1 Korintu'en 4:5 - Fulfulde Bible

⁵ Ngam maajum taa kiite koo ɗume diga saa'i man siwaa. Munye haa Jawmiraawo wara, mo waŋginta nder laaɓɗum ko suuɗi nder nyiɓre. O waŋginan boo nufayeeje nyukkiiɗe nder ɓerɗe yimɓe. Nden kadi koo moy heɓan manoore mum bana no fottanta Allah.

Fulfulde DC Bible

⁵ Ngam maajum taa kiite koo ɗume diga saa'i man siwaa. Munye haa Jawmiraawo wara, mo waŋginta nder laaɓɗum ko suuɗi nder nyiɓre. O waŋginan boo nufayeeje nyukkiiɗe nder ɓerɗe yimɓe. Nden kadi koo moy heɓan manoore mum bana no fottanta Allah.

1 Korintu'en 4:5 Iomraidhean Croise

Yaakuba 5:7

Deerɗiraaɓe am, munye haa to Jawmiraawo wari. Ndaare no demoowo munyrata, o ɗon reena haa gese maako ɓennda booɗɗum. O ɗon reena iyeende arannde e ɓaawoore.

2 Korintu'en 5:10

Ngam fakat en fuu en ndaroyan yeeso leeso kiita Almasiihu. Nden koo moy meeɗen heɓan mbarjaari deydey kuuɗe mum: Koo booɗɗe koo kalluɗe ɗe o huuwi wakkati o ɗon nder ɓanndu ndu'u.

1 Korintu'en 3:13

kuugal koo moy fuu waŋgoyan. Nyalaade kiita waŋginan ɗum. Ɗum waŋgoyan nder yiite e yiite waŋginan no kuugal koo moy wa'i.

Ibraniŋke'en 4:13

Walaa ko nyukkanto Allah. Koo ɗume fuu ɗon waŋgi haa gite maako. Doole en fuu en njaabanto ko'e meeɗen yeeso maako.

2 Korintu'en 10:18

Naa mananɗo hoore muuɗum woni gerdaaɗo, ammaa sey mo Jawmiraawo mani ɗum.

Roma'en 2:16

Nyalaade nde Allah hiitoto numooji yimɓe cuuɗiiɗi bee Yeesu Almasiihu fodde Linjiila ka ngaazanmi, koo ɗume fuu waŋgan.

Roma'en 2:1

Ngam maajum, an neɗɗo, koo a moye a walaa geldol nde a ɗon hiito goɗɗo. Ngam to a hiitake woɗɓe, ɗum hoore maaɗa a hiiti, ngam a ɗon waɗa ko ɓe mbaɗata.

Wahayu Yuhanna 20:12

Mi yi'i maayɓe, mawɓe e leesɓe, ɓe ɗon ndari yeeso leeso laamu. Defte maɓɓitaama. Nden deftere woɗnde boo maɓɓitaama, ɗum deftere ngeendam. Maayɓe kiitaama fodde kuuɗe muuɗum'en binndaaɗe nder defte.

Gaazoowo 12:14

ngam Allah hiitoto kuuɗe men fuu, koo booɗɗe koo kalluɗe, koo sirriije fuu boo.

1 Piyer 1:7

Boneeji ɗi'i poondan nuɗɗinki mooɗon to ki gooŋgahi. Koo kaŋŋeeri wonnotoondi maa ɓe ɗon poonda ndi nder yiite, sakko nuɗɗinki mooɗon. Ki ɓuri kaŋŋeeri saman piw, sey ki foonde. Ɓaawo poondol man, on keɓan manooje e tedduŋgal e maŋngu, nyannde Yeesu Almasiihu waŋganta yimɓe fuu.

Roma'en 2:29

Ammaa juulnol ngol yi'ataake, ngol Allah waɗi nder ɓernde goɗɗo kaŋgol laatinta mo Yahuuduujo. Juulnol ngo'ol waɗoto bee Ruuhu Allah, naa bee umroore tawreeta. Yahuuduujo gooŋgaajo heɓataa maŋgtoore mum diga yimɓe, ammaa diga Allah tan.

