1 Samuyila 1:3 - Fulfulde Bible

³ Hitaande fuu Elkaana ɗon yaha bee saare mum haa Silo ngam sujidango Jawmiraawo honooɓe asama e lii'ango mo kirseteeŋga. Zamanu man Hofni e Pinehas, ɓiɓɓe Eeli ngonno liman'en Jawmiraawo ton.

Fulfulde DC Bible

³ Hitaande fuu Elkaana ɗon yaha bee saare mum haa Silo ngam sujidango Jawmiraawo honooɓe asama e lii'ango mo kirseteeŋga. Zamanu man Hofni e Pinehas, ɓiɓɓe Eeli ngonno liman'en Jawmiraawo ton.

1 Samuyila 1:3 Iomraidhean Croise

Jabuura 78:60

O acci joonde maako haa Silo, laymaaru maako ndu o tigguno caka yimɓe.

Gurtaaki 23:14

“Hitaande fuu mbaɗaneeɗam juulde nde tati.

Gurtaaki 23:17

Hitaande fuu worɓe mon ngara nde tati yeeso am, min Allah Jawmiraawo.

Gurtaaki 34:23

Hitaande fuu nde tati, worɓe fuu ngara yeeso Jawmiraawo Allah Isra'iila.

Luka 2:41

Hitaande fuu saaro'en Yeesu ɗon njaha Urusaliima ngam waɗugo juulde Paska.

Tooktaaki Tawreeta 16:16

Hitaande fuu, yimɓe nder mooɗon ngara yeeso Jawmiraawo, Allah mooɗon nde tati, haa nokkuure nde o suɓata ngam: Juulde tamseeje ɗe ufnaaka e juulde ƴaamle aartuɗe e juulde bukkaaji. Taa ɓe ngara juŋngo meere yeeso Jawmiraawo.

Yosuwa 18:1

Nde yimɓe ummaatoore Isra'iila timmini nyaamugo lesdi, ɓe fuu ɓe mooɓi haa Silo. Ɓe ndarni laymaaru fottirde ton.

Alkaali'en 18:31

Ɓe cigi lawru sehaandu ndu Mika waɗi wakkati suudu Allah ɗon haa Silo fuu.

Alkaali'en 21:19

Nden ɓe numi: “Nde hitaande yaalti fuu, en mbaɗana Jawmiraawo juulde haa Silo.” Silo ɗon haa woyla Baytila, haa fombina Leboona, haa fuunaaŋge laawol jahranŋgol diga Baytila haa Sikem.

1 Samuyila 1:21

Mawri maajum Elkaana yehi fahin haa Silo, kaŋko e yimɓe saare maako fuu, ngam haa o lii'ano Jawmiraawo kirseteeŋga hitaande man e kirseteeŋga feere nga o togi ɗum.

1 Samuyila 1:9

Ɓaawo ɓe nyaami e ɓe njari haa Silo, Hanna ummi. Eeli, limanjo ɗon jooɗi dow koromwal mum baŋnge nastirde suudu Jawmiraawo.

1 Samuyila 14:3

Ahiyya ɓii Ahitooba deerɗiraawo Ikabood ɓii Pinehas ɓii Eeli, ɗonno limanjo Jawmiraawo haa Silo, kaŋko o ɗon ɓorni limce limanku saa'i man. Yimɓe wonduɓe bee Sawulu kamɓe boo ɓe anndaa Yonatan dilli.

1 Samuyila 2:19

Hitaande fuu daada maako waɗana mo ngapaleewol deydey darnde maako, waddana mo ngol yaake o wardi bee goriiko ngam lii'aago kirseteeŋga hitaande man fuu.

1 Samuyila 2:34

To ɓiɓɓe ma Hofni e Pinehas maayi ɓe ɗiɗo fuu nder nyalaade woore, nden kam a anndan ko mbi'mi fuu laatoto.

1 Samuyila 3:13

Mi anndinan mo no mi hiitorto saare maako haa foroy, ngam ɓikkoy maako kuɗi yam, kaŋko boo o haɗaay ɓe.

1 Samuyila 4:11

Filisti'en kooci sundukru alkawal Allah. Hofni e Pinehas, ɓiɓɓe Eeli ɗiɗo go, kamɓe boo ɓe maayi.

1 Samuyila 4:4

Ɓe neli worɓe woɗɓe haa Silo ngam haa ɓe ɗaɓɓitoya sundukru alkawal Jawmiraawo honooɓe Isra'iila, jooɗiiɗo caka keruba'en. Hofni e Pinehas, ɓiɓɓe Eeli ɗofti ndu.