1 Piyer 4:11 - Fulfulde Bible

¹¹ Mo waazata, sey o waazo wolde Allah. Mo huuwanta goɗɗo, sey o huuwana mo bee semmbe ɗe Allah hokkata mo. Nder ko en mbaɗata fuu, sey en teddina Allah bee Yeesu Almasiihu. Kaŋko mari tedduŋgal e baawɗe haa foroy! Aamiina.

Fulfulde DC Bible

¹¹ Mo waazata, sey o waazo wolde Allah. Mo huuwanta goɗɗo, sey o huuwana mo bee semmbe ɗe Allah hokkata mo. Nder ko en mbaɗata fuu, sey en teddina Allah bee Yeesu Almasiihu. Kaŋko mari tedduŋgal e baawɗe haa foroy! Aamiina.

1 Piyer 4:11 Iomraidhean Croise

Jabuura 145:13

Laamu ma ɗum laamu nduumiiŋgu, laamu ma tabitan diga yidere haa yidere. Jawmiraawo o koolniiɗo nder bolle maako fuu, o booɗɗo nder kuuɗe maako fuu.

Esaaya 8:20

Njaabe ɓe: “Aa'a! Sey goɗɗo nana seedamku e ekkitinol Allah!” To on mbi'ataa non, ɓe ngi'ataa baɓɓol.

Yeremiya 23:22

To ɓe ndawridino bee am, nden kam ɓe ngeccanno yimɓe am ko mbi'mi, ɓe lornanno ɓe diga laabi maɓɓe kalluɗi e kuuɗe maɓɓe kalluɗe.

Daniyel 4:3

Mi umri waddugo hikma'en Baabila fuu yeeso am, ngam haa ɓe passitiranammi koyɗol am.

Daniyel 4:34

Min Nabukodonosor, jonta mi ɗon yetta, mi ɗon maŋgta, mi ɗon teddina Laamiiɗo asama. Kuuɗe maako fuu ɗe gooŋgaaje, laabi maako fuu laaɓi. O waawan leestingo mawnitiiɓe.”

Daniyel 7:14

O hokkaama baawɗe e tedduŋgal e laamu, yimɓe nder ummaatooje e asli e ɗemɗe fuu ɗon ɗowtano mo. Baawɗe maako nduumoto haa foroy, laamu maako wilataako sam!

Matta 6:13

Aynu min ngam taa min nasta jarribeeki, ammaa hisnu min diga Kalluɗo. [Ngam an mari laamu e baawɗe e tedduŋgal, haa foroy. Aamiina!]

Yuhanna 13:31

Nde Yahuuda wurti, Yeesu wi'i: “Jonta Ɓii-neɗɗo teddinaama, Allah boo teddinaama nder maako.

Kuuɗe Nelaaɓe 7:38

Yaake jama'aare ɗonno nder ladde, kaŋko laati dariiɗo hakkunde kaakiraaɓe meeɗen e malaa'ikaajo bolwanɗo mo haa hooseere Sina. Ton o jaɓi bolle ngeendam haa o hokka en ɗe.

Roma'en 11:36

Allah tagi kuuje fuu. Haa maako ɗe iwi, ɗe ɗon ngam maako. Tedduŋgal laatano mo haa foroy. Aamiina!

Roma'en 12:3

Daliila mo'ere nde Allah waɗani yam, mi ɗon umra koo moy mooɗon: Taa goɗɗo numana hoore mum maŋngu ɓuranŋgu no foti, ammaa koo moy laara hoore mum deydey geɗal nuɗɗinki ngal Allah hokki mo.

Roma'en 16:27

Allah feere muuɗum mari hikma. Tedduŋgal laatano mo bee Yeesu Almasiihu haa foroy! Aamiina!

Roma'en 3:2

Fakat, ɗum woodi saman, naa seɗɗa. Aran, Allah halfini ɓe bolle mum.

1 Korintu'en 10:31

Ngam maajum, to on ɗon nyaama malla to on ɗon njara malla koo ɗume ko mbaɗoton, mbaɗe ɗum fuu ngam tedduŋgal Allah.

1 Korintu'en 12:4

Woodi dokke feere feereeje, ammaa Ruuhu gooto tan hokkata ɗe fuu.

1 Korintu'en 3:10

Fodde mo'ere nde Allah mo'ani yam, bana mahoowo kakkilɗo, mi wallini caɓɓawal. Goɗɗo feere ɗon maha dow maagal. Ammaa sey koo moy hakkilana no o mahrata.

1 Korintu'en 6:20

On coottaama bee saman. Ngam maajum teddine Allah bee ɓalli mooɗon.

2 Korintu'en 2:17

Minin min laataaki bana ɗuuɗɓe waazotooɓe wolde Allah ngam heɓugo riba. Min ɗon mbolwa gooŋga yeeso Allah, min ɗon mbolwa ko iwi haa Allah nder kawtal bee Almasiihu.