2 Korintu'en 4:2

Min cali kuuɗe cuuɗiiɗe, cemtiniiɗe, min kuuwataa bee ƴoyre, min ngaylitittaa wolde Allah boo. Ammaa min ɗon anndina gooŋga laaɓka haa koo moy fuu anndita min hoolaaɓe yeeso Allah.

Roma'en 14:4

Kadi on poti hiitugo kuuwoowo goɗɗo feere na? Sey jawmiiko tan wi'ata to kuugal maako fotti malla fottaay. Fakat o do'ataako, ngam Jawmiraawo mari baawɗe jogaago mo.

Yuhanna 5:44

Bana noy on mbaawrata nuɗɗingo, nde nii on ɗon ɗaɓɓa tedduŋgal diga woɗɓe, ammaa on ɗaɓɓataa tedduŋgal garanŋgal diga Allah gooto?

Yaakuba 4:11

Deerɗiraaɓe am, taa mbolwindire kalluka. Koo moy wolwi kalluka dow deerɗum malla hiitake ɗum, o wolwi kalluka dow tawreeta, o hiiti ka. To a hiiti tawreeta, a laataaki ɗowtaniiɗo ka, ammaa a laati kiitoowo ka.

Luka 6:37

“Taa laate hiitooɓe woɗɓe, Allah boo hiitataako on. Taa ndo'e woɗɓe kiita, Allah boo do'ataa on kiita. Njaafe woɗɓe, Allah boo yaafoto on.

Matta 24:46

Barka laatanto kuuwoowo oo, to jaagorɗo maako warti, tawti mo o ɗon suklani kuugal nga'al.

Wahayu Yuhanna 1:7

Ndaa, o ɗon warda bee duule! Koo moy fuu yi'an mo, koo yuwɓe mo boo. Yimɓe asli nder duniyaaru fuu mboyan ngam daliila maako. Nii ɗum laatorto. Aamiina!

1 Piyer 5:4

To gaynaako mawɗo waŋgoyi, on keɓan meetaleewol marŋgol tedduŋgal, ngol furɗataa sam.

1 Tessaloniiki'en 5:2

Ngam onon bee ko'e mooɗon on anndi booɗɗum, nyalaade Jawmiraawo waran bana gujjo garanɗo jemma.

Yuhanna 21:22

Yeesu jaabi mo: “To mi yiɗi o yeeɗa haa to mi lori, ko yaalu ma? An kam tokkam!”

2 Piyer 3:4

ɓe mbi'an: “O wi'no o waran, naa non na? Toy mo? Kaakiraaɓe meeɗen maayi jonta, ammaa walaa ko sannji, koo ɗume fuu ɗon bana haa fuɗɗam tageeki!”

Matta 25:23

Jaagorɗo maako wi'i: Booɗɗum, a kuuwoowo booɗɗo, koolaaɗo, a huuwi booɗɗum bee kuuje seɗɗa, mi halfinte kuuje ɗuuɗɗe. War, seyoda bee am!

Malakiya 3:18

Nden on cenndindiran gooŋgaajo bee kalluɗo fahin, non boo jaggantooɗo Allah bee mo jaggantaako ɗum.”

Yahuuda 1:14

Anuhu mo yeeɗi nder yidere joweeɗiɗawre haa danygol Aadamu, waɗi annabaaku dow maɓɓe diga ɓooyma, o wi'i: “Ndaa, Jawmiraawo waran bee malaa'ika'en muuɗum senaaɓe ujineeje ɗuuɗɗe

2 Piyer 3:12

haa nyalaade Allah nde ndeenoton wara law. Nyannde man asamanji ngulete, kalkete, koode boo ɓolwan bee yiite.

1 Korintu'en 15:23

Ammaa koo moy dow tokkindirki mum: Almasiihu woni aartuɗo, ɓaawoɗon tokkiiɓe mo ummititto to o lorake.

