1 Piyer 1:2 - Fulfulde Bible

² On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!

Fulfulde DC Bible

² On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!

1 Piyer 1:2 Iomraidhean Croise

Esaaya 55:7

Sey kalluɗo acca laawol mum, marɗo hakke acca numooji mum. O lorto haa Jawmiraawo, kaŋko boo o enɗan mo. O lorto haa Allah men, ngam o yaafoto ɗuuɗɗum.

Esaaya 65:9

Mi hokkan yimɓe Yaakubu e Yahuuda danygol. Ɓe maran kooseeje am. Suɓaaɓe am maran lesdi ndi'i, suka'en am njooɗoto ton.

Daniyel 4:1

“Min Nabukodonosor mi ɗonno de'iti haa saare am, mi ɗonno jeynito haa laamorde am.

Daniyel 6:25

Nden laamiiɗo umri waddugo wulliiɓe Daniyel fuu, ɓe cakkini ɓe nder lowol barooɗe, kamɓe e rewɓe maɓɓe e ɓikkoy maɓɓe. Diga ɓe ciwaa yottaago haa les lowol, barooɗe ndiwi dow maɓɓe, ƴakkidi ɓe fuu.

Farillaaji Lewi'en 1:5

O hirsa ngaari man ton yeeso Jawmiraawo. Liman'en danygol Haruna koo'a ƴiiƴam maari, mbicca ɗam haa hirsirde dariinde yeeso laymaaru fottirde, haa bakeeje maare nayi fuu.

Matta 24:22

To Allah ustaayno limgal nyalɗe man, walaa koo gooto hisanno. Ammaa o usti ɗe ngam daliila suɓaaɓe maako.

Matta 24:24

Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji mawɗi ngam majjingo koo suɓaaɓe Allah, to ɗum heɓoto.

Matta 24:31

O nelan malaa'ika'en maako, ɓe puufan luwal maŋngal, ɓe mooɓtan suɓaaɓe maako wonɓe haa alkibilaaji duniyaaru nayi fuu diga keerol asama ngo'ol haa ngola.”

Markus 13:20

To Allah ustaayno limgal nyalɗe man, walaa koo gooto hisanno. Ammaa o usti ɗe ngam daliila yimɓe maako ɓe o suɓi.

Markus 13:22

Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji ngam ɓe majjina koo suɓaaɓe boo, to ɗum heɓoto.

Markus 13:27

O nelan malaa'ika'en haa alkibilaaji nayi ngam mooɓtugo suɓaaɓe maako diga keerol duniyaaru ngo'ol haa ngola.

Luka 18:7

Kadi, Allah waɗanta suɓaaɓe muuɗum wookananɓe mo jemma e naaŋge kiita gooŋgɗuka bee law na?

Kuuɗe Nelaaɓe 2:23

Diga ɓooyma Allah muuyi, acci Yeesu haa juuɗe mooɗon. Onon on mbari mo, nde on nduŋani hakke'en ɓe ɓila mo dow leggal gaafaaŋgal.

Kuuɗe Nelaaɓe 20:32

Jonta mi halfini on haa juŋngo Allah e haa habaru mo'ere maako. O waawan mawningo on nder nuɗɗinki e tabitingo ndonŋgu mooɗon, ngu o sigani senaaɓe maako fuu.

Roma'en 1:5

Ngam barka maako min keɓi mo'ere, min laati nelaaɓe haa ummaatooje fuu nuɗɗina Linjiila, ɓe ɗowtano Allah, ɓe teddina innde maako.

Roma'en 1:7

Mi ɗon hoofna yiɗaaɓe Allah wonɓe haa Roma fuu, ewnaaɓe ngam laataago senaaɓe. Allah, Baabiraawo men e Yeesu Almasiihu, Jawmiraawo men ndokka on mo'ere e jam.

Roma'en 11:2

Allah wudinaay yimɓe mum ɓe o suɓi diga fuɗɗam. Ciftore ko Deftere anndini dow Eliya gulliiɗo Isra'iila'en haa Allah,

Roma'en 11:28

Kamɓe ɓe njaɓaay Linjiila, ɓe laatake konne'en Allah, ngam haa keɓon nanugo Linjiila. Ammaa, ɓe yiɗaaɓe Allah ngam o suɓi ɓe daliila kaakiraaɓe maɓɓe. Ngam maajum ɓe yiɗaaɓe maako.

Roma'en 15:16

O laatini yam kuuwanoowo Yeesu Almasiihu haa ummaatooje goɗɗe. Mi ɗon huuwa kuugal cenaaŋgal ngal Linjiila Allah, haa ummaatooje ɗe'e laatano mo dokkal cenaaŋgal bee Ruuhu Ceniiɗo, pottananŋgal mo.

Roma'en 16:19

Onon kam, koo toy yimɓe anndi on ɗowtaniiɓe Jawmiraawo. Ngam maajum mi ɗon seyoro on. Ko ngiɗmi kam, on keɓa hikma waɗgo mbooɗeeŋga, ammaa on ndaayo halleende.

