1 Piyer 5:5 - Fulfulde Bible

⁵ Onon derke'en boo, leestane mawɓe bana non. Koo moy fuu laatano deerɗum jaŋkiniiɗo ngam Deftere wi'i: “Allah ɗon dartano mantotooɓe, ammaa o ɗon mo'ana yaŋkiniiɓe.”

Fulfulde DC Bible

⁵ Onon derke'en boo, leestane mawɓe bana non. Koo moy fuu laatano deerɗum jaŋkiniiɗo ngam Deftere wi'i: “Allah ɗon dartano mantotooɓe, ammaa o ɗon mo'ana yaŋkiniiɓe.”

1 Piyer 5:5 Iomraidhean Croise

2 Habaruuji Nyalaaɗe 6:41

Umma, yaa Allah Jawmiraawo, war haa nokkuure siwtorde ma, an bee sundukru ma marndu baawɗe. Yaa Allah Jawmiraawo, liman'en maaɗa ɓorno kisndam, hoolaaɓe ma ceyoro hayru.

Ayuba 22:29

Koo moy mawniti, Allah ɗon leesna ɗum. Koo moy yaŋkini hoore mum, Allah hisnan ɗum.

Ayuba 29:14

Mi ɓornino adilaaku bana limce am, meetaleewol e jaage, non gooŋgaaku am.

Jabuura 132:16

Mi taarnan liman'en maare bee kisndam bana mojaare, hoolaaɓe maare ngiman bee seyo maŋngo.

Jabuura 132:9

Adilaaku taaro liman'en maaɗa bana mojaare, hoolaaɓe ma ngima bee seyo.

Jabuura 138:6

Koo nde Jawmiraawo o Ɓaŋiiɗo, o ɗon laara leesɓe, ammaa o ɗon anndita mawnitiiɓe diga daayiiɗum.

Balndi 25:7

Ngam wi'eego: “War gaa'e”, ɓuri famɗitineego yeeso mawɗo.

Balndi 3:34

Jancooɓe, o ɗon janca ɓe, ammaa o ɗon yerdo yaŋkiniiɓe.

Esaaya 57:15

Allah Ɓaŋiiɗo, mawɗo, tabitɗo haa foroy, mo innde muuɗum Ceniiɗo ɗon wi'a: Mi ɗon jooɗi haa nokkuure seniinde townde, ammaa mi ɗon jooɗi kommbi ta'a-ɓerndeejo e jaŋkiniiɗo boo ngam semmbiɗingo ta'a-ɓerndeejo e yeeɗitingo jaŋkiniiɗo.

Esaaya 61:10

Urusaliima ɗon maŋgta: “Mi seyorto Jawmiraawo masin! Mi welweltan daliila Allah am. Ngam o ɓorni yam kisndam bana limce, o moji yam bee adilaaku bana alkibbaare, bana ɓaŋganɗo meetiiɗo meetaleewol mum nannduŋgol ngol limanjo, bana ɓaŋgeteeɗo pawniiɗo bee fawne muuɗum.

Esaaya 66:2

Kuuje ɗe'e fuu, juŋngo am waɗi ɗe, nden ɗe fuu ɗe laati. Non Jawmiraawo wi'i. Ndaa ɓe'e ndaaranmi: Yaŋkiniiɓe e ta'a-ɓerɗe'en, diwnanɓe ngam wolde am.

Ezekiyel 26:16

Laamiiɓe ummaatooje haa mbeela fuu njippoto leese laamu muuɗum'en. Ɓe ɓortan ngapaleeji maɓɓe e alkibbaaje maɓɓe tuppitaaɗe, ɓe njooɗo haa lesdi ɓe ɗon ndiwna. Ɓe kultoran ngam masiibo ma, ɓe mbaawataa naŋgtugo diwŋgol maɓɓe.

Daniyel 11:12

Laamiiɗo fombina dahan jama'aare haɓɓaande nde'e. Ɓernde maako mawnititto, o mbaran ujineeje ɗuuɗɗe caka maɓɓe ammaa o jaalaataako.

Farillaaji Lewi'en 19:32

Umme yeeso marɗo dandanndi, teddine ndottiijo, kule Allah mon. Min woni Jawmiraawo.”

Luka 22:26

Ammaa ngam mooɗon kam, naa bana non. Mo ɓurdi maŋngu caka mooɗon laato mo ɓurdi famɗugo, mo ɗon laamo boo laato bana jaggiiɗo.

Roma'en 12:10

Ngiɗindire ngam on deerɗiraaɓe nder Almasiihu. Sey koo moy samɗina deerɗum, ɓurna mo dow hoore mum.

Roma'en 13:14

Acce Jawmiraawo Yeesu Almasiihu laamano ngeendam mon fuu. Taa cuklane suunooji mon, ngam taa ɗi njaalo on.

Efesu'en 5:21

Koo moy mooɗon leestana woɗɓe ngam daliila ɗowtaare mon haa Almasiihu.

Filippi'en 2:3

Taa ngaɗe koo ɗume bee numooji kaajuɗi malla ngam mantoraago ko'e mon. Ammaa nder yaŋkinaare, ndaare woɗɓe bana ɓurɓe on.

Kolossi'en 3:12

Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

1 Timote 5:1

Taa telɓan ndottiijo. Ammaa waso mo bana o baaba ma, sukaaɓe boo, bana deerɗiraaɓe,

Ibraniŋke'en 13:17

Ɗowtane ardiiɓe on, leestane ɓe. Ngam ɓe ɗon ayna yoŋkiiji mooɗon tum, ngam ɓe njaaboto Allah dow kuuɗe maɓɓe. To on mbaɗi non, ɓe kuuwan bee seyo. To naa non, ɓe kuuwan bee mone, kanjum boo ɗum nafataa on.

Yaakuba 4:6

Ammaa mo'ere nde Allah mo'ani en ɓuri ɗum. Ngam man Deftere Seniinde wi'i: “Allah ɗon dartano mawnitiiɓe, ammaa o ɗon mo'ana yaŋkiniiɓe.”

1 Piyer 3:8

Dow ko mi wolwi fuu, mi ɗon wi'a fahin: Sey on fuu on mara numo wooto, njurmindire, ngiɗindire bana deerɗiraaɓe, enɗindire, laate yaŋkiniiɓe.

1 Piyer 4:1

On anndi Almasiihu yari bone nder ɓanndu muuɗum. Cemmbiɗine ko'e mooɗon bee numo bana ngo Almasiihu, ngam koo moy to yari bone nder ɓanndu mum seedi bee hakke.

1 Piyer 4:5

Ammaa sey ɓe njaabo Allah, taaskiiɗo hiitaago yeeɗɓe e maayɓe.