Efesis 4:12 - Got Weng Abem

¹² Kale Kadais am kano kanaba umi mit ayo ki aka Got ami wanang kinim kidela Kadais kinim wanang gu imi wok ken kanamom nadiwo Kadais yán aboyámin uyo matam kitiduno,

Got weng abem: Alokso abino kalin

¹² Kale Kadais am kano kanaba umi mit ayo ki aka Got ami wanang kinim kidela Kadais kinim wanang gu imi wok ken kanamom nadiwo Kadais yán aboyámin uyo matam kitiduno,

Efesis 4:12 Iomraidhean Croise

Luk 22:32

Kata Saimon kaba, naka Got wis modawi kalam aket Got kukádawin uyo daw kitid mokamokaba. Kale kaba alo asiki maek nalam mit tem tadokabaw, alo kawsik kalam nikil fikal iyo imi afan kalin uyo kuw kitid moyamal.” Akane,

Sinik Abem 1:17

Kale Yuddas aka nulumi mit makuw kale aso nuso nikil wok makuw fakuyamsuwo ko.” Kalesa.

Sinik Abem 1:25

ata matam Yuddas alam bán unom abin kudáse uyo kudu weng dew kámin kinim kei wok fakudako.”

Sinik Abem 11:23

Aka tad wanang so kinim so iyo itamomane, Got alam min gelemin uyo kudubiw ka. Kale nadanade aka kalfalin dukum kuw kudu nadano wanang kinim iyo aket wis sánya bom bakoyam, “kiba kim aket uyo adikum atin afan kale Kamok kudaw yak alami mewso ki biyámino.” Kale Bánabas weng yakeisa.

Sinik Abem 20:24

Kata naka nalam teinámin umi luk so kalbi bá, kata nam aket dukum ayo ki nalam wok kunam yak kanamalo nakeisa, ki atin adik wakadalono, kalbi. Kale naka Kamok Yesus wok kunam yak wanang kinim sung kidel Got ami min gelemin sung bakayamalo nakeisa, ki adik wakadá banima kudono kalbi.

Sinik Abem 20:28

Kiba ulum kanom kilimi uyo kin mo nadiwade Got wanang kinim gu adikum iyo kidela kin modin kala. Watawo kaleyo bá, Sinik Abem alata kiba walu imu, kiba Got wanang kinim iyo siwsiw gu taw kale kidela im kin modino, yakeise. Kale kiba ilim ifemin kinim taw kei nadiwe kidela dakbu im kidelin kala. Watawo kaleyo bá, Got aka alam kaim tuw mo imuse.

Sinik Abem 9:31

Kale ika dabadáliw una nade beta adikum Got wanang kinim gu Yuddia kayak so Galili kayak so Samediya kayak so iyo ken abin teiniw, watawo kaleyo bá, kinim mak tad im mafak dákamongin banim keidiw, Kamok akfak tem unemin kukuw uyo abodiwo, kayo Sinik Abem madák im kitid moda kinim wanang seng iyo maek iso wolfewiw wanang kinim gu dukum keisiw.

Udom 12:5

Kale leiw makuw alataw ki, nuka seng seng, kata adikum nuka Yesus ami kun teng yán. Kale Kadais so nuso nuka dam makuw ade num dam bo mak ami keida mak ami keida ausuw.

Udom 12:7

Got aka kinim mak kinim madik imi wok fakuyamal kale kal keimin daudawa kaí, aka alam bemi wok fakudak. Alo kinim mak ayo ken kukumin kinim keidako, akeisa kaí, aka alam kukumin kinim keidak.

Udom 14:19

Kayo nuka yaknodin kukuw uta abino kalin kidel kale faku bom naduwo akanum dakodawa dakodawayumo.

Udom 15:14

Nalam nikil fikal, naka atin nalam kal, kiba kukuw kidel ta bom weina imusu ade kal keimin uyo adik kikiw wakadá imudune, atin ken akanum aket kukudawa kukudawayongin kinim wanang keisiw.

