1 Korintu'en 1:8 - Fulfulde Bible

⁸ Kaŋko o tabitinan on haa yotto timmoode, ngam haa laatooɗon bilaa feloore nyalaade Jawmiraawo meeɗen Yeesu Almasiihu.

Fulfulde DC Bible

⁸ Kaŋko o tabitinan on haa yotto timmoode, ngam haa laatooɗon bilaa feloore nyalaade Jawmiraawo meeɗen Yeesu Almasiihu.

1 Korintu'en 1:8 Iomraidhean Croise

Jabuura 37:17

Ngam Jawmiraawo ittan baawɗe maɓɓe, ammaa o wallitan adili'en.

Jabuura 37:28

Ngam Jawmiraawo yiɗi ko fotti, o wudintaa hoolaaɓe maako, o ɗon ayna ɓe foroy. Ammaa o wilan danygol halluɓe.

Luka 17:24

Ngam bana ma'ere ma'irta wakeere asama nde'e nden jayŋgol maare ɗon yotto haa wakeere ndeya, bana non Ɓii-neɗɗo laatorto nder nyalaade mum.

Luka 17:30

Bana non ɗum laatoto nyannde baŋguki Ɓii-neɗɗo.

Roma'en 14:4

Kadi on poti hiitugo kuuwoowo goɗɗo feere na? Sey jawmiiko tan wi'ata to kuugal maako fotti malla fottaay. Fakat o do'ataako, ngam Jawmiraawo mari baawɗe jogaago mo.

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

Roma'en 8:19

Tagefo fuu ɗon yenwa masin haa Allah waŋgina ɓiɓɓe mum bee tedduŋgal.

1 Korintu'en 3:13

kuugal koo moy fuu waŋgoyan. Nyalaade kiita waŋginan ɗum. Ɗum waŋgoyan nder yiite e yiite waŋginan no kuugal koo moy wa'i.

1 Korintu'en 5:5

ndokke goɗɗo oo haa juŋngo Sayɗaanu! Ngam haa ɓanndu maako halka, ammaa ruuhu maako hisa nyalaade Jawmiraawo loroyto.

2 Korintu'en 1:13

Walaa goɗɗum saawi nder bataakeeji amin, sonaa ko on njaŋngata, ko on paamata. Mi ɗon tammo on paaman nder timmididɗum ko paamoton jonta dow dow: Nyalaade loraaki Yeesu, Jawmiraawo meeɗen, on ceyorto min bana minin boo min ceyorto on.

2 Korintu'en 1:21

Allah bee hoore mum tabitinta en nder kawtal bee Yeesu Almasiihu. Kaŋko suɓi en,

Efesu'en 5:27

haa o darna jama'aare marnde tedduŋgal nde'e yeeso maako bilaa batte malla nyodi e ko nanndi, ammaa nde seniinde, bilaa aybe.

Filippi'en 1:10

nden kam on paaman ko ɓuri fottugo, on laatoto laaɓɓe, on ngalaa feloore nyannde nde Almasiihu loroyto,

Filippi'en 1:6

Mi anndi fakat, Allah puɗɗuɗo kuugal booɗŋgal nder mooɗon timminan ngal boo haa nyalaade nde Yeesu Almasiihu loroyto.

Kolossi'en 1:22

Ammaa jonta, o sulhindiri on bee hoore maako bee maayde Ɓiɗɗo maako mo laati neɗɗo haa o darna on yeeso maako on senaaɓe, on ngalaa aybe, on ngalaa feloore.

Kolossi'en 2:7

Tabite nder maako bana no lekki darorto nder lesdi bee ɗaɗi maaki, ndarne yoŋkiiji mooɗon dow maako, cemmbiɗine nuɗɗinki mon fodde ekkitinol ngol keɓɗon, ngette Allah bee gettooje ɗuuɗɗe.

1 Tessaloniiki'en 3:13

O semmbiɗina ɓerɗe mooɗon, ngam laatooɗon seniiɓe, ɓe ngalaa feloore yeeso Allah, Baabiraawo meeɗen, saa'i Yeesu, Jawmiraawo meeɗen loroyta bee seniiɓe mum fuu. Aamiina!

1 Tessaloniiki'en 5:2

Ngam onon bee ko'e mooɗon on anndi booɗɗum, nyalaade Jawmiraawo waran bana gujjo garanɗo jemma.

2 Tessaloniiki'en 2:2

Taa hakkiilooji mooɗon ummo law, taa kultore boo to goɗɗo wi'i on nyalaade Jawmiraawo wari. Teema goɗɗo waɗanan on annabaaku malla o waazinan on malla o wi'an minin mbinndi ɗum nder bataakewol.

2 Tessaloniiki'en 3:3

Ammaa Jawmiraawo, o koolniiɗo. O semmbiɗinan on, o aynan on diga Kalluɗo.

2 Timote 1:12

Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

2 Timote 1:18

Jawmiraawo hokka mo hinnuye mum nder nyalaade kiita. Haa Efesus o huuwani yam kuuɗe ɗuuɗɗe, an a anndi ɗum booɗɗum.

1 Piyer 5:10

Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.

2 Piyer 3:10

Koo non fuu, nyalaade Jawmiraawo waran bana gujjo. Nyannde man, asamanji majjan bee hoolo kulniiŋgo, koode asama boo kalkiran bee yiite, lesdi bee ko woni ton fuu boo majjan.

2 Piyer 3:14

Ngam man yiɗaaɓe am, nde nii on ɗon ndeena ɗum, kaɓde jooɗaago on laaɓɓe, bilaa aybe yeeso Allah haa on njooɗo nder salaaman bee maako.