1 Timote 1:5 - Fulfulde Bible

⁵ Tiitorde umroore nde'e, ɗum yiide iwnde haa ɓernde laaɓnde e numo ɓernde laaɓŋgo e nuɗɗinki ki walaa naafikaare.

Fulfulde DC Bible

⁵ Tiitorde umroore nde'e, ɗum yiide iwnde haa ɓernde laaɓnde e numo ɓernde laaɓŋgo e nuɗɗinki ki walaa naafikaare.

1 Timote 1:5 Iomraidhean Croise

Jabuura 24:4

Mo juuɗe mum e ɓernde mum laaɓi, mo nufataako kuuje meereeje, mo hunataako dow fewre.

Jabuura 51:10

Accu mi nana hoolo seyo e welwelo, haa mi maata seyo fahin, ɓaawo a hiiti yam kiita naawka.

Yeremiya 4:14

Urusaliima, lootu ɓernde ma, ittu halleende, haa a hisa. Ndey accata nufayeeje ma kalluɗe?

Sefaniya 3:7

Mi tammi: Jonta ngol hulatam sike, ngol jaɓan elto am. Nokkuure maagol wilatake! Nde mi hiiti yimɓe maagol fuu, ɓe tullitini kuuɗe maɓɓe.

Matta 12:35

Neɗɗo booɗɗo ɗon wurtina kuuje booɗɗe nder siga mum mbooɗka, neɗɗo kalluɗo boo ɗon wurtina kuuje kalluɗe nder siga mum kalluka.

Matta 5:8

Barka laatanto laaɓa-ɓerɗe'en, ngam ɓe ngi'an Allah.

Kuuɗe Nelaaɓe 15:9

O waɗaay ferootiral hakkunde meeɗen e maɓɓe ngam o laɓɓini ɓerɗe maɓɓe nde ɓe nuɗɗini.

Kuuɗe Nelaaɓe 23:1

Pol suti dawrooɓe, wi'i: “Deerɗiraaɓe am! Min mi ɗowtani Allah haa hannde bee numo ɓernde laaɓŋgo.”

Kuuɗe Nelaaɓe 24:16

Ngam maajum mi ɗon haɓda jooɗaago ɓernde laaɓnde bilaa feloore yeeso Allah e yeeso yimɓe boo.

Roma'en 10:4

Diga Almasiihu wari, zamanu tawreeta timmi. Koo moy nuɗɗini Almasiihu, Allah adilinan mo.

Roma'en 12:9

Yiide mon laato laaɓnde, nde walaa faasikaare. Nganye halleende koo ndeye, taa acce waɗgo mbooɗeeŋga.

Roma'en 14:15

To a naawni ɓernde deerɗa bee nyaamdu ma koo nduye, nden kam a tokkaaki yiide. Almasiihu maayi ngam deerɗa. Ngam maajum taa nastin mo nder halkere bee nyaamdu ma.

Roma'en 9:1

Gooŋga mi wi'ata naa fewre. Almasiihu anndi ɗum. Bee ballal Ruuhu Ceniiɗo numo ɓernde am ɗon seedo ɗum.

1 Korintu'en 13:1

To mi anndi wolwugo ɗemɗe yimɓe e ɗe malaa'ika'en, ammaa to mi walaa yiide, nden kam mi laati bana njamndi iidoori malla koŋsiire hoolo.

2 Korintu'en 1:12

Numooji ɓerɗe amin ɗon ceedano min, min njooɗi nder gooŋgaaku e laaɓeeŋga nder duniyaaru, sakkomaa caka mooɗon. Kanjum iwi haa Allah, kanjum min mantorto. Min ndaraaki dow faamu yimɓe, sey dow mo'ere Allah.

Galaatiya'en 5:22

Ammaa ko Ruuhu Allah rimata ɗum yiide e seyo e salaaman e munyal e enɗam e mbooɗeeŋga e hoolaare

Galaatiya'en 5:6

Ngam to goɗɗo ɗon nder kawtal bee Almasiihu, juulnol malla saadoniiku walaa saman. Nuɗɗinki baŋginanki yiide tan mari saman.

Tooktaaki Tawreeta 10:12

“Jonta kam, onon Isra'iila'en, ɗume Jawmiraawo, Allah mooɗon ɗaɓɓata haa mooɗon? Ndaa ko o reenata: On kula mo, on tokko laabi maako, on ngiɗa mo, on njaggana mo bee ɓerɗe mon e yoŋkiiji mooɗon fuu,

1 Timote 1:18

An Timote, ɓiŋngel am, mi halfini ma umroore nde'e. Siftor annabaakuuji gaɗaaɗi dow maaɗa naane, ɗi cemmbiɗine ngam haa a haɓa haɓre woonde,

1 Timote 1:19

a joga nuɗɗinki ma e numo ɓernde ma laaɓŋgo. Numo ngo'o, woɗɓe ngudini ngo, nuɗɗinki maɓɓe waati.

