1 Piyer 1:12 - Fulfulde Bible

¹² Allah waŋginani ɓe kubaruwol ngol o halfinani ɓe, ngol laataaki ngam maɓɓe, ammaa ngam mooɗon. Nelaaɓe waazinɓe on Linjiila ngecci on gooŋgaaji ɗi'i. Ɓe ngaazi on ɗi bee baawɗe Ruuhu Ceniiɗo iwɗo diga asama. Malaa'ika'en maa ngiɗi faamugo haala ka'a.

Fulfulde DC Bible

¹² Allah waŋginani ɓe kubaruwol ngol o halfinani ɓe, ngol laataaki ngam maɓɓe, ammaa ngam mooɗon. Nelaaɓe waazinɓe on Linjiila ngecci on gooŋgaaji ɗi'i. Ɓe ngaazi on ɗi bee baawɗe Ruuhu Ceniiɗo iwɗo diga asama. Malaa'ika'en maa ngiɗi faamugo haala ka'a.

1 Piyer 1:12 Iomraidhean Croise

Gurtaaki 25:20

Keruba'en mbeeɗa bileeji muuɗum'en haa dow, ɓe mbaɗa ɗowdi dow jooɗorde ngam kefergal bee bileeji maɓɓe. Geese maɓɓe tiitotira, ndaara jooɗorde ngam kefergal.

Balndi 1:23

Kakkilane feloore am, saa'i mi ɗon faamtina on hakkiilo am, mi ɗon anndina on sawari am.

Esaaya 32:15

haa to Allah waanji Ruuhu mum dow amin, haa to ladde laatake ciraka, ciraka boo laatake bana laynde.

Esaaya 53:1

Moy nuɗɗini ko nanɗen? Haa moy Jawmiraawo waŋginani juŋngo mum?

Daniyel 10:1

Nder nduuɓu Koores, laamiiɗo Persiya, tataɓu, Allah wolwani Daniyel bi'eteeɗo Beltesacar. Wolde nde'e ɗum gooŋga: Haɓre mawnde waɗan. Daniyel faami wolde man, o faami boo wahayu man.

Daniyel 12:13

An boo Daniyel, munyu haa timmoode. A maayan, ammaa a ummititto ngam keɓa geɗal ma haa timmoode zamanu.”

Daniyel 12:9

O jaabi: “Yah, Daniyel! Sey wahayuuji ɗi'i cuuɗe, ɗi takke haa timmoode wara.

Daniyel 2:19

Nden Allah waŋginani Daniyel sirri man bee jemma nder wahayu. Ngam maajum Daniyel maŋgti Allah mo asama,

Daniyel 2:22

Kaŋko waŋginta lugguɗum e sirriijum, kaŋko woni annduɗo ko nyukki nder nyiɓre, annoora ɗon wondi bee maako.

Daniyel 2:47

Laamiiɗo wi'i Daniyel: “Fakat, Allah mooɗon woni ɗowanteeɗo ɓurɗo ɗowanteeɓe fuu, o jawmiraawo laamiiɓe, o baŋginoowo sirriiji, ngam a heɓi baawɗe waŋgingo sirri koyɗol ngo'ol.”

Daniyel 8:13

Nden nanmi malaa'ikaajo ɗon wolwa. Malaa'ikaajo feere ƴami mo: “Haa ndey kuuje gi'aaɗe nder wahayu timmata? Haa ndey tuurtol nattinoowol duurata e kirseteeɗi nyalaade nyalaade mbilete? Ndey ɓe accata dammugo mooɓre konu asama e nokkuure seniinde?”

Daniyel 9:24

Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Amos 3:7

Allah Jawmiraawo waɗataa koo ɗume, sonaa o aarta o waŋgina sirriiji maako haa annabi'en jagganooɓe mo.

