1 Timote 3:16 - Fulfulde Bible

¹⁶ Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

Fulfulde DC Bible

¹⁶ Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

1 Timote 3:16 Iomraidhean Croise

Esaaya 7:14

Ngam maajum Jawmiraawo bee hoore muuɗum hokkan on alaama: Ndaa, paanyo debbo reedan, o danyan ɓiɗɗo gorko, o inndan mo Immanuyila.

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Mika 5:2

Ngam man Jawmiraawo accan yimɓe muuɗum, haa to ɓesnanɗo ɓesni. Nden luttuɓe deerɗiraaɓe ɓiɗɗo oo ngartan haa yimɓe Isra'iila.

Matta 1:23

“Paanyo debbo mo annda gorko reedan, danyan ɓiɗɗo gorko, ɓe inndan mo Immanuyila, bana wi'go: Allah ɗon wondi bee meeɗen.”

Matta 13:11

O jaabi ɓe: “Onon, Allah anndini on sirriiji laamu mum, ammaa kamɓe ɓe anndinaaka.

Matta 28:2

Dimmbannde lesdi mawnde waɗi, ngam malaa'ikaajo Jawmiraawo jippi diga asama, ɓaditi, talli hayre go, jooɗi dow maare.

Matta 3:16

waɗani mo baptisma. Nde Yeesu wurti ndiyam, asamanji maɓɓiti, o yi'i Ruuhu Allah ɗon jippo bana poola, ɗon wara dow maako.

Matta 4:11

Nden Iblisa acci Yeesu, malaa'ika'en ngari, njaggani mo.

Markus 1:13

O jooɗi ton nyalɗe cappanɗe nayi, Sayɗaanu ɗon jarribo mo. O ɗon wondi bee dabbaaji ladde, malaa'ika'en boo ɗon kuuwana mo.

Markus 16:19

Ɓaawo nde Jawmiraawo timmini wolwango pukara'en muuɗum, o eeŋgti haa asama, o jooɗi haa nyaamo Allah.

Markus 16:5

Ɓe nasti nder yenaande. Ɓe ngi'i suka ɗon jooɗi ton haa wakeere nyaamre, o ɗon ɓorni toggoore raneere. Ɓe kultori.

Luka 2:32

Kanjum woni annoora ka waŋginte haa ummaatooje goɗɗe, kaŋka laatoto boo tedduŋgal ummaatoore maaɗa Isra'iila.”

Luka 20:44

Daawuda ewni mo Jawmiraawo, kadi noy Almasiihu laatori ɓiyiiko?”

Luka 22:43

Nden malaa'ikaajo waŋgani mo diga asama ngam semmbiɗingo mo.

Luka 24:4

Nde ɓe ɗon cakli dow ɗum ko laati, ndaa worɓe ɗiɗo mbaŋgani ɓe, ɓe ɗon ɓorni limce ɗelkanɗe.

Luka 24:51

Yaake o ɗon barkiɗina ɓe, o senndiri bee maɓɓe, o eeŋgi haa asama.

Yuhanna 1:14

Wolde go laati neɗɗo marɗo ɓanndu, o jooɗi caka meeɗen. O keewɗo mo'ere e gooŋga. Min ngi'i tedduŋgal maako, ɗum tedduŋgal Ɓiɗɗo bajjo mo Baabiraawo.

Yuhanna 13:3

Yeesu anndi, o wari diga Allah, o loroto haa Allah, o anndi boo Allah hokki mo baawɗe dow koo ɗume fuu.

Yuhanna 15:26

To Balloowo mo mi nelata haa mooɗon diga Baabiraawo wari, waato Ruuhu mo gooŋga garanɗo diga Baabiraawo, kaŋko o seedanto yam.

Yuhanna 16:28

Mi iwi haa Baabiraawo, mi wari nder duniyaaru. Jonta mi accan duniyaaru, mi hootan haa Baabiraawo.”

Yuhanna 17:5

Jonta, yaa Baabiraawo, hokkam tedduŋgal haa yeeso ma, tedduŋgal ngal mi marno yaake mi ɗonno wondi bee maaɗa, diga duniyaaru tagaaka tawon.

Yuhanna 20:12

o yi'i malaa'ika'en ɗiɗo, ɓe ɗon ɓorni limce daneeje, ɓe ɗon njooɗi haa nokkuure nde ɓanndu Yeesu wonno, gooto gal hoore, gooto boo gal kosɗe.

Yuhanna 6:62

Kadi noy to on ngi'i Ɓii-neɗɗo ɗon eeŋga haa o wonno aran?

