Matiyu 10:2 - Got Weng Abem

² Kale weng dew kámin kinim kilung kal imi win iyo ki, kamakikiw be Saimon, alam win mak ayo Bita so alam muk anung Andadu so keidiw. Sebeddi man Yemis so alam muk anung Yon so keidiwe,

Got weng abem: Alokso abino kalin

² Kale weng dew kámin kinim kilung kal imi win iyo ki, kamakikiw be Saimon, alam win mak ayo Bita so alam muk anung Andadu so keidiw. Sebeddi man Yemis so alam muk anung Yon so keidiwe,

Matiyu 10:2 Iomraidhean Croise

Matiyu 17:1

Kale am bokuw kal banimane, Yesus ayo Bita, Yemis wáw alam muk anung Yon keida nikil ilifin imadewa ki un bi tam amgu kimisung mak umi tikin kal unsiw.

Matiyu 20:20

Kale Sebeddi kadel uka ulum man alow iyo bakadu imadew tad Yesus dádaw nadule alam kin gubuyo kal katun katun luko dák tein nadule dákadálaw kalu ko. “Kawta, ken au kalin weng mak bakonamodáwe?” Akune,

Matiyu 26:37

aka Bita so Sebeddi muduw alow so ita imadewa nikil yak abe unome, Yesus ayo aket budunin dukum kudu aket tem ayo amanin seng uyo tad kiwune,

Matiyu 4:18

Kale bude Yesus ayo wok mik Galili badang kámom nadale aka man alow mak itama. Kale Saimon alam win mak ayo Bita so alam ning Andadu keida, alow ika takam tein kámin, kayo weik men kudáliw dák wok dang aba budu takam tein kábiw ka.

Matiyu 4:21

Kale alo yán umet dá unom nadale aka man alow mak itama bidi Yemis Sebeddi man so alam ning Yon so ika ilimi alaw Sebeddi so kunu dim tein bom nadiw weik men kidelbiw kala. Kale nadale Yesus aka gán dáyamane,

Mák 1:29

Kale Yesus ayo kawed am kudá Saimon so Andadu so imi am uniwe, Yon so Yemis so iliso ibik teiniw nikil makuw unsiw.

Mák 13:3

Kale Yesus ayo mukkun auliw tikin Yol am mewso kal tein álano, Bita, Yemis, Yon, Andadu ilifin tad dákadá nadiwe bakodiw,

Mák 6:30

Kale Yesus alam weng dew kámin kinim imadála unsiw iyo tad nadiwe ilim kukuyam kámusiw so im kidel kámusiw so umi sung uyo bakadaw bidiwade,

Luk 11:49

Bemi mit uta Got alam kal keimin dukum kidel uyo bako nadale, ‘naka lum senin kinim so weng dew kámin kinim so imadáli tadokabiw, kata yak madik bo ika anudiw fikalokabiw ka, madik itane kál funin yáw mán kuw kuyamokabiw kala.’

Luk 22:14

Kale wanin wanin tem tadule, Yesus so alam weng dew kámin kinim so nikil wanin wanin bán dim tein nadiwade

Luk 22:8

Yesus ayo Yon so Bita so weng dauyam, “kiwsik ei bom nadiwo Akayam Unemin ban imin uyo mikil kei bom kidel sidiwo nuka yanol taduwo wanumo.” Yaka nade

Luk 5:10

Kale Saimon so laklak kámsiw kinim bidi Sebeddi muduw Yemis so Yon so iliso kol kanodin kukuw so kuwo kalsiw ko.

Luk 9:10

Kale weng dew kámin kinim imadála weng kidel dew unsiw iyo asiki tad Yesus atam ilim kanam kámusiw sung uyo bakodawiwe, Yesus so nikil makuw adik bakadu imadew una. Be alam nikil ilim tatun yak abiw mak win Betseidda kal unumo kale abe bidiw.

Yon 12:22

Filiw aka yak Andadu bakodawane, Andadu so Filiw so alew yak Yesus bakodawsiw ko.

Yon 13:23

Kale Yesus alam weng kidimin kinim mak atin alam aket kudawsa ayo Yesus madan ilikis tein be.

Yon 20:2

Kale nadunade wabading ulum kim dim biyaku tad Saimon Bita so weng kidimin kinim mak Yesus alam aket kudawsa kinim aso bakoyam, “kiba Kamokim ade tum tem daw kan kei dew unsidiw be num kal banim, yakal dawtisidiwe?” Yakune,

Yon 21:2

Saimon Bita so Tomas awang man so Nataniel Keina abiw Galili bakan kayak so Sebeddi ami muduw alew keidiwade weng kidimin kinim alew mak keidiw iyo adikum makuw tubudusiw.

Yon 21:20

Kale Bita ayo dumade nadanade atamomo, weng kidimin kinim mak Yesus aket kudawsa ayo im yán abo tadba. Be ata kamakikiw Akayam Unemin ban imin wananom nadiw Yesus dim tud unom bakodaw, ‘kan ata wasi gi dauyamokaba.’ Akeisa kinim ata kale.

Yon 21:24

Kale Yesus ami kanodin weng bakodawsa, be weng kidimin kinim mak alata kin wala nadane ufek ufek alata utam nadane buk belami tem godusa, kayo nulum kal am kin walamin weng uyo atin afan.

