Mák 8:6 - Got Weng Abem

⁶ wanang kinim seng seng iyo weng dauyama dák bakan teiniwe, beta aka budet kim fet kal so takam so uyo fako kudu nadale beta Natim ken keiyo, akanbane, fakel fakel dau nadale weng kidimin kinim dauyamane, weng kidimin kinim ita tabe wanang kinim wak geleyamsiw.

Got weng abem: Alokso abino kalin

⁶ wanang kinim seng seng iyo weng dauyama dák bakan teiniwe, beta aka budet kim fet kal so takam so uyo fako kudu nadale beta Natim ken keiyo, akanbane, fakel fakel dau nadale weng kidimin kinim dauyamane, weng kidimin kinim ita tabe wanang kinim wak geleyamsiw.

Mák 8:6 Iomraidhean Croise

Matiyu 26:26

Kale tein bom wanin wan bom keimiwe, Yesus ayo dák imin budet mak kudew faku nadale Got ken keiyo, akei nadale fakel fakel ku alam nikil kuyam bakoda ko. “Kudu wanin kala, bulayo ki nalam dam ko.”

Mák 8:20

aka bakoyam, “á imin budet kim wataw kal uta fakela ku 4,000 kinim iyo wak geleyamsi ade men wataw kal uta weina kusidiwe?” Yakane, ika bakodaw, “men fet kalo.” Akeisiw.

Mák 8:5

Yesus aka bakoyam “budet kim wataw kal kiba dew bidiwe?” Yakei nadane

Mák 8:7

Ade ika takam katiw kul fakadu mak debiw. Kale Yesus ayo Natim ken keiyo, akei nadane alam weng kidimin kinim bakoyama ita takam be wak geleyamsiw.

Luk 12:37

Kale ilimi tabalasew ayo tad somo kan tod bom nadiw leiw fenbiw ka, yakokaba uyo aka ken itamokaba! Kale naka atin dam weng bakoyamon, aka tad nadane alam ilim mikiba uyo gulu kuti nadane wanin fumin ilim miki nadale alam wok fukudawin kinim iyo gán dáyama tad wanin wanin bán dim teiniwe, alata wanin fu bom dawkáyamokaba ka.

Luk 24:30

Kale bude aka wanin wanin bán kal dim nikil tein nadiwade imin budet bo kudu nadale, Got keno kale nadane fakel fakel geleyamono kanama,

Yon 2:5

Yesus akun uyo wok fakudin kinim bakoyam, “kiba Yesus weng bako yak kanodin maek kanodin yakba uyo kanamin kuw ko.” Yakeisu.

Yon 6:23

Kale kunu madik mak abiw Taibidias kal tad Yesus alam budet Got ken keiyo, aka wanang kinim wansiw kal tadiw kale.

Udom 14:6

Kale kinim kan ami aket bako, am mak dánámin be abem, am mak dánámin be gulak, kalanba aka be Got ami kanadába. Ade kinim kan ata aket fukanin mew ufek ufek bo adik wanino, kalba, aka bo Kamok ami kanadába watawo kaleyo bá, aka wanin bo Got ken keiyo ak bom wanba kayo. Ade yak kinim wanin madik bo wanin báyo, kalba, akal Kamok ami kanadába, watawo kaleyo bá, alaso Got ken keiyo, akba.

Kalose 3:17

Kale kukuw adikum kanabaw so weng adikum bakanbaw so uyo Kamok Yesus alam win dim ki kana bom nadiwo tam Got alam Man win dim nulum Natim Got ken keiyo kalanin ko.