Roma'en 16:26

ammaa jonta ka waŋginaama. Defte annabi'en boo ɗon ceedo ka. Fodde umroore Allah duumiiɗo ka anndinaama yimɓe nder ummaatooje fuu, ngam haa ɓe nuɗɗina ka, ɓe ɗowtano Allah.

Roma'en 8:13

Ngam to on tokkake suunooji mon, on maayan. Ammaa to on acci Ruuhu Allah mbara suunooji mon, nden kam on ngeeɗan,

Roma'en 8:33

Moy foti wullaago suɓaaɓe Allah? Ngam Allah bee hoore mum adilini ɓe.

1 Korintu'en 1:30

Daliila maako, onon on kawti bee Yeesu Almasiihu, laatiiɗo hikma meeɗen iwka haa Allah. Bee maako en keɓi adilaaku e senaare e ndimu.

1 Korintu'en 6:11

Bana non woɗɓe mooɗon laatino naane. Ammaa jonta hakkeeji mooɗon lootaama, on cenaama, on adilinaama bee innde Jawmiraawo meeɗen Yeesu Almasiihu e Ruuhu Allah meeɗen.

2 Korintu'en 10:5

min ɗon ngibbina ko dartanto anndal Allah nder mawnitaare mum fuu. Min ɗon njahra numooji yimɓe haa ɗi ɗowtano Almasiihu.

Tooktaaki Tawreeta 7:6

Ngam onon on ummaatoore senaande ngam Jawmiraawo, Allah mooɗon mo suɓi on haa on laatano mo ummaatoore yiɗaande caka ummaatooje gonɗe nder duniyaaru fuu.

Kolossi'en 3:12

Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

2 Tessaloniiki'en 2:13

Ammaa, minin, sey min ngetta Allah foroy daliila mooɗon, onon deerɗiraaɓe, yiɗaaɓe Jawmiraawo. Ngam Allah aarti suɓi on ngam hisnugo on. On kisan boo ngam Ruuhu seni on, ngam on nuɗɗini gooŋga boo.

2 Timote 2:10

Ngam man mi ɗon munyana koo ɗume fuu daliila suɓaaɓe Allah, ngam haa kamɓe boo ɓe keɓa kisndam ngonɗam nder Yeesu Almasiihu e tedduŋgal duumiiŋgal.

Titus 1:1

Min Pol, maccuɗo Allah, nelaaɗo Yeesu Almasiihu, ngam waddugo suɓaaɓe Allah haa ɓe annda gooŋga, ɓe ngeeɗa nder kulol Allah,

Ibraniŋke'en 10:22

Ngam maajum en ɓadito Allah kadi bee ɓerɗe gooŋgaaje, bee nuɗɗinki cemmbiɗki, bee numo ɓerɗe laɓɓinaaɗe, ɓalli boo giiwaaɗi bee ndiyam laaɓɗam.

Ibraniŋke'en 11:28

Bee nuɗɗinki, o waɗi juulde Paska, o umri Isra'iila'en ɓe mbicca ƴiiƴam dow dammuɗe, ngam taa malaa'ikaajo maayde mbara ɓiɓɓe maɓɓe afɓe.

Ibraniŋke'en 12:24

On ngari haa Yeesu, hakkunndeejo ngam alkawal kesal, on ngari haa ƴiiƴam mbiccaaɗam ngaddanɗam habaruwol ɓurŋgol ngol ƴiiƴam Habila wooɗugo.

Ibraniŋke'en 5:9

Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

1 Piyer 1:14

Bana ɓikkoy ɗowtiikoy, taa tokke suunooji mooɗon ɗi tokkinooɗon yaake on anndaano gooŋga.

1 Piyer 1:19

ammaa on coottiraama bee ƴiiƴam caɗɗam ɗam Almasiihu, mo laati bana jawgel laaɓŋgel ngel walaa aybe.

1 Piyer 1:20

Allah suɓi mo diga duniyaaru tagaaka tawon, o waŋgini mo haa mooɗon nder balɗe ragareeje ɗe'e.

1 Piyer 1:22

Jonta nde on ceni ko'e mooɗon bee ɗowtanaago gooŋga, ngiɗe deerɗiraaɓe nder nuɗɗinki bilaa naafikaare. Ngam maajum ngiɗindire bee tiinaare e ɓerɗe laaɓɗe.

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

2 Piyer 1:2

Mo'ere e salaaman ɗuuɗana on ngam on anndi Allah e Yeesu, Jawmiraawo meeɗen.

2 Yuhanna 1:1

Min ndottiijo, mi ɗon winndana mayramjo cuɓaaɗo e ɓiyum'en ɓe ngiɗmi bee gooŋga bataakewol ngo'ol. Naa min feere am yiɗi on, ammaa annduɓe gooŋga fuu,

2 Yuhanna 1:13

Ɓikkoy deerɗiraawo ma cuɓaaɗo koofni ma.

Yahuuda 1:2

Hinnuye e salaaman e yiide ɗuuɗana on.