1 Piyer 3:15 - Fulfulde Bible

¹⁵ Ammaa teddine Almasiihu nder ɓerɗe mooɗon ngam o Ceniiɗo, o Jawmiraawo mooɗon. Laate taaskiiɓe koo ndey haa on mbaawa jaabaago koo moy to ƴami on haala tammunde mooɗon.

Fulfulde DC Bible

¹⁵ Ammaa teddine Almasiihu nder ɓerɗe mooɗon ngam o Ceniiɗo, o Jawmiraawo mooɗon. Laate taaskiiɓe koo ndey haa on mbaawa jaabaago koo moy to ƴami on haala tammunde mooɗon.

1 Piyer 3:15 Iomraidhean Croise

Jabuura 119:46

Mi wolwanan laamiiɓe seedamkuuji ma, mi semtataa.

Balndi 15:28

Adiliijo numan hiddeko o jaabo, ammaa kunnduɗe halluɓe ɓulnan halleende.

Balndi 22:21

Ɗe anndinte ko haani anndugo fuu, haa keɓa wartirango nelɓe ma bolle gooŋga.

Esaaya 1:18

“Kadi, ngare haa kujjotiren” – non Jawmiraawo wi'i. “Koo to hakkeeji mooɗon mbooji coy, ɗi ndanwan bana mallimallooje. To ɗi mbooji bana ƴiiƴam, ɗi ndanwan bana hottollo.

Esaaya 29:23

To ɓikkoy maɓɓe ngi'i kuugal juuɗe am caka maɓɓe, nden kam ɓe annditan min woni Allah Ceniiɗo mo Yaakubu, ɓe kulan Allah Isra'iila.

Esaaya 41:21

Jawmiraawo, laamaniiɗo danygol Yaakubu wi'i: “Onon labbi ummaatooje, anndine wullaandu mon, mbaŋgine hujjaaji mon!

Esaaya 5:16

Ammaa Jawmiraawo honooɓe asama ɓaŋgoto nder kiita ngooŋɗuka, bee adilaaku Allah Ceniiɗo waŋginirta senaare muuɗum.

Esaaya 8:12

“Taa ewne tuurtol ko yimɓe ɓe'e fuu ewnata tuurtol. Taa kule ko ɓe kulata, taa kultore sam.

Limle 20:12

Ammaa Jawmiraawo feli Muusa e Haruna, wi'i ɓe: “On nuɗɗinaay yam, on ceedaay senaare am yeeso Isra'iila'en. Ngam maajum on nastintaa ɓe nder lesdi ndi ndokkanmi ɓe.”

Limle 27:14

ngam on tuurtani umroore am nder ladde Ciin saa'i jama'aare fuu jokkiri bee am daliila ndiyam. On ceednaay senaare am yeeso maɓɓe haa ndiyam Meriba baŋnge Kaades nder ladde Ciin.”

Kuuɗe Nelaaɓe 21:39

Pol jaabi: “Min mi Yahuuduujo, danyaaɗo haa Tarsus nder Silikiya, mi ɓii berniwol maŋngol. Mi tori ma, duŋanam wolwango mooɓre.”

Kuuɗe Nelaaɓe 24:25

Ammaa nde Pol wolwi dow adilaaku e naŋgtaare e kiita ngaranka, Felikus hultori, wi'i: “He'i jonta kam, dillu! To mi heɓi wakkati, mi ewnete fahin.”

Kolossi'en 1:23

Ammaa sey on tabita e on cemmbiɗa nder nuɗɗinki. Taa on acca koo ɗume sottina on dow tammunde nde keɓɗon haa Linjiila ka on nani. Linjiila ka'a waazinaama tagefooji fuu nder duniyaaru. Min Pol, mi gaazoowo ka.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Kolossi'en 1:5

daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Kolossi'en 4:6

Sey bolle mon laato belɗe, nafooje tum ngam haa on annda no on njaaborto koo moy bana ko haani.

Titus 1:2

bee tammunde ngeendam nduumiiɗam, mi ɗon winndane Titus, ɓiŋngel am nder nuɗɗinki kawtuki en: Allah Baabiraawo e Yeesu Almasiihu, Kisnoowo men ndokke mo'ere e salaaman. Diga zamanuuji ɓooymaaji Allah mo fewataa iini hokkugo en ngeendam ɗa'am. Nder saa'iire ta'aande boo, Allah Kisnoowo meeɗen waŋgini wolde muuɗum, halfini yam kuugal waazaago nde fodde umroore muuɗum.

Ibraniŋke'en 3:6

Ammaa Almasiihu, o Ɓiɗɗo nder saare maako. Enen ngoni saare maako, to en tabiti nder cuusal meeɗen e tammunde meeɗen nde en maŋgtorto.

Ibraniŋke'en 6:1

Ngam maajum njehen yeeso haa ekkitinol mawɓe, taa en tokko jooɗaago haa ekkitinol fuɗɗanɓe nder nuɗɗinki Almasiihu. Taa en puɗɗita wallingo caɓɓawal nuɗɗinki, bana haala tuubugo dow kuuɗe ɗe njahrata en haa maayde e nuɗɗingo Allah

1 Piyer 1:17

To on ɗon mbaɗa do'a, on ɗon ewno Allah, “Baabiraawo”. Allah ɗon hiito yimɓe, o senndindirtaa ɓe, ammaa o ɗon hiito ɓe deydey kuuɗe maɓɓe. Nde nii on laatake hoɗɓe nder duniyaaru, timmine balɗe mooɗon luttuɗe nder kulol Allah.

1 Piyer 3:2

ngam ɓe ndaaran no joonde mooɗon laaɓrata, no on kulorta Allah.

1 Piyer 3:4

Ndikka ŋarol mooɗon iwa diga nder ɓerɗe mooɗon, waato gikku ɗelemŋgu, de'iiŋgu. Kanjum woni pawne ɗe njinnataa, ɗum mari saman masin haa yeeso Allah.