1 Kodin 15:3 - Got Weng Abem

³ Atin kamakikiw weng Got daunamsa, be atin babid kale, beta nasik dauyamsi uyo bako nadune, “Kadais be num ban keimin takan keiyamono, kale fikala

Got weng abem: Alokso abino kalin

³ Atin kamakikiw weng Got daunamsa, be atin babid kale, beta nasik dauyamsi uyo bako nadune, “Kadais be num ban keimin takan keiyamono, kale fikala

1 Kodin 15:3 Iomraidhean Croise

Matiyu 26:24

Got ami Kinim alami bude godin weng bako nadule kanodokabano kalesu, kale be ulutaw kanodokaba beso bá, kata kol yak kinim Got ami Kinim wasi gi dauyamokaba beta ki um tadalokaba. Kale kinim be akun daudongin dakosu nam, beta keno kalongino ko!” Kalane,

Matiyu 26:28

bulayo ki nalam kaim uta ta bom Got ami alokso abino kalin uyo Got tada alam wanang kinim tada tada dek amki imudokabu. Kale uta imsá tabe nadule wanang kinim seng imi ban keimin uyo tá kudayamokabu ko.

Luk 24:25

Kaliwe, beta Yesus asik bakoyam, “kinimá kana bom be kinim ken bisune, kiba lum senin kinim im weng bakamsiw uyo afano kalongin banim, aket lumlumbiw buyo.

Yon 1:29

Kale kana bi sidiwo matam kawák Yesus ayo Yon finang tadanane, Yon aka kaek fen atam nadane bako, “kaek fen atamino! Siwsiw man belata bakan kayak ban keimin uyo takan keiyamokaba ka.

Sinik Abem 17:2

Faul aka kawákal bom nadano Finuyámin am dánámin alewbino uyo tam kawed am une bom nadano alam kanamámala kukuw be ki abo Got buk tem weng um mit uyo kalesano, kal bom nadanade

Sinik Abem 3:18

Kata be Got alata kanoduko, kalese, be Got alam lum senin kinim dim bakoyam kanam tadokabuno, kalesa uyo bako, ‘nalam Walusi Kinim ayo kál funin kudu fikalokabano.’ Yakeisa uta matam dam abusu.

Sinik Abem 8:32

Kale kinim ami buk tem weng kím mada kím tadba uyo bako kalesu. “Aka siwsiw gi dau alumo kalin taw kei dew uniw ade siwsiw man sissis tuw kalim bitada bidiw weng sading kalin taw kei am weng sading kale bon tem takodin banim keisa.

Udom 3:25

Kale Got aka Yesus Kadais dabadála madák wanang kinim imi ban keimin idum kudulako, kale nadano kayo Got aka wanang kinim keng kuyamomi báyo, kale kanose. Aka Kadais ami kaim so wanang kinim ilim afan kalin so tuw Got alam keng uyo kail bá takeikuyaba. Kale leiw makuw belami leiw ki, aka kidel kanamin kinim ade kukuw kikiw kuw kanamin kinim kala. Kaleyo aka kamakikiw wanang kinim dil biyámsiw imi ban keimin umi yán uyo mak sok gei imusa bá, be watawo kaleyo bá, aka alam kal, yanol Kadais ayo tad nadane ban keimin bela takan keiyamokaba kale nadano kayo ko.

Udom 4:25

Got aka Yesus ayo bakan dim kinim wanang num ban keimin moyam fikalako, kale dauyamase. Ade tá dafo nadino nuka alam kin dim kidelok kei imudono kale kanose.

1 Kodin 11:2

Naka kimi tok kuw bakanyabi, watawo kaleyo bá, kiba sun kuw nam aket fukan bom nadiwe kukumin kuyamsi uyo abobidiw kayo ko.

1 Kodin 11:23

Naka Kamok alam ban dukámin wanin kukuw kunamse, beta nasik kudáyami yak kimal abesu. Kale be Yuddas ayo Yesus gi dauyamono, kalesa bemi midiliw kawákal Yesus ayo budet faku nadale

2 Kodin 5:21

Kadais aka ban mak feingongin banim, kata num luk uta Got aka Kadais num ban feingin uyo adikum faku kudew yak am dim kutidawsa. Kala kaleyo nuka Kadais so makuw keidokabuw kawák Got aka alam aket fukanin kidel uyo kudew yak num aket tem teiyam nadane kidel imudokaba ko.

