Matiyu 7:11 - Got Weng Abem

¹¹ Kale kiba kinim mafak, kata kiba ufek ufek kidel kilim muduw kukayamin bo kilim kal. Kale atin kilim kal, kilim Kalaw abid tikin kayak aka kinim kan ata dákadálaba, aka Sinik Abem kukádawin bo alam kal.

Got weng abem: Alokso abino kalin

¹¹ Kale kiba kinim mafak, kata kiba ufek ufek kidel kilim muduw kukayamin bo kilim kal. Kale atin kilim kal, kilim Kalaw abid tikin kayak aka kinim kan ata dákadálaba, aka Sinik Abem kukádawin bo alam kal.

Matiyu 7:11 Iomraidhean Croise

Matiyu 23:9

Ade kiba bakan dim kadák ayo kinim mak bakodaw, ‘Natimo’ akin bá, watawo kaleyo bá, num Natim be makuw ata kuw abid tikin teinbe.

Matiyu 7:10

Ade aka takamo, kale dákadákamokaba uyo kaba ken faimkun fale uyo kudawodáwe?

Yon 3:16

Kale Got ayo bakan kayak aket fikale nadano kayo alam Min yánmák makuw ayo dabadála madák tase. Kale kan kinim ata aket kudawa namti, aka daw mafak dádoma banim, kata aka sun biyámin uyo kudulokaba ko.

Udom 3:19

Kale sawa abem uyo seng kanamino kalesu. Kale nuka nulum kal sawa abem umi kanamino kalesu, bo yak kan ata sawa abem akfak tem bidiw imi kuw bakoyamsu. Kata uka adikum weng atiti bakamin umi dam uyo atisu ade wanang kinim adikum imadew maek Got ami taktakin akfak tem imtisu.

Udom 3:9

Yu kayak nuta kinim madik iyo im tam mo imadá yak bán kidel teinbuduwe? Bá be! Nuka alo kuku naduw Yu kayak so Mifiw so nuka makuw kale suduw. Kale nuka adikum ban keimin fatom gei imusa ka.

Udom 8:32

Kale Got aka alam Min babid makuw ayo adikum num luk dabadála madák kál funin kuduse kala. Kaleyo Got aka ufek ufek adikum uyo tow dinoma banim, ulum aket banim kei, Yesus so num adikum kuyamokaba.

Galesia 3:22

Kata be afan bá, Got ami buk tem weng uyo bako nadule, “kinim adikum bakan mungang kuw gidit kalu iyo Got sawa bo kudá nadiwe ban keimin kukuw umi kitid uta kuw imadew fakubuno.” Kalbu kala. Kaleyo yak kan kinim ita Yesus Kadais afan kalokabiw ita kuw Got ufek ufek kidel weng takadása uyo kudulokabiw ko.

Yemis 1:17

Adikum ufek ufek atin min gelemin kidel uyo Got abid tikin, kayow so milum so atan so lánin kidelin kinim alamiyo kal tadebu. Kale atan aka eida si nadane tem una midilába, kata num Got aka alam min gelemin uyo kano dakmade dakmade bada midilamoma banim.

1 Yon 3:1

Kale kiba, num Natim ami aket kukáyamin uyo utamino, ami aket kukáyamin uyo atin afalik dukum kayo Got aka nalam muduwo, yakba kala. Kaleyo afan nuka Got alam man. Kale bakan kayak ika nuka im kal keidongin banim, be watawo kaleyo bá, ika Natim Got ayo im kal banim kayo ko.

1 Yon 4:10

Aket kudawa kudawain ude bula ka, nuka atin Got kidela aket kudawongin banim, kata aka atin aket dukum kuyamsa, kayo alam Min dabadála madák num ban keimin wane ilulaw nadane umi dim num ban keimin lukuwá kudáyamase kala.