Yon 6:67

Kale Yesus ayo alam weng kidimin kinim kilung kal imadáliw iyo bakoyam, “kiba nuluso imadála unumo kalbiwe?” Yakeisa ko.

Yon 6:70

Yesus ayo fakadu bakoyam, “naka kilung kal kiba walu imudi, kata kinim makuw ata ki sinik mafak kinim ko.” Yakeisa.

Yon 6:71

Umi weng mit ayo ki Yuddas Saimon Iskadiyat kayak ami sung kale aka Yesus ami kinim kilung kal mak ade kabe, kata aka yanol Yesus wasi gi dauyamokaba kayo ko.

Yon 6:8

alam weng kidimin kinim mak am win Andadu aka Saimon Bita am muk anung ayo bako,

Sinik Abem 1:13

Kale ika tad Yedusalem nadiwe tam el am ilim am teinábiw unsiw. Kale bidi Bita, Yon, Yemis, Andadu, Filiw, Tomas, Bátalomu, Matiyu, Alfias ami man Yemis, Saimon bakan kalan ginanin kinim, ade Yemis ami man Yuddas keida. Keidiwe,

Sinik Abem 1:26

Kale nadiwe ika yak as gang mewtanong so kimis so alew faku kuwá nadiwe kalo yak fit kudulomo Matiyas ata as gang kimis kudula ka. Kale ata matam weng dew kámin kinim wol fewa nikil kilung kal keisiw.

Sinik Abem 12:2

alam kinim iyo imadála yak Yon ami ning Yemis ayo woksek tuw anbidiw fikalane,

Sinik Abem 3:1

Am mak dána nade Bita so Yon so imi tam Yol am unsiw. Be atan sinik tade tow alewbino dim aba kawákal Got so weng bakanámaliw kayo be kanamumo kale ika tad

1 Kodin 15:7

Kale beta alo aka tad Yemis dim kál misuna nadane ayo adikum weng dew kámin kinim ilim dim kál misuna nadane

Efesis 4:11

Kale Kadais ami min gelemin kukayaba be madik iyo walu imuda, weng dew kámin kinim keidiw, madik ita lum abem senin kinim keidiw, madik ita Got weng tuw aket dakfáyam kámin keidiw, madik ita Got ami kinim wanang gu kin modin keidiw madik ita Got weng kukumin kei bidiw keimino, kale kuyamsa.

Ibidu 3:1

Kaleyo nalam Got afan kalin nikil fikal kiba, Got aka walu imu nada im kinim dá abem kei imuse. Kale kiba Yesus alam aket ayo seng kuw fukanin kala. Kale aka Got ata num abin abem kayak keidako, kale dabadála tase kayo nuka aka afano akbuw ka.

1 Bita 1:1

Naka Bita Yesus Kadais alam weng dew kámin kinim, nata sauk kon bela Got wanang kinim walu imuda kilim abiw uyo fotabiw, kudá sakun dá yak Bantas bakan so Galesia bakan so Kabaddosiya bakan so Eisa bakan so Bitinia bakan so adik yak aba maek aba unsidiw kimino, kale goduyami ko.

2 Bita 1:1

Naka Saimon Bita Yesus Kadais wok fakudawin kinim ade alam weng dew kámin kinim. Nata yak wanang kinim kan ata nulum Got Yesus Kadais nulum ban keimin Watakayaw ami kukuw kidel dim maek num afan kalin taw kei bidiw kimino, kale goduyami ko.

2 Yon 1:1

Naka Got ami wanang kinim gu gebom gebom kinim nata sauk kon bela wanang akun Got walusa so ulum muduw so kim atin aket kuyamsi kimino, kale goduyami. Kale nata kuw aket kuyamsi bá, kata adikum Yesus afan kalin weng ilim kal keisiw, iliso aket kuyamsiw ko.

3 Yon 1:1

Kale naka Got ami kinim gu kin moyámin kinim gebom, nalata sauk kon bela atin aket kukamsi kinim Gayas kamino, kale kukami ko.

Daw misun 1:1

Kale buk bela Yesus daw misun teisa umi sung kale be Got ata Yesus kudawane ata Got alam wok fakudin kinim kuyama, ika ilim kal kei utaw uta mewso matam bokabu. Kalesidiw be Got aka ensel dabadála madák alam wok fakudawin kinim Yon dim abu alam kal keisa.

Daw misun 1:9

Naka Yon kilim king naka kiwso nalaso makuw nikil nuka Yesus so dam makuw keisuduw, kayo naka kiwso makuw kál funin kudabuw ade yak Got ami kasák gu buduw ade kanodin idum dukum dukum, kata nuka ulum kano naknek fakadá buduw. Kayo naka namadew yak wok iwyak bakan katiw mak win Batmas kal namtidiw bi, be watawo kaleyo bá, naka Got weng baka bidino kayo ade afan Yesus be daw misun dáse ka.

Daw misun 18:20

Kayo abid tikin kasel kiba! Kalfal dá tong fakomámino. Kinim abem so weng dew kámin kinim so lum senin kinim so kiba kalfal dádino, Got ayo yaknámin leiw kukuyamsu namti, aka leiw ulutaw kukumaba kala.’” Kalsiw.

Daw misun 22:8

Naka Yon, nalata ufek ufek adikum bela kanodu kidi, utam ausi. Kale naka adikum bo kidi, utam au nadine ensel mewso kal katun fakela suksuklawono kanami.