1 Piyer 1:20 - Fulfulde Bible

²⁰ Allah suɓi mo diga duniyaaru tagaaka tawon, o waŋgini mo haa mooɗon nder balɗe ragareeje ɗe'e.

Fulfulde DC Bible

²⁰ Allah suɓi mo diga duniyaaru tagaaka tawon, o waŋgini mo haa mooɗon nder balɗe ragareeje ɗe'e.

1 Piyer 1:20 Iomraidhean Croise

Laataanooji 3:15

Mi waɗan konnaagu hakkunde maaɗa e debbo, hakkunde danygol maaɗa e danygol maako. Goɗɗo danygol maako namete hoore, an boo a ŋatan mo teppere.”

Balndi 8:23

Mi tagaama diga ɓooyma, haa fuɗɗam, hiddeko duniyaaru laato.

Mika 5:2

Ngam man Jawmiraawo accan yimɓe muuɗum, haa to ɓesnanɗo ɓesni. Nden luttuɓe deerɗiraaɓe ɓiɗɗo oo ngartan haa yimɓe Isra'iila.

Matta 25:34

Nden laamiiɗo wi'an wonɓe haa nyaamo muuɗum: Ngare, onon barkiɗinaaɓe Baabiraawo am, ndone laamu taaskitinaaŋgu ngam mooɗon diga tageeki duniyaaru.

Kuuɗe Nelaaɓe 2:23

Diga ɓooyma Allah muuyi, acci Yeesu haa juuɗe mooɗon. Onon on mbari mo, nde on nduŋani hakke'en ɓe ɓila mo dow leggal gaafaaŋgal.

Roma'en 3:25

Allah darni Yeesu Almasiihu haa nuɗɗinɓe mo fuu keɓa yaafuye bee ƴiiƴam maako. O hiitaaki hakkeeji maɓɓe ɓooymaaji, o munyani ɓe, o yaafi ɓe. Bana nii o waŋginiri adilaaku maako jonta waato o adiliijo e o adilinanɗo nuɗɗinanɓe Yeesu fuu.

Roma'en 8:29

Ngam diga ɓooyma Allah anndi ɓe, suɓi ɓe ngam haa ɓe ngona bana Ɓiɗɗo maako, Almasiihu boo laato afo caka deerɗiraaɓe ɗuuɗɓe.

Galaatiya'en 4:4

Ammaa nde wakkati waɗi, Allah neli Ɓiɗɗo mum. Kaŋko o danyaama e debbo, o yeeɗi les tawreeta,

Efesu'en 1:10

haa o hiɓɓina ɗum nder saa'iire fottannde, o hawta kuuje gonɗe nder asama e dow lesdi fuu dow ardaaŋgal Almasiihu.

Efesu'en 1:4

Diga o tagaayno duniyaaru tawon, o suɓi en nder Almasiihu haa en laato senaaɓe, ɓe ngalaa aybe yeeso maako nder yiide maako.

Efesu'en 3:11

Allah waɗi ɗum fodde nufayeere nde o nufino diga ɓooyma, o timminira nde bee Almasiihu Yeesu, Jawmiraawo meeɗen.

Efesu'en 3:9

mi holla ɗe fuu no Allah hiɓɓinirta anniya mum sirriiha. Allah, tagɗo kuuje fuu suuɗino ka diga zamanuuji ciwaa,

Kolossi'en 1:26

Wolde nde'e, diga ɓooyma e haa gide fuu, Allah suuɗino sirri man. Ammaa jonta o waŋginani ɗum senaaɓe maako.

1 Timote 3:16

Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

Ibraniŋke'en 1:2

Ammaa nder balɗe ragareeje ɗe'e, o wolwani en bee hunnduko Ɓiɗɗomuuɗum. Bee maako Allah tagri koo ɗume fuu, o waɗi mo donoowo kuuje fuu.

Ibraniŋke'en 2:14

Nde nii ɓiɓɓe ɓe'e ngoodi ɓanndu e ƴiiƴam, Yeesu boo waɗi hoore mum bana maɓɓe, o hoo'i ɓanndu bana ndu maɓɓe, ngam bee maayde maako, o halka marɗo baawɗe dow maayde, waato Iblisa,

Ibraniŋke'en 9:26

To o waɗino non, diga fuɗɗam tageeki duniyaaru o torrotono nde ɗuuɗɗum. Ammaa o waŋgi jonta haa timmoode zamanuuji fuu, o waŋgi nde woore tan ngam foroy, ngam haa o itta hakkeeji bee lii'anaago Allah yoŋki maako.

1 Piyer 1:2

On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!

1 Yuhanna 1:2

Ngam ngeendam man waŋgi, min ngi'i ɗam, min ɗon ceedo ɗam, min ɗon anndina on ngeendam nduumiiɗam ngonnooɗam kommbi Baabiraawo e ɗam waŋgani min.

1 Yuhanna 3:5

Ammaa on anndi Almasiihu wari ngam ittugo hakkeeji. Kaŋko, walaa hakke nder maako sam.

1 Yuhanna 3:8

Baɗoowo hakke fuu laatake mo Iblisa, ngam diga fuɗɗam, Iblisa ɗon waɗa hakke. Ngam man Ɓiɗɗo Allah wari ngam nattingo kuuɗe Iblisa.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.