1 Timote 3:9

Sey ɓe kakkilana gooŋga nuɗɗinki ka Allah waŋgini ɗum, ɓe njogo ka bee numo ɓernde laaɓŋgo.

2 Timote 1:3

Mi ɗon yetta Allah mo njaggantoomi bee numo ɓernde laaɓŋgo, bana kaakiraaɓe am. Mi accataa siftorgo ma nder do'aaje am jemma e naaŋge fuu.

2 Timote 1:5

Mi siftori nuɗɗinki ma ki walaa naafikaare. Aran, nuɗɗinki ki'i ɗonno nder ɓernde Lowis maama ma debbo e nder ɓernde Ewnike daada ma. Mi tabitini ki ɗon nder maaɗa boo.

2 Timote 2:22

An, reenta e suunooji sukaaku, ɗaɓɓu adilaaku e nuɗɗinki e yiide e salaaman bee torotooɓe Jawmiraawo bee ɓerɗe laaɓɗe.

Titus 1:15

Haa laaɓa-ɓerɗe'en, koo ɗume fuu laaɓi. Ammaa haa soɓɓe e sooyɓe nuɗɗinki, walaa ko laaɓi, ngam hakkiilooji maɓɓe e numo ɓerɗe maɓɓe coɓi.

Ibraniŋke'en 10:22

Ngam maajum en ɓadito Allah kadi bee ɓerɗe gooŋgaaje, bee nuɗɗinki cemmbiɗki, bee numo ɓerɗe laɓɓinaaɗe, ɓalli boo giiwaaɗi bee ndiyam laaɓɗam.

Ibraniŋke'en 13:18

Tore Allah ngam amin. Ngam min anndi fakat ɓerɗe amin laaɓi, ngam foroy min ngiɗi waɗugo ko fotti.

Ibraniŋke'en 9:14

nde non kam, ƴiiƴam Almasiihu ɓuran nafugo piw. Bee baawɗe Ruuhu duumiiɗo o hokkiri yoŋki maako haa Allah bana njawdiri ndi walaa aybe koo seɗɗa. Ƴiiƴam maako laɓɓinan numo-ɓerɗe meeɗen, wilan kuuɗe ɗe njahrata en haa maayde, ngam en njaggano Allah geeto.

Yaakuba 4:8

Ɓadite Allah, kaŋko boo o ɓadititto on. Laɓɓine juuɗe mooɗon, onon hakke'en. Cene ɓerɗe mooɗon, onon sakliiɓe.

1 Piyer 1:22

Jonta nde on ceni ko'e mooɗon bee ɗowtanaago gooŋga, ngiɗe deerɗiraaɓe nder nuɗɗinki bilaa naafikaare. Ngam maajum ngiɗindire bee tiinaare e ɓerɗe laaɓɗe.

1 Piyer 3:16

Ammaa njaabe ƴamɓe on bee yaŋkinaare e ne'aare e numo ɓernde laaɓŋgo. Nden ɓe cemtan ngam ɓe ngulli on bilaa daliila, ɓe mbolwi kalluka dow joonde mooɗon woonde nder kawtal bee Almasiihu.

1 Piyer 3:21

Ndiyam ɗa'am laati misaalu baptisma, ɗam ɗon hisna on jonta, naa bee lootugo tuundi ɓanndu, ammaa bee jaabaago Allah bee numo ɓernde laaɓŋgo nder ummitineeki Yeesu Almasiihu

1 Piyer 4:8

Ko ɓuri fuu, ngiɗindire bee yiide gooŋgaare, ngam yiide ɗon yaafo hakkeeji ɗuuɗɗi.

2 Piyer 1:7

yiide deerɗiraagu e yiide.

1 Yuhanna 3:10

Ammaa mo huuwataa kuuɗe adiliije, mo ɗon wanya deerɗiraawo mum fuu, o danyaakaa e Allah. Bana nii goɗɗo senndindirta ɓikkoy Allah bee koy Iblisa.

1 Yuhanna 3:23

Ndaa ko o umri: En nuɗɗina innde Yeesu Almasiihu, Ɓiɗɗo maako, en ngiɗindira fodde umroore nde Almasiihu umri en.

1 Yuhanna 3:3

Koo moy tammake ɗum, laɓɓinan hoore mum bana Yeesu Almasiihu o laaɓɗo.