Matiyu 8:2 - Got Weng Abem

² wol bán gam kinim mak akal tad, Yesus kin gubuyo kal katun katun luko dák tein nadale bakodaw, “Kamokim kaba, kalam aket, kidel namudon kalaw namti, kidelnamudaw kenono.” Akane,

Got weng abem: Alokso abino kalin

² wol bán gam kinim mak akal tad, Yesus kin gubuyo kal katun katun luko dák tein nadale bakodaw, “Kamokim kaba, kalam aket, kidel namudon kalaw namti, kidelnamudaw kenono.” Akane,

Matiyu 8:2 Iomraidhean Croise

Matiyu 10:8

asanin kinim kidel daubiw, kinim fikala tá dafobiw, wol bán gam kidel daubiw, sinik mafak gei imusa iyo fotaba bom keimin kala. Kaleyo naka kanodin kukuw bo min kuyami, kale kibil ulutaw ki min kukáyamin kala.

Matiyu 13:58

Kale nadano Yesus ayo alam abiw kabadák ayo dubat dubatin kukuw so kukuw mak kanamongin banim, watawo kaleyo bá, imi aket afano kalin banim, kayo kanosa ko.

Matiyu 14:33

beta kunu tem tein fakadábiw iyo Yesus win kufádaw bom nadiwe bakodiw, “atin afan kabayo ki Got alam man adik dáwo.” Aksiw ko.

Matiyu 15:25

wanang uyo tad alam kin gubuyo kal katun luko dudák di nadule bakodu, “Kamok kawta dakonam kala.” Akune,

Matiyu 18:26

Kale wok fakudin kinim ayo alam kamok kin gubuyo kal katun katun luko dudák di nadanade mun dá bakodaw, ‘kamok kaba, fiaw asadawo naka kam kisol uyo adikum kikamokabi.’ Akane,

Matiyu 2:11

ika wakas tam am nadiwade man so alam akun Madiya so awát itam nadiwade ika katun katun luko dudák di win kufádaw si nadiwe beta alo ika kisol men uyo bisu nadiwe tum gol so kaem kidel win fadeng so as gom win mud so uyo kudawsiw ko.

Matiyu 20:20

Kale Sebeddi kadel uka ulum man alow iyo bakadu imadew tad Yesus dádaw nadule alam kin gubuyo kal katun katun luko dák tein nadule dákadálaw kalu ko. “Kawta, ken au kalin weng mak bakonamodáwe?” Akune,

Matiyu 26:6

Kale Yesus ayo Betani abiw kal Saimon wol bán gam akanábiw ami am kal bom,

Matiyu 28:17

Kale tam nadiwe Yesus atam abumo nadiwe win kufádaw bom keimiw, kata yak madik bo aket yum yum so fukansiw.

Matiyu 28:9

Yesus ayo tad leiw kim luko itam nadale, aka bakoyam, “kiwta ken tein bidiwe?” Yakane ika yak mewso nadiwe alam yán uyo kutad miki nadiwe win kufádaw bom keimiwe,

Matiyu 4:9

“yak kanomin ufek ufek adikum kin bádu uyo kaba nam win kufánamokabaw, naka yak adikum ufek ufek kin bádu uyo kukamokabi kate!” Akane,

Matiyu 8:1

Kale Yesus ayo amgu dim kalo madák tadale, kanomin wanang kinim iyo Yesus yán abo tadiwade,

Matiyu 8:25

Kale alam weng kidimin kinim iyo yak dafo nadiwade bakodaw, “Kamok kaba, wakan dakoyam, wok tabe kinim abudongin keimu.” Akiwe,

Matiyu 9:18

Kale Yesus aka kanamin weng bela bakayam bom keim álano kawed am kin modin kinim mak tad nadale Yesus kin gubuyo kal katun luko dák tein nadale bakoda, “nam mun uyo mew kama fikalu kuti tadi, kale tadawo yak naduwo kam teng kudew yak umi dim teidawo uka matam kenuko.” Akane,

Luk 4:27

Kale Ilaitsa am lum senin kinim kei biyámsa um atan eidámsu uyo Isadael kasel iyo wol bán gam seng keimámsiw. Kata katiw mak kano kasá bongin banim, kata Sidiya kinim Neiman alafin kasáim keiyámsa.”

Yon 9:38

kinim asik bakodaw, “Kamokim kaba, atin aket kukami ko.” Akei nadane Yesus kalfalawsa.

Sinik Abem 10:14

Bita ayo weng atung fakadu bakodaw, “Kamokim atin bá be, naka ufek ufek takoyo kalesu uyo atin wanomi bá.” Kalane,

Sinik Abem 10:25

Kale bude Bita ayo kama am wakas matam tad badale, Koniliyas ayo katun katun fakela dák Bita alam yán mewso tein win kufádawa,

1 Kodin 14:25

ade ami iwál aket fukanin uyo kawákal kuw kaím dádawokabu, kawák aka alam kun faleli kale tein nadane Got win dafáda bom nadane bako, “Got be afan kiwso beno,” kalanokaba ko.

Daw misun 19:10

naka ensel alam mit tem katun fakela suksuklawono kanamine, aka bakonam, “kanamin bá! Naka kafadow kalaw so kalam nikil fikal so makuw Got wok fakudaw bom Yesus ami sung tatun bakayamin kinim. Kale Got ata suksuklawo, watawo kaleyo bá, Yesus ami sung tatun ayo ki Sinik abem dim adikum lum senin kitid kukayaba kayo ko.” Kalesa.