Kuuɗe Nelaaɓe 1:19

Yimɓe Urusaliima fuu nani haala ka'a. Kanjum waɗi ɓe inndi ngesa ka'a Hakeldama bee wolde maɓɓe, bana wi'go Ngesa-ƴiiƴam.

Kuuɗe Nelaaɓe 10:34

Piyer fuɗɗi wolwugo, wi'i: “Jonta mi faami fakat, Allah senndindirtaa yimɓe.

Kuuɗe Nelaaɓe 14:27

Nde ɓe njotti Antakiya, ɓe mooɓti jama'aare nuɗɗinɓe, ɓe ngecci ɓe ko Allah waɗi bee juuɗe maɓɓe, no Allah maɓɓitiri laawol ngam haa ummaatooje goɗɗe nuɗɗina Yeesu.

Kuuɗe Nelaaɓe 20:28

Ayne ko'e mooɗon! Ayne tokkere nde Ruuhu Ceniiɗo halfini on! Bana waynaaɓe, ayne jama'aare nuɗɗinɓe Allah, nde o heɓri bee ƴiiƴam Ɓiɗɗo maako ndufaaɗam.

Roma'en 10:12

Jonta kam, walaa feerotiral hakkunde Yahuudu'en bee ummaatooje goɗɗe. Ngam Allah woni Jawmiraawo maɓɓe ɓe fuu, o ɗon mo'ana ewnotooɓe mo fuu.

Roma'en 10:18

Sey mi ƴama: Isra'iila'en nanaay wolde na? Fakat ɓe nani nde! Deftere ɗon wi'a dow nelaaɓe: “Sawtu maɓɓe yotti lesɗe fuu. Bolle maɓɓe njotti keeri duniyaaru.”

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

Roma'en 16:26

ammaa jonta ka waŋginaama. Defte annabi'en boo ɗon ceedo ka. Fodde umroore Allah duumiiɗo ka anndinaama yimɓe nder ummaatooje fuu, ngam haa ɓe nuɗɗina ka, ɓe ɗowtano Allah.

Roma'en 3:4

Wilataa sam! Allah o gooŋgaajo foroy ammaa yimɓe fuu ɓe fewooɓe. Bana ko winnda: “Sey koo moy fuu yi'a a gooŋgaajo nder bolle maaɗa fuu e a laato jaaliiɗo to goɗɗo wullake ma.”

Roma'en 8:3

Allah bee hoore mum huuwi ko tawreeta waawaay huuwugo ngam en tampuɓe. O neli Ɓiɗɗo maako marɗo ɓanndu bana ndu neɗɗo, maatuɗo esto hakke bana yimɓe fuu. O hiiti hakke nder ɓanndu neɗɗo oo. Bana nii o ittiri hakke,

Roma'en 9:5

Ɓe danygol kaakiraaɓe aartuɓe, koo Almasiihu boo iwi diga asŋgol maɓɓe, o Allah gonɗo dow koo ɗume fuu boo. Yettoore laatano mo haa foroy. Aamiina!

1 Korintu'en 15:47

Arano tagraama bee mbulwuldi lesdi. Ammaa ɗiɗaɓo iwi haa asama.

1 Korintu'en 2:7

Min ɗon ngaazina hikma Allah sirriiha, ka o suuɗino, ammaa o annini hokkugo en diga zamanuuji ciwaa ngam tedduŋgal meeɗen.

2 Korintu'en 1:19

Yeesu Almasiihu, Ɓiɗɗo Allah mo min anndini on, min e Silas e Timote, kaŋko o laataaki ooho bee aa'a, sey ooho tan.

Galaatiya'en 2:8

Allah mo ɗonno huuwa nder Piyer, laatini mo nelaaɗo caka Yahuudu'en, huuwi nder am, laatini yam nelaaɗo haa ummaatooje goɗɗe.

Galaatiya'en 4:4

Ammaa nde wakkati waɗi, Allah neli Ɓiɗɗo mum. Kaŋko o danyaama e debbo, o yeeɗi les tawreeta,

Efesu'en 1:9

O anndini en sirri muuyo maako, o waɗi anniya ka'a nder Almasiihu diga ɓooyma ngam ɗum fottani mo,

Efesu'en 6:19

Tore mo ngam am boo, haa o hokkammi bolle pottuɗe ngam waŋgingo sirri Linjiila bee dartaare.