Udom 15:2

Nuka yak nulum nikil fikal imi luk dudu aket kalfalin kukáyam buduwo, ikil ilim aket afan kalin uyo matam kitiduk kala.

Udom 15:29

Nalam kal naka yak itamokabi. Naka Kadais ami ufek ufek kidel uyo adikum kudew tadokabi.

1 Kodin 12:27

Kale kiba kamane kiwta Kadais ami dam ade kabidiw ade makuw makuw kiba dam makuw belami atung atung kala.

1 Kodin 12:7

Sinik Abem ami min gelemin wanang kinim makuw makuw imi wok fakube, be ken atamuduw ade be Got wanang kinim gu imi dakáyamin.

1 Kodin 14:12

Kaleyo be ulutaw kiliwso ka. Kiba atin aket wananyam bada Sinik ami min gelemin mak kudulumo, kalbiw. Kale yak kalakal Got wanang kinim gu ifo imadew matam dádaw dukumámin umi kitidim uta umi tuw sun kuw kanamin kala.

1 Kodin 14:14

Naka weng kukum tuw Got suksuk bom bakanokabi kaí, nalam sinik bude suksukba, kata nalam aket fukanin atane mit uyo kidela kal keidoma banim ko.

1 Kodin 14:26

Nalam nikil fikal nami kanam kalbi ami mit ayo ki Got win dafádawumo, kale gei dukanbiw kawák ayo ki, kinim mak aka fuw wemokaba, mak atane kukumokaba, kinim mak aka Got ami aket fukanba uyo kidela misuna kuw kaím dákamokaba, mak atane weng kukum bakan bada ayo kinim kukum ata tabe weng be kusiki kanam kalbano, kalanokaba. Adikum buyo ki kana bom naduno Got wanang kinim gei dubidiw iyo dakoyamokabu kala.

2 Kodin 12:19

Kiba kim aket sauk kon bulami adikum kíbiw uyo kilim kin dim nuka nulum adut bomin weng uta bakanbuwe? Kata, nuka mak kanamongin banim, nuka Kadais ami aket weng bakanino, yakba uta Got ami kin dim kal kanamábuw. Kale nulum duwal kiba, numi ufek ufek adikum kanamábuw be kanoyamuwo, kiwta kitidino kale naduwo ka.

2 Kodin 13:11

Kamane nalam nikil fikal, naka bakoyam tein bidiwano, yaki ko. Kiba kibilim mimin dok dibidiw uyo atin kanomamiw kideluk kala. Kale nalam bakoyamsi beta kuw kana bom nadiwo aket makuw kei bom nadiwe abino kalin dim biyá bom nadiwe aketo kalin so abino kalin so Got ayo kiwso bok kala.

2 Kodin 13:9

Kiwta kitid keidiwe, nuta balut tuw keidoluw, be naka kalfalbi ade nuka Got dákadála bom bako, “ika dakoyamaw matam atin kidelino,” Akbuw ko.

2 Kodin 3:8

Sinik Abem ami alokso abino kalin dew tadeba umi lamlam uta atin afan tam so dukum ka.

2 Kodin 4:1

Kayo Got alam aket budunin dim sung kidel uyo kudew yak madik imi bakanyam kámino, kale bemi wok uyo num kuyamsa, kayo nuka be kudáloduw banim.

2 Kodin 5:18

be adikum Got alata kanaba. Kale Got ata Kadais ami kanose sok dim alami tada numi taduw kawák uyo abino kale nadale wok dauyam kiba yak kinim wanang adikum imadew maek dádiw naso abino kalumo, yakeise.

2 Kodin 6:3

Num aket nuka num wok fakubuduw bewok masi wanang kinim mafak so mak atamodiwo kalbuw, kayo nuka wanang kinim gal sasonim kuyam leiw atiyamoduwo kanabuw.

