1 Korintu'en 2:3 - Fulfulde Bible

³ Mi wari haa mooɗon nder tampere, nder kulol e nder diwŋgol ɗuuɗŋgol.

Fulfulde DC Bible

³ Mi wari haa mooɗon nder tampere, nder kulol e nder diwŋgol ɗuuɗŋgol.

1 Korintu'en 2:3 Iomraidhean Croise

Esaaya 19:16

Nyalaade man Misra'en nanndan bee rewɓe, ɓe kulan, ɓe ndiwnan to Jawmiraawo honooɓe asama ɓaŋgti juŋngo mum dow maɓɓe.

Kuuɗe Nelaaɓe 17:1

Nde ɓe caali Amfipolis e Apolloniya, ɓe njotti haa Tessaloniiki. Woodi suudu dewal Yahuudu'en ton.

Kuuɗe Nelaaɓe 18:1

Ɓaawo man Pol ummi Ateena, yehi Korintu.

Kuuɗe Nelaaɓe 18:12

Yaake Galliyon laati ngomna lesdi Akaya, Yahuudu'en kawti, naŋngi Pol, njahri mo haa nokkuure kiita.

Kuuɗe Nelaaɓe 18:6

Ammaa ɓe ndartani mo, ɓe kuɗi mo. Pol fiɗɗi collaaje limce maako yeeso maɓɓe, wi'i: “To on kalki, annde ƴiiƴam mon ɗon dow ko'e mon, min kam mi laaɓɗo. Diga jonta mi yahan haa ummaatooje goɗɗe.”

2 Korintu'en 10:1

Min Pol, mi ɗon toro on barka yaŋkinaare Almasiihu e mbooɗeeŋga muuɗum – Woɗɓe ɗon mbi'a mi leesɗo saa'i mi ɗon wondi bee mooɗon, ammaa mi caatuɗo dow mooɗon saa'i mi daayiiɗo!

2 Korintu'en 10:10

Ngam woɗɓe ɗon mbi'a: “Bataakeeji Pol ɗi tedduɗi e caatuɗi. Ammaa to o tawaama bee hoore maako caka amin, o tampuɗo, bolle maako boo ɗe meereeje.”

2 Korintu'en 13:4

Fakat saa'i o ɓila haa leggal gaafaaŋgal, o tampuɗo no. Ammaa jonta o geeto bee baawɗe Allah. Ngam daliila kawtal amin bee maako, minin boo min tampuɓe. Ammaa min kollan on min ngeeɗidan bee maako daliila baawɗe Allah.

2 Korintu'en 13:9

Min ɗon ceyo to minin min laatake tampuɓe, ammaa onon on semmbiɗɓe. Ngam maajum min ɗon toro Allah haa on laato timmididɓe.

2 Korintu'en 4:1

Allah nder enɗam muuɗum, halfini min kuugal nga'al. Ngam maajum min tampataa sam.

2 Korintu'en 4:16

Ngam daliila man min tampataa sam. Koo to ɓalli amin ɗon tampa, ɓerɗe amin ɗon kesɗita nyalɗe fuu.

2 Korintu'en 6:4

Ammaa nder koo ɗume fuu min ɗon tiino haa min ngooŋɗina min huuwanooɓe Allah: Bee munyal ɗuuɗŋgal min ɗon munyana caɗeele e torraaji e ɓillaaje.

2 Korintu'en 7:15

Yiide maako dow mooɗon ɓesdi koo ndey o siftori ɗowtaare mooɗon, ngam on njaɓɓori mo bee kulol e diwŋgol.

2 Korintu'en 7:5

Koo wakkati min njotti Makedoniya boo, min keɓaay siwtaago sam. Min potti bee caɗeele ɗuuɗɗe: Woodino jokkirli bee yimɓe e kulol nder ɓerɗe amin.

Efesu'en 6:5

Onon jeyaaɓe, ɗowtane jawmiraaɓe mon haa duniyaaru bee kulol e diwŋgol e ɓernde laaɓnde, bana on ɗon ɗowtana Almasiihu.