Kolossi'en 1:23

Ammaa sey on tabita e on cemmbiɗa nder nuɗɗinki. Taa on acca koo ɗume sottina on dow tammunde nde keɓɗon haa Linjiila ka on nani. Linjiila ka'a waazinaama tagefooji fuu nder duniyaaru. Min Pol, mi gaazoowo ka.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Kolossi'en 1:6

Kubaruwol ngo'ol yottake haa mooɗon. Ngol ɗon waŋgina nafuuda e ɗon yaaja haa duniyaaru fuu, bana non boo ɗum laati haa mooɗon diga nyannde on nani kubaruwol gooŋga, on paami mo'ere Allah.

Kolossi'en 2:2

ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

2 Tessaloniiki'en 1:10

Ɗum laatoto nyalaade nde o warata. Nden senaaɓe teddinan mo, nuɗɗinɓe mo fuu kayɗinan laarugo mo. Onon boo on nuɗɗini seedamku amin.

2 Tessaloniiki'en 2:7

Baawɗe maako sirriije ɗon kuuwa koo jonta boo. Ammaa sonaa to kaɗanɗo mo sotti.

1 Timote 3:9

Sey ɓe kakkilana gooŋga nuɗɗinki ka Allah waŋgini ɗum, ɓe njogo ka bee numo ɓernde laaɓŋgo.

Ibraniŋke'en 1:3

Ɓiɗɗo oo o annoora tedduŋgal Allah, o waŋgini no Allah wa'i fuu, o ɗon jogi kuuje fuu bee wolde maako marnde baawɗe. Ɓaawo nde o laɓɓini yimɓe diga hakkeeji muuɗum'en, o jooɗi haa asama haa nyaamo Allah, marɗo maŋngu fuu.

Ibraniŋke'en 12:2

Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Ibraniŋke'en 7:7

Walaa seko, barkiɗinɗo ɓuri barkiɗinaaɗo maŋngu.

Ibraniŋke'en 8:1

Ndaa haala ɓurka mawnugo nder ko min mbi'ata: En ngoodi hooreejo liman'en, jooɗiiɗo dow leeso laamu haa nyaamo Allah marɗo maŋngu fuu haa asamanji.

1 Piyer 1:12

Allah waŋginani ɓe kubaruwol ngol o halfinani ɓe, ngol laataaki ngam maɓɓe, ammaa ngam mooɗon. Nelaaɓe waazinɓe on Linjiila ngecci on gooŋgaaji ɗi'i. Ɓe ngaazi on ɗi bee baawɗe Ruuhu Ceniiɗo iwɗo diga asama. Malaa'ika'en maa ngiɗi faamugo haala ka'a.

1 Piyer 1:20

Allah suɓi mo diga duniyaaru tagaaka tawon, o waŋgini mo haa mooɗon nder balɗe ragareeje ɗe'e.

1 Piyer 1:21

Ngam barka maako on nuɗɗini Allah mo ummitini mo diga maayde, teddini mo. Bana non nuɗɗinki mooɗon e tammunde mooɗon haa Allah tabitirta.

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Piyer 3:22

mo eeŋgi haa asama, jooɗi haa nyaamo Allah. O ɗon laamano malaa'ika'en e marɓe laamu e marɓe baawɗe.

1 Yuhanna 1:2

Ngam ngeendam man waŋgi, min ngi'i ɗam, min ɗon ceedo ɗam, min ɗon anndina on ngeendam nduumiiɗam ngonnooɗam kommbi Baabiraawo e ɗam waŋgani min.

1 Yuhanna 3:5

Ammaa on anndi Almasiihu wari ngam ittugo hakkeeji. Kaŋko, walaa hakke nder maako sam.

1 Yuhanna 3:8

Baɗoowo hakke fuu laatake mo Iblisa, ngam diga fuɗɗam, Iblisa ɗon waɗa hakke. Ngam man Ɓiɗɗo Allah wari ngam nattingo kuuɗe Iblisa.

Wahayu Yuhanna 17:5

Haa tiinde maako innde bee maana cuuɗiika winndaama: “Baabila maŋngol, daada daakaare'en e kuuje nyidduɗe haa duniyaaru.”

Wahayu Yuhanna 17:7

Malaa'ikaajo go wi'i yam: “Ngam ɗume a hayɗini? Mi wi'ete sirri debbo e ndabbaawa marŋga ko'e joweeɗiɗi e luwe sappo nga o wa'i.

Wahayu Yuhanna 7:9

Ɓaawo man mi yi'i mooɓre ɗuuɗnde nde goɗɗo waawataa limugo. Ɓe iwi haa ummaatooje e asli e jama'aaje e ɗemɗe fuu. Ɓe ɗon ndari yeeso leeso laamu e yeeso jawgel, ɓe ɗon ɓorni ngapaleeji daneeji, ɓe ɗon njogi lice dibinooje.