Matiyu 3:1 - Got Weng Abem

¹ Kale kanamsiw kabadák ayo Yon wok ban boyámin kinim ayo Yuddia bakan kalo yak anang iwán sed gisa bakan kal weng dawkáyam ká bom

Got weng abem: Alokso abino kalin

¹ Kale kanamsiw kabadák ayo Yon wok ban boyámin kinim ayo Yuddia bakan kalo yak anang iwán sed gisa bakan kal weng dawkáyam ká bom

Matiyu 3:1 Iomraidhean Croise

Matiyu 11:11

Naka atin dam weng bakoyamon, mew wanang man fukanábiw, be mak matam Yon taw so mak keisa bá, kata yak kan kinim ata abid tikin kasák gu kal win banim kei be namti, ata amsun kei Yon akadawsa ko.

Matiyu 11:7

Kale Yon weng dew tadbiw kinim iyo imadála uniwe, Yesus ayo dák Yon ami weng fit dew matam dá wanang kinim kanomin teinbiw bakayama ka. “Kiba yak anang iwán sed gisa bakan unemsiw bo watawnak uta utamomu kale unemsiwe? Yak mákal gedul dew tad dáka bada bawlanba beta atamumo, kale unsidiwe?

Matiyu 16:14

ika weng fakadu bakodaw, “madik im weng ‘Yon wok ban bomin kinim atano,’ kal bidiw, madik itane bako nadiw, ‘Ilaitsayo,’ kal bidiw, wáw madik itane bako, ‘Yedimaya ata nam, lum senin kinim madik ita nam, kal bidiw,’ keimaliw.” Akiwe,

Matiyu 21:32

Beta kaleyo Yon wok ban bomin kinim aka kamakikiw tad bom nada kukuw kidel kukuyam tase. Kata kiba aket kudawongin banim, kata ban keimin kinim so sakadinin wanang kinim so ita aket kudawsidiw ade kiba be kanama atamsidiw, kata kiba ban keimin uyo ibik dumam nadiwe aka afan kanaba be akongin banim dakosiw.”

Matiyu 3:8

Kiba kukuw kidel kuw faku tadiwo, itam kiba ban keimin uyo ibik wakumamiwe kaleyono,

Mák 1:15

“Am ade kamane kal dána tadu ade Got ami kasák gu uyo mew falan tadbu. Kale kiba kilim ban keimin uyo ibik dumam nadiwe Got sung kidel uyo afan kalin kala.” Kalesa ko.

Mák 1:2

Kale be kama katow bu kal lum senin kinim Aiseya ayo weng mak goda dau nadale kalesa. “Naka nam weng dew kámin kinim mak dabadáli asik gebom tadokaba ayo kam leiw kidelokaba.

Luk 1:76

Kale nalam man kaba, atin abid Got ami lum abem senin kinim kawsik kalán gebom tad bom Kamok Got leiw kidelawokabaw kala.

Luk 7:24

Kale Yon weng dew tadbiw kinim iyo dabadá uniwe, Yesus ayo dák Yon ami weng fit dew matam dá wanang kinim kanomin teinbiw bakayama ka. “Kiba yak anang iwán sed gisa bakan unemsiw bo watawnak uta utamomu, kale unemsiwe? Yak mákal gedul dew tad daka bada bawlanba, beta atamumo unsidiwe?

Sinik Abem 1:22

aka suwayo Yon wok ban bomin kinim so kal alaso mit kei nuso tad bi tad Yesus imadá abid tikin unse ka. Kaleyo kuw ko.” Yakane, afan