Mák 1:27 - Got Weng Abem

²⁷ wanang kinim iyo aket dakat yak budune, bakodawa bakodawa bom bako nadiwade “be yaknámin kukuw atana? Kanomin alokso kukuw kukumin beta ka. Aka ken kitid soim be, ken aka sinik mafak weng kuw dauyama ken weng kidilawodiw betane.” Kalsiw.

Got weng abem: Alokso abino kalin

²⁷ wanang kinim iyo aket dakat yak budune, bakodawa bakodawa bom bako nadiwade “be yaknámin kukuw atana? Kanomin alokso kukuw kukumin beta ka. Aka ken kitid soim be, ken aka sinik mafak weng kuw dauyama ken weng kidilawodiw betane.” Kalsiw.

Mák 1:27 Iomraidhean Croise

Matiyu 15:31

Kale kidel imkan badano weng kabom ayo weng dakat baka bada, kun afum kidel kei bidiw, mákal fakanuk gam ken tufi budu, kin mat ken kin bá kei bidiwade, wanang kinim iyo kin madiw ata bom nadiwade Isadael kayak Got kalfalawsiw ko.

Matiyu 8:9

Watawo kaleyo bá, naka mada yak gebom kei bidiw imi akfak tem biyámin ade nakal un tabudin kinim iyo nam akfak tem biyábiw, kayo naka kinim mak weng bakodaw, ‘unalo,’ akokabi, be aka unokaba ade naka yak kinim mak weng bakodaw, ‘tadalo,’ akokabi, be aka tadokaba ade yak nalam wok fakudin kinim mak bakodaw, ‘be kanoyo,’ akokabi, be aka madiw kanodongin kuw keimala.”

Matiyu 9:33

Yesus ayo sinik mafak fotaba yakabanom kinim dabadáliwe, aka weng dakat bakodane, kanomin wanang kinim iyo aket madiw beso kuwe kal bom nadiwade bakodiw, “kuin kanodin kukuw bo Isadael bakan kadák mak utamongin banim betana.” Kalsiw.

Mák 1:26

afan sinik mafak ayo kinim makuw kitid kuw dok kamo dawtad kamo keim si nadane singad weng dok dádom nadano kinim ayo dabadá mekeinane,

Mák 1:28

Kale kanaba umi weng sung uyo wabising kudew yak abe maek abe Galili bakan adikum kabadák uyo kidisiw ko.

Mák 10:24

Kalane alam weng kidimin kinim iyo ami kanam bakoda be aket diking dakung bom keimiwe, Yesus ayo asiki bakoyam, “man man kiwta, Got kasák gu unemin be atin kitid kate.

Mák 10:32

Kale Yesus ata geboma Yedusalem unumo. Kale leiw ei bom nadiwe weng kidimin kinim ita beso unuw kiwi kal bidiwe, yak madik ilim yán abobiw itane Yu kayak ita fingán bidiw keimiwe, Yesus aka alam weng kidimin kinim kilung kal iyo fá budu mo imu nadale kanodawokabiw sung uyo bakayam taba ka.

Mák 16:5

wakas tam somane kinim kuet mak lim namal kimisung mak mikibano kalomo ilimi teng miskuno tod be ka. Kale fingániwe,

Mák 16:6

aka bakoyam, “kiba fingánin bá, nalam kal kiba Yesus Nasadet kayak anak as dim dásidiw, beta fen tadbiw. Kata aka kadák tein be bá, aka talá taminba. Kale kiba tad dau sidiw bán kuw bu bo utamino.

Mák 7:37

Wanang kinim atamiw iyo bako, “kolo be so kuwo.” Kale bako nadiwade “aka mew ufek ufek bo adikum ken kuw kanaba beta ka. Aka kentát, kata kidel dauda weng ken kidi bom ade weng kabom, kata kidel dauda weng baka bom keibano.” Kalsiw ko.

Luk 4:36

Adikum kinim iyo kanodin kukuw bo utam nadiwade kin antam dá, bakodawa bakodawa bom kaliw bude, “kuin bo yaknámin kukumin sona? Alam weng atud so kitid so tuw sinik mafak iyo bong dok dákaba uyo weng kidi kinim ayo dabadá maek ababiw betane.” Kalsiw ko.

Luk 9:1

Yesus ayo alam weng kidimin kinim kilung kal iyo gán dáyama tada tada keidiwe, aka kitidim so win dukum so umi tuw sinik mafak kiwa imusa so asanin mafak so kidelya bom takan keimin kitid kuyam nadane

Sinik Abem 17:19

beta Faul ayo dew tam Adeyobakas kot keimin am kal tada tada au nadiwe weng bakodaw, “nuka ken kam alokso weng kukum kábaw uyo ken bakoyamaw kal keidoluwe?