Yon 17:1 - Got Weng Abem

¹ Kale Yesus ayo weng be bakoda banimane, aka katam fen abid tikin kin mo nadane Got gánla bom bakoda ko. “Natim kaba, am dánámin mewso tada. Kale kaba kalam Min win kufodawawade akal kam win kufokamak kala.

Got weng abem: Alokso abino kalin

¹ Kale Yesus ayo weng be bakoda banimane, aka katam fen abid tikin kin mo nadane Got gánla bom bakoda ko. “Natim kaba, am dánámin mewso tada. Kale kaba kalam Min win kufodawawade akal kam win kufokamak kala.

Yon 17:1 Iomraidhean Croise

Mák 14:41

Kale aka alo asiki leiw alewbino mo tad nadale bakoyam, “kiba ulum kano sun kuw akál bom finu bidiwe? Kanodiw ki bo! Kiba utamin, wasi gi dauyamámin kinim ade mewso Got ami Kinim ayo kamane kal ban keimin kinim gi dauyamongin nama ka.

Luk 18:13

Kata gawman takis kuámin kinim ayo un bi yak sikam kaekal tod nadale aka mik dakfo katam fen abid tikin kin modongin banim, fatom keidawu gebom kal geng si nadale bakoda, ‘Got kaba, wol mat so keinamalo, naka ban keimin kinim kala.’ Akeisano,” Kalesa.

Luk 22:53

Naka sun kuw Yol am kasádam tem ade kibiliwso biyábi, kata kiba teng takunam namadew fakudin dakosiw. Kata bela kilim atan keida ade be Mafakim ami kitid akfak tem uniw ka.” Yakeisa.

Yon 11:4

Yesus ayo weng kidi nadane aka bako, “ami asanin bo kanodawu fikalako kaleyo bá ka. Bude kanodino, kata Got ami win uta kufodaw ade Min win so kufodaw audino, kaleyo bo.” Yakei nadane,

Yon 11:41

Kalane, ika tum kukan keidiwe, Yesus katam fen abid kin mo nadane bakoda, “Natim ken kei, kaba nam weng kidinamsaw.

Yon 12:23

Yesus weng fakadu bakoyam, “am dánámin ade kamane ki, kale Got ami Kinim am win dukum kufádawin atan keidu ka.” Kale bakoyam,

Yon 13:1

Kale Akayam Unemin ban bomin atan uyo atin mewso keidune, Yesus ayo alam kal keidomo, aka bakan budák kudá Alaw mewso atamongin keidu ka. Kale nadane aka finang moda, alam kinim kan ita bakan tein bom aket kuyamsa iyo mewso nikil adik adik tein bom imin wanbuw ka. Kale nadane alam aket kuyam tadanusa uyo kuw misun dá kuyamono kanama.

Yon 16:32

Kata am dánámin tadbu aude tadu. Kale kiba kadi sakun dá yak abe maek abe au nadiwe, ú alam abiw una una audom nalafin namadálongin keimiw, kata naka nalafin bá, Natim Got ayo nalaso be kala.

Yon 7:30

Kale am weng banimane, ika dew fakudumo, kanamiw. Kata kinim mak teng yak dew fakudongin danim, watawo kaleyo bá, ami kanadáwin atan uyo mewso tadongin banim.

Yon 7:39

Kale belami weng mit bakosa uyo ki kinim kan ata aket afan kalin im Got Sinik Abem kudokabiw uta bakosa, kamakikiw alo Yesus ayo win dukum kudula Got Sinik Abem ayo madák tadongin dako badano kale.

Yon 8:20

Kale aka weng bela baka bom nadane kukuyam bom keiba, be Yol am Got fet dawkádawin bán dim mewso kal kanaba, kata kinim mak tad dew fakudongin danim, watawo kaleyo bá, am atan uyo mewso tadongin danim, kayo ko.

Sinik Abem 3:13

Kale num awadik kasal Ebadakkam, Aisak, Yekkow imi Got alam wok fakudin kinim Yesus win dukum kudawsa. Kata kiwta ta bom Yesus ayo dew yak Bailet dádaw anbidino. Kaliwe, Bailet aka bako, ‘dabadáliw luk bala unako.’ Kalese, kata kiba Bailet bakodaw, ‘Yesus be num kuso.’ Akeisidiw.

1 Bita 1:21

Kale am win dim Got afan, akbiw be Got alata fikala dafo bá kuw win dukum kudaw audano, kayo kiba Got be afan kale nadiwe alam weng takadá kanoyamokabi, yakeisa uyo mimin dok di bidiw kala.