Yon 8:6 - Got Weng Abem

⁶ Kale ika dákadámin weng dákadámom nadawo weng abil fodaw alumo, kale nadiwo kanamsiw. Kale ika kasen kei di diín weng bakodawiw, kata Yesus ayo madan asin mikabu dák bakan sikal tuw god bom keimsa.

Got weng abem: Alokso abino kalin

⁶ Kale ika dákadámin weng dákadámom nadawo weng abil fodaw alumo, kale nadiwo kanamsiw. Kale ika kasen kei di diín weng bakodawiw, kata Yesus ayo madan asin mikabu dák bakan sikal tuw god bom keimsa.

Yon 8:6 Iomraidhean Croise

Matiyu 10:16

Naka iniman siwsiw imadáli yak sew mayan imi wol iw tem kaeki unin taw keidiw ko. Kiba kidela aket kidel kuw fukan tet ká bom nadiwe akol dákbu kámin kala.

Matiyu 15:23

Yesus aka um weng atung fakadu weng katiw mak bakomamongin banim, kata alam weng kidimin kinim iyo wis sánlaw bom nadiwe bakodiw, “kudálaw unuk kala. Uka num yán abo tad bom mun imtade tabebuno.” Akiwe,

Matiyu 16:1

Kale Fedasi so Seddusi so iyo tad nadiwe Yesus dawkuku dákadáluwo, abid tikin mudi mudín kukuw mak kanodayo afan aka Got amiyo kal tasane kalumo, kale dákadáliwe,

Matiyu 19:3

Kale Fedasi madik ika tad Yesus atam dawkukumumo, kale nadiwade ika tad bakodaw, “kawta, kinim wanang kudu wanan unom yaknámin kukuw mak utama mafaku ka. Kale kudámin be abem bade kene?” Akiwe,

Matiyu 22:18

Yesus aka imi aket mafak tet bom weng dákadábiw uyo alam kal. Kale aka bako nadale, “kasen keimin fong awangal kiba, watawo kale weng abil fonamumo, kale kanabiwe?

Matiyu 22:35

sawa utamsa kinim makuw ata dákadámin weng mak Yesus dawkukudon kale bakoda,

Matiyu 26:63

kata Yesus ayo weng banim sading kalane, bokal kayak ayo Yesus bakodaw, “naka kitid weng bakokamon, kaba afan Got Walusa Kinim ade alam Man kaí, kaba sun biyámin Got ami win dawsonu weng abem bako, ‘be afano, kalalo!’” Akane,

Mák 10:2

Kale Fedasi madik ika tad Yesus atam dawkukumumo, kale nadiwade ika bakodaw, “kawta, kinim wanang kudámin be abeme?” Akiwe,

Mák 12:15

Nuka ken kisol takis uyo Sisa kukádawoduw bade bá?” Akiwe, Yesus aka alam kal ika kasen kasen tadbiw. Yakei nadane aka bakoyam, “kiba watawo kaleyo kasen kei weng abil fonamumo kanabiwe?” Kala, kiba tumon mak kudew nam tadiw utamono.” Yakane,

Mák 3:2

Kale wanang kinim madik ika kidela kin didaw ata bom Yesus Finuyámin am kadákal kinim sikal afum ayo tá daudomane, kale aka mafak keibane akumo, kale kanamsiw.

Mák 8:11

Kale Fedasi iyo tad nadiwade Yesus dawkukumumo, kale nadiwade munlaw bom, “abid tikin fut futin kukuw mak kukudawo utamumo!” Kaliwe,

Luk 10:25

Am mak dánane sawa kukumin kinim mak tad Yesus atam kukudono, kale tada. Kale aka kan tod nadale bakodaw, “Kukumin kinim kawta, yakno yakno bi nadino lim tuwámin sinik uyo kudulokabine?” Akane,

Luk 11:16

Kal bidiwe, madik itane atam kukudumo, kale nadiwade dákadá bakodaw, “kaba Got Mano, kalbaw uyo abid tikin mudi mudín kukuw mak kukudawo utamo afan kaba Got ami Walusa Kinime kakumo.” Kalansiw ko.

Yon 8:2

Kale matam kutim midiliw, aka Yol am dám tem asiki misun toda, kabadák wanang kinim seng tada tada falfal daudiwe, aka dák tein kukuyam badano,

1 Kodin 10:9

Kale nuka Kamok be daw kukumin bá, kinim madik bidi kanamiwo, faimkun tabe anusiw.