗini jonta, ammaa ngam minin bee ko'e amin min nani ko o wi'i, min anndi fakat kaŋko woni kisnoowo duniyaaru.”

Yuhanna 5:24

Gooŋga mi wi'ata on: Mo ɗon nana bolle am, mo nuɗɗini nelɗo yam, heɓi ngeendam nduumiiɗam, kiita do'ataa mo, o saalake maayde, o yottake ngeendam.

1 Korintu'en 15:10

Ammaa ngam mo'ere Allah laatiimi nelaaɗo bana no mi wa'i hannde e mo'ere maako nde o waɗani yam laataaki meere. Mi huuwi ko ɓuri nelaaɓe fuu. Naa min bee hoore am huuwi ɗum, ammaa mo'ere Allah huuwi nder am.

2 Korintu'en 1:10

Kaŋko hisni min joote maayde irin nde'e, o hisnan min fahin. Min ɗon tammoro mo o hisnan min yeeso fahin.

1 Timote 2:3

Ɗum huunde woonde fottanannde Allah Kisnoowo men,

1 Timote 2:4

ngam o yiɗi yimɓe fuu kisa, keɓa faamugo gooŋga.

1 Timote 2:6

O hokki hoore maako ngam coottaari yimɓe fuu. Bana nii o gooŋɗiniri anniya Allah nder saa'iire nde Allah ta'ino ɗum.

1 Timote 3:15

Ammaa to mi warlawaay, bataakewol ngo'ol anndinte no kuuwrata nder saare Allah, waato nder jama'aare yimɓe Allah geeto. Kayre woni daŋraŋgal gooŋga e caɓɓawal maaka.

1 Timote 6:17

Umru riskuɓe nder duniyaaru ndu'u, taa ɓe mawnito. Taa ɓe koolo risku ngam ngu tabitittaa, ammaa ɓe koolo Allah, dokkanɗo en koo ɗume fuu bee caahaaki haa en ceyoro ɗum.

Ibraniŋke'en 11:26

Yaweego bana Almasiihu ɓuri ndesaaji Misra fuu saman ngam maako, ngam numooji maako ɗon tiiti mbarjaari nder garanɗum.

Ibraniŋke'en 13:13

Sey en ngurto, en njaha haa maako haa yaasi saŋngeere ngam haa en munyana yawaare nde o munyani.

1 Piyer 1:21

Ngam barka maako on nuɗɗini Allah mo ummitini mo diga maayde, teddini mo. Bana non nuɗɗinki mooɗon e tammunde mooɗon haa Allah tabitirta.

1 Yuhanna 2:2

Ngam Almasiihu bee hoore mum hokki yoŋki muuɗum ngam yaafuye hakkeeji meeɗen, naa ɗi meeɗen tan, ammaa ɗi duniyaaru fuu boo.

1 Yuhanna 4:14

Minin, min ngi'i, min ɗon ceedo Baabiraawo neli Ɓiɗɗo muuɗum haa duniyaaru, o laati kisnoowo maaru.