Yon 12:5 - Got Weng Abem

⁵ Kale bako nada, “watawo kaleyo ukal fiw kidel kunin wok uyo kisol mo naduno kisol uyo wanang kinim kisol banim im kuyamongino ade umi kun kisol uyo itol makuw wok faku biyo kuámin kisol taw.” Kalesa.

Got weng abem: Alokso abino kalin

⁵ Kale bako nada, “watawo kaleyo ukal fiw kidel kunin wok uyo kisol mo naduno kisol uyo wanang kinim kisol banim im kuyamongino ade umi kun kisol uyo itol makuw wok faku biyo kuámin kisol taw.” Kalesa.

Yon 12:5 Iomraidhean Croise

Matiyu 18:28

Kata kinim wok fakudin kinim ayo unom nadale leiw kal alam afadow wok makuw fakudin kinim kisol kung gebom ulumi ki auok kal yán keidawsa ayo atam nadale yak fukun faku anbidono, kale nadale bakodaw, ‘wabising kamano ki nam kisol yán keinamsaw uyo kunamalo!’ Aka.

Matiyu 20:2

Kale weng kidel dau nadale, ‘kiba kamane be wok faku bidiwo tumon tem kadel makuw makuw keiyamokabino,’ yakei nadale imadála yak alam gadew yong faliw ko.

Luk 12:33

Alam bude kami ufek ufek adikum uyo wansiki dusiki bom nadawade sák win banim kukayam bom kei badawo, umi yán kisol uyo abid tikin kalam kisol aungal unemuk kala. Watawo kaleyo bá, bo yakot wanin tad yakot wanodiw banim ade waniwani bodoliw banim ulum kano sun kuw bokabu.

Luk 18:22

Yesus aka kinim am weng kidilaw nadale bakodaw, “kaba kukuw makuw mak waktusaw. Kale kalam ufek ufek adikum faku badaw uyo wansiki dusiki si ku nadawade kisol uyo kudew yak wanang kinim win banim kuyamokabaw, beta abid tikin ufek ufek kidel uyo kudokabaw kala. Kaleyo kaba yak be kanabawe tad nam yán abodalo.” Akane,

Luk 6:41

Watawo kaleyo kabalam kafadow am kin alol katiw uta utaman bom nadawade kalam kin alol dukum uta utamongin dakobadaw,

Yon 12:4

Kata Yuddas Iskadiyat kayak Yesus alami weng kidimin kinim, aka yanol Yesus wasi gi dauyamokaba kinim ayo bako, “wok imsá yán fuwudawu bo kukuw kidel bá.”

Yon 12:6

Ami kanam kale bakosa, be aka sák kinim wanang kisol banim iyo kisol dakáyamin kinimo bá. Kata aka kisol am baeng kin mo bom alam teng so kei bom yakot wanan bom alam luk kuw duduyámin kinimo, aka kanodin weng bo bakabisa.

Yon 13:29

Kale Yuddas be Yesus so alam nikil so ilim moni kin modin kinim kayo kinim madik im aket bo Yesus aka Yuddas bakodawano, ban imin wanin modako kanabane, bade kinim kisol banim moni kuyamako akanbane, kalsiw.

Yon 6:7

Kale Filiw ayo fakadu bakodaw, “kuin, wanin 200 Kina sánin, kata be ken kanodin kinim be ken kikiw keidoma bá be.” Kalane,