Zekariya 12:10

Ammaa dow saare Daawuda e jooɗiiɓe nder Urusaliima mbaannjanmi ruuhu mbooɗeeŋga e do'a. Ɓe tijjoto yam ngam daliila am, min mo ɓe njuwi. Ɓe mboyatam bana no ɓe mboyrata ɓiɗɗo bajjo. Ɓe mboyatam masin, bana goɗɗo woyrata to afo mum maayi.

Matta 11:25

Saa'i man Yeesu wi'i: “Yaa Baabiraawo, Jawmu asama e lesdi, mi yetti ma ngam a waŋginani ɓikkoy pamaroy kuuje ɗe'e ammaa a suuɗi ɗe hikma'en e marɓe faamu.

Matta 11:27

Nden o wi'i: “Baabiraawo am halfini yam kuuje fuu. Walaa annduɗo Ɓiɗɗo sonaa Baabiraawo, walaa annduɗo Baabiraawo boo sonaa Ɓiɗɗo e mo Ɓiɗɗo yiɗi waŋginango mo fuu.

Matta 16:17

Yeesu wi'i mo: “A barkiɗinaaɗo, Simon ɓii Yonas, naa neɗɗo waŋginani ma gooŋga ka, ammaa ɗum Baabiraawo am mo asama.

Markus 16:15

Nden o wi'i ɓe: “Njehe koo toy nder duniyaaru, ngaazine koo moy Linjiila.

Luka 15:10

Mi ɗon wi'a on, bana non boo malaa'ika'en Allah ceyorto ngam hakkeejo gooto mo tuubi.”

Luka 2:26

anndini mo o maayataa, sey to o yi'i Almasiihu nelaaɗo Jawmiraawo.

Luka 9:6

Ɓe ndilli, ɓe njehi gure feere feere, ɓe ngaazini kubaruwol ceynoowol e ɓe njamɗitini nyawɓe koo toy.

Yuhanna 15:26

To Balloowo mo mi nelata haa mooɗon diga Baabiraawo wari, waato Ruuhu mo gooŋga garanɗo diga Baabiraawo, kaŋko o seedanto yam.

Kuuɗe Nelaaɓe 10:44

Yaake Piyer ɗon wolwa bolle ɗe'e tawon, Ruuhu Ceniiɗo jippi dow nanooɓe waazu fuu.

Kuuɗe Nelaaɓe 16:10

Ɓaawo wahayu man, min taaski dillugo Makedoniya, ngam min paami Allah ewni min haa min ngaazo yimɓe ton Linjiila.

Kuuɗe Nelaaɓe 2:33

Allah ɓaŋgti mo, jo'ini mo haa nyaamo muuɗum. O heɓi Ruuhu Ceniiɗo diga Baabiraawo mo iinanino mo ɗum, waanji Ruuhu oo dow amin bana no ngi'oton e nanoton.

Kuuɗe Nelaaɓe 4:31

Nde ɓe timmini waɗgo do'a, nokkuure haa ɓe ɗonno kawti dimmbi. Ɓe fuu ɓe kebbinaama Ruuhu Ceniiɗo, ɓe ngaazi wolde Allah bee dartaare.

Kuuɗe Nelaaɓe 4:8

Nden Piyer, kebbinaaɗo Ruuhu Ceniiɗo jaabi, wi'i ɓe: “Yaa ardiiɓe ummaatoore e ndotti'en,

Kuuɗe Nelaaɓe 8:25

Piyer e Yuhanna mbaɗi seedamku, ɓe ngaazi wolde Jawmiraawo, nden ɓe lorti haa Urusaliima. Nde ɓe ɗon koota, ɓe ngaazi Linjiila haa gure ɗuuɗɗe nder Samariya.

Roma'en 1:15

Ngam maajum mi yeli waazingo on Linjiila, onon wonɓe haa Roma boo.

Roma'en 1:17

Bee Linjiila ka'a, Allah ɗon waŋginana yimɓe fuu no ɓe laatorto adili'en yeeso muuɗum. Ɗum laatoto bee nuɗɗinki tan, diga fuɗɗam haa timmoode. Bana ko winnda: “Adiliijo yeeɗiran bee nuɗɗinki.”