Galesia 1:12

Naka weng be kinim dim kal kudusi bá ade be kinim ita kukunamsiw bá. Kata be atin afan Yesus Kadais ata kidásu kukunamano, nata tabe bakoyamsi ka.

Galesia 1:4

Naka weng kal keiyamono, kali ayo ki nulum Kamok Yesus Kadais aka au, kale nada, naka im ban keimin idum kudu fikale nadino imi yak bakan dim umi kukuw mafak mafak kitid akfak tem bidiw iyo min talá imadálono, kale kanose kala. Watawo kaleyo bá, nulum Natim Got asik aket tet dau nada bo kanodokabuno, kalesa.

Galesia 3:13

Kale sawa abem uka num gán abuyamsu, kata Kadais aka num gán abumin bo kukan keiyamse, be alata num abin kudu yak num gán abuyámin akfak tem unse. Kale Got godin weng uyo bako, “kinim wanang adikum kan ita imi dam uyo kudew tam asal kal kutisa namti, ika Got gán abuyamsa.”

Efesis 1:7

Nuka Kadais kaim tabe num ban keimin uyo min talá imadábu uyo Got alam num ban keiduw lukuwá kudáyaba uta ka. Kale Got min gelemin be atin atin dukum,

Efesis 5:2

Kale Kadais num aket kuyam dakoyamono, kale fikale ufek ufek fiw kidel taw Got wane ilulawa, Got aket kidelawasu taw, kibil kano aket kudawa kudawain dim bom nadiwo kala.

Ibidu 5:1

Kale Yu kayak imi bokal kayak walamámsiw, be kinim kuw kinim ilim iwyak tem kawákal waluliwo, aka matam wanang kinim adikum imi abin kudu Got fet dawkáda bom ban keimin Got wane ilkáda bom keimsa.

Ibidu 5:3

Kale aka alami ukul kinim kayo iniman Got wane ilkáda bom wanang kinim imi ban keimin takeikanya bom alam ban keimin takeikan bom keimsa.

1 Bita 1:11

Kale ika be leiw fen bom utaw atan kal tadokabu ade yakno yakno tadokabu kal bidiwo, Kadais ami Sinik Abem ilim kidin tem be ata kukuyama utamomo, yanol Yesus ayo kál funin kudu nadane talá tabe alam wasi im tam mo akayam nadane kalfalin amsun kudulokaba ka, kalesiw.

1 Bita 2:24

Num ban keimin uyo kudew yak Yesus alam kal bino nada as dawing dákamin dim fikalese, kayo nuka ban keimin akfak tem biyámin uyo ken min talá gulbal kei bom naduwe nuka Got alam kana bom bino, yakba ki kana bom bum kala. Kale be Yesus alam kál wako dau sidiw kal kiba tá kidel imuse ko.

1 Bita 3:18

Kaleyo, Yesus aka bid makuw ki mo adikum ban keimin wanang kinim imi fikaleyamase ade aka alo sawil fikaleyamoma banim, aka ban keimin wanang kinim imi luk duduyámin kinim kidel. Aka beta kano nadane tudo imadew yak Got mit tem unemin keise. Kale ika am dam bo anbisidiw, kata Sinik Abem ta bom tá dau dafose.

1 Yon 2:2

Kale aka num abino kalin umi Got wane ilkádawin ade alata. Kale aka numi kuw bá, aka adikum bakan kuw tabodu wanang kinim mit makuw numi ko.

Daw misun 1:5

so Yesus Kadais tatun kin walamin kinim, aka Got ami man dil, aka fikale talá tabesa ade aka alo bakan adikum imi kamok kamok kin moyámin kinim keida, imi min gelemin so aket dakbudin so uyo kilimi keidak kala. Yesus aka aket kuyam nadane num ban keimin sok gei imusu uyo alam kaim tuw min talá imadáse.