2 Korintu'en 9:13

To dokkal maajum waŋgini gooŋgaaku mon, nden kam ɓe teddinan Allah, ngam on ɗowtani seedamku linjiila Almasiihu, on cenndi hayruuji mon boo bee maɓɓe e bee yimɓe fuu.

Efesu'en 1:19

On paama boo baawɗe maako ɓurɗe mawnugo ɗe o huuwrata heedi meeɗen, enen nuɗɗinɓe fodde semmbe maako mawnde.

Efesu'en 4:29

Taa mbolwe bolle naawɗe, sey nafooje, mawninooje, kaanduɗe, haa on mo'ana nananɓe on.

Efesu'en 5:20

Ngette Allah Baabiraawo koo ndey ngam koo ɗume bee innde Jawmiraawo men Yeesu Almasiihu.

Efesu'en 6:10

Ndaa ko lutti wi'eego: Cemmbiɗe tum nder kawtal mon bee Jawmiraawo bee baawɗe maako mawɗe.

Filippi'en 1:11

on heewɓe nafuuda kuuɗe adiliije barka Almasiihu ngam teddinki Allah e maŋgtoore mum.

Filippi'en 2:11

e koo moy seeda: “Yeesu Almasiihu woni Jawmiraawo” ngam tedduŋgal Allah Baabiraawo.

Kolossi'en 4:6

Sey bolle mon laato belɗe, nafooje tum ngam haa on annda no on njaaborto koo moy bana ko haani.

1 Tessaloniiki'en 2:4

Allah linyi min, yerdi min, halfini min Linjiila mum. Jonta to min ɗon mbolwa, naa ngam haa min pottana yimɓe, ammaa ngam min pottana Allah, linyoowo ɓerɗe amin.

1 Timote 1:17

Hormu e tedduŋgal laatano Allah gooto, laamiiɗo duumiiɗo, mo maayataa, mo yi'ataake haa abada abadin. Aamiina!

1 Timote 6:16

Kaŋko feere maako mari duumaare, o ɗon jooɗi nder annoora ka ɓadataake, walaa neɗɗo meeɗi yi'ugo mo, waawataa yi'ugo mo boo. Tedduŋgal e baawɗe duumiiɗe laatano mo. Aamiina!

Titus 2:1

Ammaa an, sey a wolwa ko yahdata bee ekkitinol gooŋgawol.

Titus 2:15

Kanjum, yeccu ɗum nanooɓe ma, wasa ɓe, fel ɓe bee baawɗe ma fuu. Taa accu koo gooto maɓɓe yawo ma.

Ibraniŋke'en 13:7

Ciftore ardiiɓe on, wolwanɓe on wolde Allah. Ndaare timmoode ngeendam maɓɓe, tokke misaalu nuɗɗinki maɓɓe.

Ibraniŋke'en 5:12

Wakkati waɗi haa on laato ekkitinooɓe, ammaa haa jonta on ngoodi fahin haaje goɗɗo ekkitina on kuuje ɓurɗe hoyugo nder bolle ɗe Allah wolwi. Haa jonta on ngiɗi musingo kosam, naa nyaamdu saatundu.

Yaakuba 1:19

Deerɗiraaɓe am yiɗaaɓe, paame ɗu'um: Sey koo moy fuu taaskano nanugo, ammaa taa o yaawa wolwugo, taa o yaawa tikkugo boo.

Yaakuba 1:26

To goɗɗo ɗon numa o goɗɗo diina, ammaa o hakkilantaa ko o wolwata, diina maako laati meere, o fewani hoore maako.

1 Piyer 2:12

Sey joonde mooɗon caka heefeerɓe wooɗa ngam koo to ɓe ngulli on bee wi'go on halluɓe, ɓe ndaara kuuɗe mooɗon booɗɗe, nden ɓe teddina Allah nyannde loraaki maako.

1 Piyer 2:5

Onon boo bana kaa'e geete, laate mahruɗe haykaliiru Ruuhu Ceniiɗo. Laate liman'en senaaɓe haa lii'anon Allah kirseteeɗi pottananɗi mo barka Yeesu Almasiihu.

1 Piyer 4:10

Sey koo moy mooɗon huuwtinira dokkal ngal Allah hokki mo, nafa woɗɓe bee maagal. Bana nii on laatorto aynooɓe dokke Allah feere feereeje.

1 Piyer 4:16

Ammaa to on njari bone ngam on nuɗɗinɓe tokkiiɓe Almasiihu, taa cemte ɗum. Sey on ngetta Allah ngam on njogi innde Almasiihu.

1 Piyer 5:11

Baawɗe laatano mo haa foroy! Aamiina.