1 Korintu'en 1:9 - Fulfulde Bible

⁹ Allah o koolniiɗo, kaŋko ewni on haa kawton bee Ɓiɗɗo mum Yeesu Almasiihu, Jawmiraawo meeɗen.

Fulfulde DC Bible

⁹ Allah o koolniiɗo, kaŋko ewni on haa kawton bee Ɓiɗɗo mum Yeesu Almasiihu, Jawmiraawo meeɗen.

1 Korintu'en 1:9 Iomraidhean Croise

Jabuura 100:5

Ngam Jawmiraawo o booɗɗo, mbooɗeeŋga maako ɗon haa abada, gooŋgaaku maako ɗon diga yidere haa yidere.

Esaaya 11:5

Adilaaku e gooŋgaaku laatoto taadorgol maako.

Esaaya 25:1

Yaa Jawmiraawo, an woni Allah am. Mi maŋgtete, mi teddinan innde ma. Ngam a waɗi kaayeefiiji. Ko a annini diga ɓooyma, a timmini ɗum bee gooŋga e hoolaare.

Esaaya 49:7

Ndaa nii Jawmiraawo, Allah Ceniiɗo, kisnoowo Isra'iila wi'i jawaaɗo, ganyaaɗo ummaatoore, maccuɗo toonyooɓe: “Laamiiɓe ngi'an ɗum, ɓe ummoto. Ardiiɓe ngi'an ɗum, ɓe cujidan ngam daliila Jawmiraawo koolniiɗo, ngam daliila Ceniiɗo Isra'iila mo suɓi ma.”

Limle 23:19

Allah laataaki neɗɗo, o fewataa, o laataaki ɓii-Aadamaajo, o mimsitittaako. Ko o wi'i fuu, o waɗan ɗum. Ko o wolwi fuu, o hebbitinan ɗum boo.

Matta 24:35

Asama e lesdi njinnan, ammaa bolle am njinnataa sam.”

Yuhanna 17:21

ngam haa ɓe fuu ɓe laato gootum. Bana an, Baabiraawo, a ɗon nder kawtal bee am, min boo mi ɗon nder kawtal bee maaɗa. Kamɓe boo ɓe ngona nder kawtal bee meeɗen, ngam haa duniyaaru nuɗɗina an neli yam.

Roma'en 11:17

Isra'iila nanndi bee jaytunhi jarne. Lice goɗɗe ta'aama haa maaki. Onon on nastinaaɓe haa pellel maaje bana lice kese iwɗe jaytunhi laddeehi. On kawti bee lice luttuɗe, on ɗon keɓa semmbe diga ɗaɗol jaytunhi jarne.

Roma'en 8:28

En anndi, Allah ɗon huuwtinira kuuje fuu ngam hayru yiɗɓe mo, ewnaaɓe fodde muuyo muuɗum.

Roma'en 8:30

Suɓaaɓe ɓe'e fuu, Allah ewni ɓe boo. Nden o adilini ɓe, o nastini ɓe nder tedduŋgal maako.

Roma'en 9:24

Enen boo en ɗon nder maɓɓe, o ewni en, naa nder Yahuudu'en tan, ammaa nder ummaatooje goɗɗe boo,

1 Korintu'en 1:30

Daliila maako, onon on kawti bee Yeesu Almasiihu, laatiiɗo hikma meeɗen iwka haa Allah. Bee maako en keɓi adilaaku e senaare e ndimu.

1 Korintu'en 10:13

Jarribooje keɓɗe on fuu, kanje keɓata woɗɓe. Ammaa Allah o koolniiɗo, o accataa on njarribe haa ɓura semmbe mooɗon. Yaake jarribeeki warani on, o hokkan on dabare hisugo, ngam haa on keɓa semmbe munyango ɗum.

1 Korintu'en 10:16

Ciftore jardugel kiirtaari ngel ngetteten Allah ngam muuɗum. Naa ngel ɗon hawta en bee ƴiiƴam Almasiihu yaake njareten na? Ciftore tamseere nde cenndeten boo. Naa nde ɗon hawta en bee ɓanndu Almasiihu yaake nyaameten na?

2 Korintu'en 1:18

Fakat Allah o koolniiɗo, ko min mbi'ata on laataaki ooho bee aa'a ɗiɗi fuu.

Galaatiya'en 1:15

Ammaa Allah mo suɓi yam diga mi siwaa danyeego, mo ewni yam daliila mo'ere mum, nde ɗum fottani mo

Galaatiya'en 2:20

Naa min yeeɗata jonta, ammaa Almasiihu ɗon yeeɗa nder am. Yaake mi ɗon yeeɗa nder ɓanndu am jonta, mi ɗon yeeɗa bee nuɗɗingo Ɓiɗɗo Allah mo yiɗi yam, hokki yoŋki muuɗum ngam am.

Efesu'en 3:6

Ndaa sirri oo: Daliila Linjiila, yimɓe ummaatooje goɗɗe boo laatoto ronooɓe, ɓe laatoto terɗe haa ɓanndu Almasiihu, ɓe keɓan boo ko Allah iinani Isra'iila nder Yeesu Almasiihu.

