1 Piyer 1:18 - Fulfulde Bible

¹⁸ On coottaama diga yahdu hallundu ndu on ndoni haa kaakiraaɓe mooɗon. On anndi on coottiraaka bee kuuje ɗe saman maaje ustoto bana kaŋŋeeri malla cardi,

Fulfulde DC Bible

¹⁸ On coottaama diga yahdu hallundu ndu on ndoni haa kaakiraaɓe mooɗon. On anndi on coottiraaka bee kuuje ɗe saman maaje ustoto bana kaŋŋeeri malla cardi,

1 Piyer 1:18 Iomraidhean Croise

Jabuura 39:6

Ndaa, a rammini balɗe am bana njaajirka newre juŋngo, ngeendam am laati bana huunde meere haa yeeso maaɗa, bana foofannde woore, non koo moy neɗɗo geeto.

Jabuura 62:10

Ɓiɓɓe Aadama ɗum henndu, ɗum huunde meere, to a waɗi ɓe dow awnorɗum, ɓe ngalaa teddeeŋga, koo henndu boo ɓuran ɓe fuu teddugo.

Esaaya 44:22

Mi riiwan zunuubaaji ma bana cuurɗe, hakkeeji ma boo bana ruuldere. Lorta haa am, ngam min sootti ma.”

Esaaya 52:3

Ndaa nii Jawmiraawo wi'i: “Ɓe coorri on meere, min boo mi soottan on bilaa ceede.”

Yeremiya 16:19

Yeremiya wi'i: “Yaa Jawmiraawo, an woni semmbe am e aynol am e hisrude am nder nyalaade ɓillaare! Ummaatooje ngaran haa maaɗa diga keeri duniyaaru, mbi'an: Kaakiraaɓe amin ngoodino ɗowanteeɓe fewooɓe e labbi meereeji ɗi nafataa sam.

Yeremiya 4:11

Saa'i man ummaatoore nde'e e Urusaliima nanan habaru ni'i: “Diga towndiire sookre nder ladde, henndu wulndu ɗon jippo dow ummaatoore am, naa ngam jaartugo malla laɓɓingo.

Yeremiya 44:17

Fakat min mbaɗan ko min mbi'i fuu. Min ngulana ɗowanteeɗo debbo bi'eteeɗo Mayramjo Asama uurle, min ngaɗana mo dokke dufeteeɗe bana ko min mbaɗi, minin e kaakiraaɓe amin e laamiiɓe amin e ardiiɓe amin, nder gure Yahuuda e dow laabi Urusaliima. Saa'i man min ngoodino nyaamdu fantundu, min njooɗino jam, min ngi'aayno sarru sam.

Yeremiya 9:14

Ngam maajum min Jawmiraawo honooɓe asama, Allah Isra'iila mbi'anmi: Mi nyaamnan yimɓe am kaaɗɗum, mi yarnan ɓe ndiyam mbaroojam.

Ezekiyel 20:18

Mi yecci ɓiɓɓe maɓɓe nder ladde: Taa tokke umrooje baabiraaɓe mon, taa tokke al'aada maɓɓe, taa coɓne ko'e mon bee labbi maɓɓe.

Amos 2:4

Ndaa nii Jawmiraawo wi'i: “Yimɓe Yahuuda mbaɗi aybe dow aybe, fakat mi hiitoto ɓe ngam ɓe njawi tawreeta am, ɓe ɗowtanaaki farillaaji am. Labbi maɓɓe majjini ɓe bee pewe maaji, ɗe kaakiraaɓe maɓɓe tokkino ɗum.

Markus 8:37

Malla woodi ko goɗɗo waawata hokkugo ngam soottugo yoŋki maako na? Walaa sam!

Roma'en 1:21

Ngam ɓe anndi Allah, ammaa ɓe teddinaay mo bana no haandani mo, ɓe ngettaay mo boo. Ngam maajum numooji maɓɓe ndaayi gooŋga, faamu wurti hakkiilooji maɓɓe, nyiɓre nasti.

1 Korintu'en 3:20

Nde wi'i fahin boo: “Jawmiraawo anndi numooji hikma'en, ɗi meereeji.”

1 Korintu'en 6:20

On coottaama bee saman. Ngam maajum teddine Allah bee ɓalli mooɗon.

1 Korintu'en 7:23

Jawmiraawo sootti on bee saman. Ngam maajum taa ngartire ko'e mooɗon maccuɓe yimɓe.

Galaatiya'en 1:4

Almasiihu hokki hoore mum ngam daliila hakkeeji men, ngam hisnugo en diga zamanuuru jontaaru hallundu ndu'u fodde muuyo Allah, Baabiraawo men.

Efesu'en 4:17

Ndaa ko mbi'anmi, mi ɗon tiɗɗina on bee innde Jawmiraawo: Taa tokke yeeɗugo bana heefeerɓe ngeeɗirta. Kamɓe, numooji maɓɓe ɗon majjina ɓe.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 9:12

Almasiihu nasti nde woore nder laymaaru, ɗum he'i haa foroy. O nastaay bee ƴiiƴam jawɗi be'i e ga'i, ammaa bee ƴiiƴam maako. Bana nii o heɓrani en coottaari duumiindi.

1 Piyer 1:7

Boneeji ɗi'i poondan nuɗɗinki mooɗon to ki gooŋgahi. Koo kaŋŋeeri wonnotoondi maa ɓe ɗon poonda ndi nder yiite, sakko nuɗɗinki mooɗon. Ki ɓuri kaŋŋeeri saman piw, sey ki foonde. Ɓaawo poondol man, on keɓan manooje e tedduŋgal e maŋngu, nyannde Yeesu Almasiihu waŋganta yimɓe fuu.

1 Piyer 4:3

Naane on njooɗino nder joonde heefeerɓe, jonta ɗum he'i. On njooɗino nder daakaareeku, suunooji, wuykere, pijirle kalluɗe, on cujidanino labbi karminaaɗi.

1 Yuhanna 3:5

Ammaa on anndi Almasiihu wari ngam ittugo hakkeeji. Kaŋko, walaa hakke nder maako sam.