2 Kodin 7:1

Atin nalam duw ifin kiba, Got aka tam bemi weng takadáyamin kuyamsa. Kaleyo nuka mew adikum ufek ufek tabe num dam so aket so kanoyamu baim teinámin uyo kudá bisok kei bom Got atam fingánbuw, kayo numi biyámin uyo atin abem kei bom naduwo kala.

Efesis 1:23

Kale Kadais be gebom ade Got ami wanang kinim gu ika alam dam keidiw auduno adik kikiw keibu ade Kadais ata kuw tein nadano mew ufek ufek adikum teinu mánu uyo kikiw adik dáw kei kukanba.

Efesis 4:16

Kale alam kin moyámin akfak tem adikum kun teng yán dam takubu uyo atin kidel kuw taku una tad aubu ade alam dam takudin makuw makuw ika alam kukuw kukum faku dakodawa dakodawa áliw, beta kana bom nadiw dam be luk banim kidelok kuw bu ade aket kukámamin dim fasubu ko.

Efesis 4:29

Weng mak bakodono kalaw namti, kuok weng so bakanin bá, weng abál ki bakan badawo, kam weng abál bakanbaw uta tabe kam weng kidibidiw iyo dakoyamokabu ko.

Efesis 4:4

Kaleyo Kadais dam be makuw, Sinik Abem be makuw, ade Got aka gán dáyam mimin makuw dok didino, yakeise.

Kalose 1:24

Kale kamane naka kimi dakoyamono kale ken kál funin be kudu kalfalomi ka. Watawo kaleyo bá, nam kál funin be Yesus alam bako nada, “naka kál funin kudu nadino Got ami wanang kinim gu adikum nalam dam iyo dakoyamon,” kalesa, umi kál funin uta naka adik adik wakadámi ko.

Kalose 1:28

Kale nuka wanang kinim adikum iyo Kadais sung bakayabuw. Kale nam weng bakabi uyo ki naka aket kidel fukanin kei nadino kitid weng bako kanamin bayo, yakei nadine kukuya bom keimino, adikum kan ata Kadais so makuw kei bidiw imi kal keimin uyo matam fasuduno, makuw makuw iyo imadew maek dádi Got atamino, yakbi kala.

Kalose 4:17

Asibas ayo bakodaw, “Kamok wok kukamsa uyo adikum gitas wakadálalo.” Akin kala.

1 Timoti 1:12

Naka Kadais Yesus nulum Kamok ken keiyo, akbi ayo ki aka natamomo, naka dudew tabesi kinim. Kale nadale walunamu kitid daunamano ami wok uyo kudew tabesi.

2 Timoti 4:11

kata Luk mada ata kuw nalaso be. Kale kaba tadaw kayo Mák ayo dew tadal kala. Watawo kaleyo bá, aka nam wok ken dakánamokaba kayo ko.

2 Timoti 4:5

Kata kaba mew adikum idum tad kadák ababu uyo kidela uta bom nadawo kudew tabamal kala. Kaba kalam Got sung kidel dew kámin kinim kei badaw ki kei bom nadawe Got alami wok fakudawin kinim kei bom wok dudew tabe badawo kala.

Ibidu 13:17

Kibilim gebom gebom imi weng ayo kidiyam bom nadiwade im kanamino, yakbiw uyo aboyámino. Ika kimi ifi moyámin bo ilim wok, kayo ika kim im kin mo bom imkinkinsiw sung uyo kudew tad Got bakanlawokabiw ka. Kiba weng kidiyamansiw namti, ika idak teinokabiw. Alo kiba kukuw mafak fakudiw namti, im idum so keidokabiw, be kauk ayo ki kim mak dakoyamoma banim.

Ibidu 6:1

Kaleyo kamane nuka kamakikiw kukuyamin bo akamam nukul matam guton sawa kayak keidum kala. Kale nuka alo asiki tow mit kei Yesus Kadais sung kukuyamiw kal keisuw, kawák ki mamadon bom teinámin bá. Kale be ban keimin ta bom tudo imadew yak fikalanámin mit tem unokabuno kalin so Got afan akanino kalin so