1 Korintu'en 11:26

Koo ndey nyaamoton tamseere nde'e e njaroton nder jardugel nge'el boo, on ɗon ngaazina kubar maayde Jawmiraawo haa yotto loraaki maako.

1 Korintu'en 1:7

Nden kam walaa dokkal Allah koo gootal ŋakkani on, onon reenanɓe nyalaade baŋguki Jawmiraawo meeɗen Yeesu Almasiihu.

Roma'en 2:7

Tiiɗɓe waɗgo ko fotti, ɗaɓɓitanɓe tedduŋgal e daraja e duumaare, o hokkan ɓe ngeendam nduumiiɗam.

Matta 24:30

Nden alaama Ɓii-neɗɗo waŋgan haa asama. Saa'i maajum ummaatooje duniyaaru fuu mboyan, ɓe ngi'an Ɓii-neɗɗo ɗon wara dow duule asama, bee baawɗe ɗuuɗɗe e tedduŋgal maŋngal.

Gaazoowo 11:9

An suka, seyora sukaaku ma. Seynu ɓernde ma wakkati sukaaku ma. Waɗ ko ɓernde ma e gite ma ngiɗi fuu. Ammaa anndu, ngam kuuje ɗe'e fuu Allah hiitete.

1 Korintu'en 3:8

Mo jubi bee mo yarni poti kal-kal. Ammaa koo moy heɓan mbarjaari mum fodde kuugal mum.

Matta 25:21

Jaagorɗo maako wi'i mo: Booɗɗum, a kuuwoowo booɗɗo, koolaaɗo! A waŋgini adilaaku ma nder kuuje seɗɗa, mi halfinte kuuje ɗuuɗɗe. War, seyoda bee am!

Ayuba 12:22

O sudditan lugguɗum nyiɓre, o wadda nyiɓre nyiɓɓunde haa jayŋgol.

Yeremiya 16:17

“Mi ɗon yi'a kuuɗe maɓɓe, walaa ko suuɗi. Aybe maɓɓe wiirnataako yeeso am.

Yeremiya 23:25

Annabi'en waɗɓe annabaaku fewre bee innde am, mi nani ko ɓe mbi'i: Mi yi'i koyɗol, mi yi'i koyɗol!

Hose'a 8:13

Ɓe lii'ani yam dokke kirseteeɗi ngam haa ɓe nyaama kusel man, ammaa min Jawmiraawo mi yerdataako ɓe. Jonta ciftoranmi aybeeji maɓɓe, mi hiitoto hakkeeji maɓɓe. Ɓe loroto haa Misra!

Matta 10:26

“Kadi, taa kule ɓe. Cuuɗiiɗum fuu waŋgan, sirriijum fuu faamoto.

Yuhanna 21:23

Haala man saŋkiti caka nuɗɗinɓe, ɓe ɗon mbi'a pukaraajo oo maayataa. Alhaali boo Yeesu wi'aay Piyer: “Pukaraajo oo maayataa.” Ammaa o wi'i mo: “To mi yiɗi o yeeɗa haa to mi lori, ko yaalu ma?”

1 Korintu'en 3:14

To yiite nyaamaay ko goɗɗo mahi, o heɓan mbarjaari.

1 Korintu'en 11:16

To goɗɗo yiɗi waabaago dow haala ka'a, sey o annda: Gikku ngu'u walaa haa amin, walaa boo haa jama'aaje yimɓe Allah.

Yaakuba 5:9

Deerɗiraaɓe am, taa ngurŋgurte hakkunde mooɗon, ngam taa Allah hiito on. Ndaa kiitoowo ɓadake wargo.

Balndi 12:8

Goɗɗo heɓan manoore fodde hakkiilo mum, ammaa sela-ɓerndeejo, yawnaare heɓan mo.

2 Korintu'en 10:9

Mi yiɗaa mi laato bana mi ɗon hulna on bee bataakeeji am.