1 Piyer 2:23 - Fulfulde Bible

²³ Nde ɓe kuɗi mo o huɗtaaki, nde o yari bone, o wi'aay o waatoto, ammaa o hokkiti hoore maako haa juŋngo Allah, kiitoowo adiliijo.

Fulfulde DC Bible

²³ Nde ɓe kuɗi mo o huɗtaaki, nde o yari bone, o wi'aay o waatoto, ammaa o hokkiti hoore maako haa juŋngo Allah, kiitoowo adiliijo.

1 Piyer 2:23 Iomraidhean Croise

Laataanooji 18:25

A waɗataa irin ɗu'um! A mbarda adiliijo bee kalluɗo, a hiito ɓe kal-kal! Waɗataako! Kadi kiitoowo duniyaaru fuu waɗataa kiita ngooŋɗuka na?”

Jabuura 10:14

A yi'i ɗum, ngam a ɗon laara torra e bone yimɓe, a taaskake wallugo ɓe. Tampuɗo halfinan hoore mum haa juŋngo ma, ngam an woni balloowo atiime'en fuu.

Jabuura 31:5

A hisnatam tuuforgol ngol ɓe tuufnani yam, ngam an woni hisrude am.

Jabuura 37:5

Halfin nufayeeje ma haa Jawmiraawo, hoola mo, kaŋko o waɗan ɗum.

Jabuura 7:11

Allah woni wawarde am, o kisnoowo gooŋɗa-ɓerɗe'en.

Jabuura 96:13

Ngam o ɗon wara! O ɗon wara ngam hiitanaago yimɓe duniyaaru, o hiitanto yimɓe duniyaaru bee adilaaku e jama'aaje bee gooŋgaaku maako.

Esaaya 53:7

Ɓe toonyi mo, ammaa o munyani ɗum, o maɓɓitaay hunnduko maako bana jawgel ngel ɓe njahrata hirseego, bana mbaalu muukaaŋgu yeeso meksooɓe gaasa muuɗum, non o maɓɓitaay hunnduko maako.

Luka 23:41

Ngam meeɗen kam kiita ka foti deydey kuuɗe meeɗen, ammaa kaŋko walaa halleende nde o waɗi.”

Luka 23:46

Yeesu towni sawtu bee semmbe, wi'i: “Yaa Baabiraawo, mi ɗon halfina ruuhu am nder juŋngo maaɗa.” Ɓaawo nde o wolwi bolle ɗe'e, o maayi.

Luka 23:9

O ƴami mo ƴamɗe ɗuuɗɗe, ammaa Yeesu jaabaaki mo koo ɗume.

Kuuɗe Nelaaɓe 17:31

Ngam o darni nyannde nde o hiitorto duniyaaru fuu bee adilaaku, bee goɗɗo mo o suɓi. O gooŋɗiniri ɗum yeeso yimɓe fuu bee ummitingo mo diga maayde.”

Kuuɗe Nelaaɓe 4:29

Jonta, yaa Jawmiraawo, nan barriya maɓɓe! Hokku maccuɓe ma baawɗe wolwugo bolle maaɗa bee dartaare timmididnde!

Kuuɗe Nelaaɓe 7:59

Saa'i ɓe ɗon piɗa Etiyen, kaŋko o ɗon toro bana ni'i: “Jawmiraawo Yeesu, jaɓ yoŋki am!”

Kuuɗe Nelaaɓe 9:1

Ammaa Sol tokki furkitaago nuɗɗinɓe Jawmiraawo, nufi mbarugo ɓe. O ɓaditi hooreejo liman'en,

Roma'en 2:5

Ammaa hoore ma saati, ɓernde ma sali boo tuubugo. Ngam maajum, a ɗon tokko fooɗango hoore ma tikkere Allah ɓurnde saatugo nyalaade darŋgal, nyalaade man Allah waŋginan tikkere mum e kiita mum ngooŋɗuka.

Efesu'en 6:9

Onon jawmiraaɓe, njogore jeyaaɓe mon bana non. Acce furkitaago ɓe. On anndi onon bee maɓɓe fuu, on ngoodi Jawmiraawo mo ɗon haa asama. Kaŋko o senndindirtaa yimɓe.

2 Tessaloniiki'en 1:5

Boneeji ɗi'i ngoni alaama kiita Allah ngooŋɗuka. Kanji laatinta on heƴiiɓe nastugo laamu Allah, ngu njaroton bone daliila mum.

2 Timote 1:12

Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Ibraniŋke'en 12:3

Nume dow goɗɗo mo munyani tuurtol hakke'en! Kanjum ɗum wallan on ngam taa on tampa.

1 Piyer 3:9

Taa lorne halleende bee halleende malla kuudi bee kuudi. Ndikka on mbarkiɗina, kanjum Allah ewnori on haa ndonon barka.

1 Piyer 4:19

Nden kam, mo ɗon yara bone ngam Allah muuyani mo ɗum, taa acca waɗugo mbooɗeeŋga, ammaa o hokkita hoore maako haa tagɗo mo ngam o koolniiɗo.

Wahayu Yuhanna 19:11

Nden mi yi'i asama maɓɓitaama. Ndaa puccu ndaneewu, ba'iiɗo ngu wi'ete Koolaaɗo e Gooŋgaajo. O hiitoto e o waɗan konuuji maako nder adilaaku.