1 Piyer 1:19 - Fulfulde Bible

¹⁹ ammaa on coottiraama bee ƴiiƴam caɗɗam ɗam Almasiihu, mo laati bana jawgel laaɓŋgel ngel walaa aybe.

Fulfulde DC Bible

¹⁹ ammaa on coottiraama bee ƴiiƴam caɗɗam ɗam Almasiihu, mo laati bana jawgel laaɓŋgel ngel walaa aybe.

1 Piyer 1:19 Iomraidhean Croise

Gurtaaki 12:5

Jawgel ngel cuɓoton laato ngel nduuɓu, ngel walaa batte.

Esaaya 44:22

Mi riiwan zunuubaaji ma bana cuurɗe, hakkeeji ma boo bana ruuldere. Lorta haa am, ngam min sootti ma.”

Esaaya 53:7

Ɓe toonyi mo, ammaa o munyani ɗum, o maɓɓitaay hunnduko maako bana jawgel ngel ɓe njahrata hirseego, bana mbaalu muukaaŋgu yeeso meksooɓe gaasa muuɗum, non o maɓɓitaay hunnduko maako.

Daniyel 9:24

Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Farillaaji Lewi'en 1:10

To goɗɗo yiɗi lii'aago nguleteeŋga nder baali mum malla be'i mum, sey o hoo'a njawdiri ndi walaa aybe.

Farillaaji Lewi'en 22:20

Taa on lii'ano yam ndabbaawa marŋga aybewol koo ngole, mi yerdataako nga.

Zekariya 13:7

Jawmiraawo honooɓe asama wi'i: “An kaafahi, ummana gaynaako am, mo mi waɗi ɗum kuuwdiɗɗiraawo am! Mbar gaynaako, nden baali caŋkititto koo toy fuu. Mi waylitan juŋngo am, mi fiya pamari.”

Matta 20:28

Ngam Ɓii-neɗɗo boo waraay ngam yimɓe kuuwana mo, ammaa ngam o huuwana yimɓe, o hokka yoŋki maako ngam soottugo ɗuuɗɓe.”

Matta 26:28

ngam ɗum ƴiiƴam am, ndufaaɗam ngam yaafuye hakkeeji yimɓe ɗuuɗɓe, bee maajam Allah tabitiniri alkawal muuɗum.

Yuhanna 1:29

Jaŋngo man Yuhanna yi'i Yeesu ɗon wara haa maako, o wi'i: “Ndaa jawgel Allah ittanŋgel hakkeeji duniyaaru.

Yuhanna 1:36

Nde o yi'i Yeesu ɗon saalo, o wi'i: “Ndaa jawgel Allah.”

Kuuɗe Nelaaɓe 20:28

Ayne ko'e mooɗon! Ayne tokkere nde Ruuhu Ceniiɗo halfini on! Bana waynaaɓe, ayne jama'aare nuɗɗinɓe Allah, nde o heɓri bee ƴiiƴam Ɓiɗɗo maako ndufaaɗam.

Roma'en 3:25

Allah darni Yeesu Almasiihu haa nuɗɗinɓe mo fuu keɓa yaafuye bee ƴiiƴam maako. O hiitaaki hakkeeji maɓɓe ɓooymaaji, o munyani ɓe, o yaafi ɓe. Bana nii o waŋginiri adilaaku maako jonta waato o adiliijo e o adilinanɗo nuɗɗinanɓe Yeesu fuu.

Efesu'en 1:7

Ngam daliila ƴiiƴam Almasiihu ndufaaɗam keɓɗen coottaari e yaafuye hakkeeji men fodde mo'ere Allah ɗuuɗnde.

Kolossi'en 1:14

Haa maako en keɓi coottaari e yaafuye hakkeeji.

1 Piyer 1:2

On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Yuhanna 1:7

Ammaa to en ɗon ngeeɗa nder annoora bana Allah bee hoore mum ɗon nder annoora, nden kam en ngoodi kawtal caka meeɗen e ƴiiƴam Yeesu, Ɓiɗɗo maako boo laɓɓinan en diga hakkeeji fuu.

1 Yuhanna 2:2

Ngam Almasiihu bee hoore mum hokki yoŋki muuɗum ngam yaafuye hakkeeji meeɗen, naa ɗi meeɗen tan, ammaa ɗi duniyaaru fuu boo.

Wahayu Yuhanna 1:5

e diga Yeesu Almasiihu, ceedoowo gooŋgaajo, ummitinaaɗo arano nder maayɓe, mawɗo laamlaamɓe duniyaaru boo. Kaŋko o yiɗi en. O rimɗini en diga hakkeeji meeɗen bee ƴiiƴam maako,

Wahayu Yuhanna 14:1

Nden mi yi'i, ndaa jawgel ɗon dari dow hooseere Siyona. Yimɓe ujine teemerre e cappanɗe nayo e nayo (144.000) ɗon ngondi bee maagel. Ɓe fuu, innde maagel e innde Baabiraawo maagel ɗon mbinndi dow tiiɗe maɓɓe.

Wahayu Yuhanna 14:5

Walaa mo nani fewre haa kunnduɗe maɓɓe, ɓe ngalaa aybe sam.

Wahayu Yuhanna 5:6

Nden mi yi'i caka leeso laamu e kuuje geete nayi e caka ndotti'en go, jawgel mbaalu ɗon dari, ngel nanndi bana ngel meeɗino mbareego. Ngel woodi luwe joweeɗiɗi e gite joweeɗiɗi, kanje ngoni ruuhuuji Allah joweeɗiɗi nelaaɗi haa duniyaaru fuu.

Wahayu Yuhanna 5:9

Ɓe ngimi yimre hesre bana ni'i: “An a he'i hoo'ugo deftere nde'e, a takkita takkanɗe maare. Ngam a mbaraama, bee ƴiiƴam maaɗa a soottani Allah yimɓe iwɓe diga asli e ɗemɗe e jama'aaje e ummaatooje fuu.

Wahayu Yuhanna 7:14

Mi jaabi mo: “Naywa an woni annduɗo.” O wi'i yam: “Kamɓe ɓe munyani torra makka. Ɓe looti ngapaleeji maɓɓe, ɓe ndanwini ɗi bee ƴiiƴam jawgel.