Roma'en 10:15

E noy ɓe ngaazirta to ɓe nelaaka? Bana ko winnda: “Ɗume wooɗiri bana kosɗe waazooɓe kubaruuji belɗi?”

Roma'en 15:19

non boo bee kaayeefiiji cemmbiɗɗi e bee baawɗe Ruuhu Ceniiɗo. Ngam maajum keɓmi waazingo Linjiila Almasiihu nder gure ɗuuɗɗe, diga Urusaliima haa yotti lesdi Illiriya.

1 Korintu'en 2:10

Haa meeɗen kam, Allah waŋginiri ɗum bee Ruuhu. Ngam Ruuhu ɗon linya koo ɗume fuu, koo nufayeeje Allah lugguɗe boo.

2 Korintu'en 1:22

o waɗani en lammba maako, o hokki en Ruuhu maako nder ɓerɗe meeɗen bana jeŋngina hayruuji ɗi o resani en.

2 Korintu'en 6:6

Min ɗon mbaŋgina min huuwanooɓe Allah bee laaɓeeŋga amin e anndal amin, bee munyal e mbooɗeeŋga, bee Ruuhu Ceniiɗo, bee yiide amin laaɓnde,

Galaatiya'en 1:12

Ngam naa haa neɗɗo njaɓmi ka, naa neɗɗo ekkitini yam ka boo, ammaa mi anndinaama bee wahayu Yeesu Almasiihu.

Galaatiya'en 1:16

o waŋginani yam Ɓiɗɗo maako, haa mi waazina Linjiila maako nder ummaatooje. Nden nii mi sarwotiraay bee ɓii-Aadama,

Efesu'en 3:10

haa o waŋginira jonta hikma maako feere feereeha bee jama'aare nuɗɗinɓe haa mawɓe asama e marɓe laamu nder asamanji.

1 Tessaloniiki'en 2:9

Onon deerɗiraaɓe, on ɗon ciftora torra amin e comri amin. Saa'i min ɗonno ngaazina on Linjiila, min kuuwi jemma e naaŋge fuu ngam nguure amin, ngam taa min teddana koo gooto mooɗon.

1 Timote 3:16

Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

Ibraniŋke'en 11:13

Yimɓe ɓe'e fuu maayi, ɓe ɗon njogi nuɗɗinki maɓɓe, bilaa heɓugo kuuje iinaaɗe ɗe'e, ammaa diga daayiiɗum ɓe eewi ɗe, ɓe ceyori ɗe. Ɓe mbi'i ɓe jananɓe e hoɗɓe haa duniyaaru.

Ibraniŋke'en 2:4

Allah boo semmbiɗini seedamku maɓɓe bee alaamaaji e kaayeefiiji feere feere e bee senndango yimɓe maako dokke Ruuhu Ceniiɗo fodde muuyo maako.

Ibraniŋke'en 4:2

Ngam enen boo en nani kubaruwol ceynoowol bana yimɓe nder ladde hamaadaare go. Ɓe nani ngol, ammaa ngol nafaay ɓe, ngam ɓe njaɓaay ngol bee nuɗɗinki.

1 Piyer 1:25

Ammaa wolde Jawmiraawo duumoto.” Wolde nde'e woni kubaruwol ceynoowol ngol anndinaaɗon.

1 Piyer 4:6

Kanjum waɗi Almasiihu waazini maayɓe boo kubaruwol ceynoowol, koo to ɓe maayi daliila kiita ka yimɓe fuu kiitorte, ɓe ngeeɗa fodde Allah barka Ruuhu.

Wahayu Yuhanna 5:11

Nden mi yi'i, mi nani sawtu malaa'ika'en ɗuuɗɓe masin, ujine ujineeje taariiɓe leeso laamu e sawtu kuuje geete nayi e ndotti'en go.