1 Piyer 2:9 - Fulfulde Bible

⁹ Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

Fulfulde DC Bible

⁹ Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

1 Piyer 2:9 Iomraidhean Croise

Jabuura 106:5

Accu mi yi'a hayru suɓaaɓe ma, mi seyoro seyo ummaatoore ma, mi manto hawtaade bee yimɓe ɓe marɗa!

Jabuura 118:27

Jawmiraawo woni Allah, o yaynani en. Nyannde juulde mon njoge lice, kawte, njehe haa njotton luwe hirsirde.

Jabuura 135:4

Jawmiraawo suɓani hoore mum Yaakubu, yimɓe Isra'iila ɓe yiɗaaɓe maako.

Jabuura 22:30

Marɓe baawɗe duniyaaru fuu nyaaman, ɓe cujidanan mo boo, maayanɓe fuu tugganan mo koppi, ɓe mbaawataa juttingo balɗe maɓɓe.

Jabuura 33:12

Barka laatano ummaatoore nde Jawmiraawo woni Allah mum, jama'aare nde o suɓi haa o mara nde!

Jabuura 73:15

To mi numno wolwugo bana halluɓe ɓe'e, nden kam mi zammbotono yimɓe ma.

Esaaya 26:2

Maɓɓite dammuɗe haa ummaatoore adili'en e hoolaaɓe nasta.

Esaaya 41:8

Ammaa an, Isra'iila, suka am, Yaakubu mo cuɓmi ɗum, danygol soobaajo am Ibrahiima,

Esaaya 42:16

Mi yahran wumɓe dow laawol ngol ɓe anndaa, mi ɗowan ɓe dow laabi ɗi ɓe anndaa. Nyiɓre yeeso maɓɓe, mi wartiran nde jayŋgol, laawol leliiŋgol boo darnuŋgol. Kanjum mbaɗanmi, mi accataa ɗum sam.

Esaaya 44:1

Jawmiraawo wi'i: “Jonta nan kadi, an suka am Isra'iila, danygol Yaakubu, ummaatoore am suɓaande!

Esaaya 61:6

Ammaa onon on ewneteeɓe liman'en Jawmiraawo. Ɓe ewnan on suka'en Allah meeɗen. On nyaaman risku ummaatooje, on njurorto tedduŋgal maaje.

Esaaya 62:12

Ɓe wi'eteeɓe ummaatoore seniinde, soottaaɓe Jawmiraawo. Urusaliima boo, yimɓe mbi'ete Berniwol ngol Allah yiɗi, berniwol ngol accataake.”

Esaaya 66:21

Woɗɓe maɓɓe mi laatinan ɓe liman'en e Lewi'en.” Non Jawmiraawo wi'i.

Esaaya 9:2

An yaa Jawmiraawo, a mawnini nde, a ɗuɗɗini seyo maare. Yimɓe maare ɗon ceyo yeeso maaɗa bana ɓe ceyorto wakkati codol, bana ɓe mbelmbeltata haa cennduki keɓal konu.

Malakiya 3:17

Jawmiraawo honooɓe asama wi'i: “Kamɓe ɓe laatoto yiɗaaɓe am nder nyalaade nde taaskitinanmi. Mi enɗan ɓe, bana baaba enɗirta ɓiyum jaggantooɗo ɗum.

Matta 4:16

ummaatoore jooɗiinde nder nyiɓre yi'i annoora makka. Jooɗiiɓe nder lesdi e nyiɓre maayde boo, annoora yaynani ɓe.”

Matta 5:16

Sey annoora mooɗon yayna bana non yeeso yimɓe, ngam haa ɓe ndaara kuuɗe mooɗon booɗɗe, ɓe teddina Baabiraawo mooɗon mo asama.”

Luka 1:79

ngam yaynango wonɓe nder nyiɓre e les ɗowdi maayde e ɗowugo kosɗe meeɗen dow laawol salaaman.”

Yuhanna 17:19

Mi lii'ani ma yoŋki am ngam maɓɓe, ngam haa ɓe laato lii'anaaɓe ma daliila gooŋga.

Kuuɗe Nelaaɓe 20:28

Ayne ko'e mooɗon! Ayne tokkere nde Ruuhu Ceniiɗo halfini on! Bana waynaaɓe, ayne jama'aare nuɗɗinɓe Allah, nde o heɓri bee ƴiiƴam Ɓiɗɗo maako ndufaaɗam.

Kuuɗe Nelaaɓe 26:18

ngam a maɓɓita gite maɓɓe, haa ɓe ngaylita ɓaawo haa nyiɓre, ɓe nasta haa annoora, ɓe ngurto diga les baawɗe Sayɗaanu, ɓe njaha haa Allah, ɓe keɓa yaafuye hakkeeji maɓɓe e geɗal ndonŋgu maɓɓe caka senaaɓe bee nuɗɗingo yam.”