Tooktaaki Tawreeta 32:4

O tapaare hisrude. Kuugal maako, ngal timmuŋgal. Laabi maako fuu, ɗi darnuɗi. O Allah koolniiɗo, walaa faasikaare haa maako, o adiliijo darnuɗo!

Tooktaaki Tawreeta 7:9

Anndite, Jawmiraawo, Allah mooɗon woni Allah, o koolniiɗo feere maako, o ɗon jogi alkawal maako bee adilaaku ngam yiɗɓe mo e ɗowtantooɓe umrooje maako haa yotto gide ujineere.

Kolossi'en 1:24

Jonta mi ɗon seyoro boneeji am ngam mooɗon. Mi ɗon cikina nder ɓanndu am ko ŋakki haa boneeji ɗi Almasiihu yari ngam ɓanndu muuɗum, waato jama'aare nuɗɗinɓe.

1 Tessaloniiki'en 2:12

Min cemmbiɗini on, min tiɗɗini on, min umri on ngam haa on ngeeɗa fodde ngeendam ɗam fottanta Allah, mo ewni on haa on nasta laamu muuɗum e tedduŋgal muuɗum.

2 Tessaloniiki'en 2:14

Allah ewni on bee Linjiila ka min ngaazi on, haa on keɓa geɗal mooɗon haa tedduŋgal Jawmiraawo meeɗen Yeesu Almasiihu.

2 Tessaloniiki'en 3:3

Ammaa Jawmiraawo, o koolniiɗo. O semmbiɗinan on, o aynan on diga Kalluɗo.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

2 Timote 2:13

To en laataaki hoolaaɓe, kaŋko o tabiti o koolniiɗo, ngam o waawataa yeddugo ko o wi'i.

Titus 1:2

bee tammunde ngeendam nduumiiɗam, mi ɗon winndane Titus, ɓiŋngel am nder nuɗɗinki kawtuki en: Allah Baabiraawo e Yeesu Almasiihu, Kisnoowo men ndokke mo'ere e salaaman. Diga zamanuuji ɓooymaaji Allah mo fewataa iini hokkugo en ngeendam ɗa'am. Nder saa'iire ta'aande boo, Allah Kisnoowo meeɗen waŋgini wolde muuɗum, halfini yam kuugal waazaago nde fodde umroore muuɗum.

Ibraniŋke'en 10:23

Sey en ceedo tammunde nde'e yeeso yimɓe fuu bilaa tampere, ngam Allah o koolniiɗo, o waɗan ko o iini.

Ibraniŋke'en 11:11

Bee nuɗɗinki, Saraatu boo waawi danyugo ɓiŋngel koo nde o dimaro, o naywuɗo boo. Ngam o hooli Allah waɗan ko o iini.

Ibraniŋke'en 2:17

Ngam maajum doole o nannda kal-kal bee deerɗiraaɓe maako nder kuuje fuu, ngam haa o laato hooreejo liman'en marɗo enɗam, koolaaɗo nder njaggu Allah, haa yimɓe ummaatoore keɓa yaafuye hakkeeji muuɗum'en.

Ibraniŋke'en 3:1

Ngam maajum onon deerɗiraaɓe am senaaɓe, ewnaaɓe Allah mo asama, ndaare Yeesu mo Allah neli haa o laato hooreejo liman'en mo en nuɗɗinta.

Ibraniŋke'en 3:14

Ngam en laati kawtiɗiraaɓe Almasiihu, to en tabiti, en ndimmbaaki, en njogi hoolaare meeɗen diga fuɗɗam haa timmoode.

Ibraniŋke'en 6:18

Woodi kuuje ɗiɗi ɗe cannjataako, waɗataako Allah fewa nder maaje: Ɗum iinawol e hunayeere maako. Kanjum ɗum ɗon tiɗɗina en, enen nyukkotooɓe haa Allah, en njogo tammunde tabitnde nde o hokki en.

1 Piyer 5:10

Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.

1 Yuhanna 1:3

Ko min ngi'i e ko min nani, kanjum min anndinta on, onon boo, ngam haa on kawta bee amin nder kawtal amin bee Baabiraawo e bee Ɓiɗɗo mum Yeesu Almasiihu.

1 Yuhanna 1:7

Ammaa to en ɗon ngeeɗa nder annoora bana Allah bee hoore mum ɗon nder annoora, nden kam en ngoodi kawtal caka meeɗen e ƴiiƴam Yeesu, Ɓiɗɗo maako boo laɓɓinan en diga hakkeeji fuu.

1 Yuhanna 4:13

Allah hokki en Ruuhu muuɗum, kanjum hollata en ɗon tabiti nder kawtal bee maako, kaŋko boo o ɗon tabiti nder kawtal bee meeɗen.

Wahayu Yuhanna 19:11

Nden mi yi'i asama maɓɓitaama. Ndaa puccu ndaneewu, ba'iiɗo ngu wi'ete Koolaaɗo e Gooŋgaajo. O hiitoto e o waɗan konuuji maako nder adilaaku.