Kuuɗe Nelaaɓe 26:28

Agarippa wi'i Pol: “Lutti seɗɗa a laatinammi Masiihiŋkeejo!”

Roma'en 9:24

Enen boo en ɗon nder maɓɓe, o ewni en, naa nder Yahuudu'en tan, ammaa nder ummaatooje goɗɗe boo,

1 Korintu'en 3:17

To goɗɗo wili haykaliiru Allah, Allah halkan mo. Ngam haykaliiru Allah ndu seniindu, ɗum onon bee ko'e mooɗon ngoni haykaliiru man.

Efesu'en 1:14

Ruuhu man woni jeŋngina ndonŋgu meeɗen, haa ndonen ngu to o sootti en. Maŋgtoore laatano tedduŋgal maako!

Efesu'en 1:6

Maŋgtoore laatano tedduŋgal maako ngam daliila mo'ere nde o mo'ani en bee Ɓiɗɗo maako giɗaaɗo.

Efesu'en 3:21

Tedduŋgal laatano mo nder jama'aare nuɗɗinɓe, non boo nder Yeesu Almasiihu, haa gide fuu, haa abada abadin. Aamiina!

Tooktaaki Tawreeta 10:15

Ammaa sey kaakiraaɓe mooɗon tan Jawmiraawo yiɗi. O suɓi danygol maɓɓe, waato onon, nder ummaatooje fuu bana ko laati hannde.

Tooktaaki Tawreeta 14:2

Ngam onon, on ummaatoore senaande ngam Jawmiraawo, Allah mooɗon. Jawmiraawo suɓi on nder ummaatooje duniyaaru fuu ngam on laato ummaatoore maako yiɗaande.”

Tooktaaki Tawreeta 18:2

Taa ɓe mara lesdi caka deerɗiraaɓe maɓɓe Isra'iila'en. Maral maɓɓe, ɗum Jawmiraawo bee hoore mum, bana ko o wi'i ɓe.

Tooktaaki Tawreeta 4:20

Ammaa onon, Jawmiraawo hooci on, wurtini on nder ɓolinirde njamndi nde lesdi Misra, ngam on laato ummaatoore maako e maral maako, bana no on mba'i hannde.

Tooktaaki Tawreeta 7:6

Ngam onon on ummaatoore senaande ngam Jawmiraawo, Allah mooɗon mo suɓi on haa on laatano mo ummaatoore yiɗaande caka ummaatooje gonɗe nder duniyaaru fuu.

Filippi'en 3:14

mi ɗon haɓda yottaago keerol daɗa-daɗa, haa mi heɓa keɓal ewnaandu ndu Allah ewnori yam nder Yeesu Almasiihu.

Kolossi'en 1:13

Almasiihu wurtini en diga baawɗe nyiɓre, o nastini en nder laamu Ɓiɗɗo maako giɗaaɗo.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

1 Piyer 1:2

On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!

1 Piyer 2:5

Onon boo bana kaa'e geete, laate mahruɗe haykaliiru Ruuhu Ceniiɗo. Laate liman'en senaaɓe haa lii'anon Allah kirseteeɗi pottananɗi mo barka Yeesu Almasiihu.

1 Piyer 4:11

Mo waazata, sey o waazo wolde Allah. Mo huuwanta goɗɗo, sey o huuwana mo bee semmbe ɗe Allah hokkata mo. Nder ko en mbaɗata fuu, sey en teddina Allah bee Yeesu Almasiihu. Kaŋko mari tedduŋgal e baawɗe haa foroy! Aamiina.

Wahayu Yuhanna 1:6

o laatini en ummaatoore laamu maako e liman'en Allah, Baabiraawo maako. Tedduŋgal e baawɗe laatano mo haa abada abadin. Aamiina!

Wahayu Yuhanna 20:6

Barka e senaare laatanto ummitittooɓe nder ummitineeki arani ki'i! Maayde ɗiɗawre walaa baawɗe dow maɓɓe. Ɓe laatoto liman'en Allah e Almasiihu, ɓe laamodoto bee Almasiihu duuɓi ujineere.

Wahayu Yuhanna 5:10

A waɗi ɓe yimɓe laamu e liman'en ngam Allah meeɗen, ɓe laamanto duniyaaru.”

1 Samuyila 12:22

Ammaa Jawmiraawo, ngam daliila innde mum mawnde, accataa yimɓe mum. Ɗum fottani mo o waɗa on ummaatoore maako.