1 Kodin 14:3 - Got Weng Abem

³ Kata kan kinim ata lum senin weng bakana kaí, aka be kinim imi weng bakaya bom gadel dawkáya bom, im kitid sán bom ilil dudáya bom keiyaba kala.

Got weng abem: Alokso abino kalin

³ Kata kan kinim ata lum senin weng bakana kaí, aka be kinim imi weng bakaya bom gadel dawkáya bom, im kitid sán bom ilil dudáya bom keiyaba kala.

1 Kodin 14:3 Iomraidhean Croise

Luk 3:18

Yon ayo weng guton seng bakayam bom nadale sung kidel dawkáyamsa.

Sinik Abem 13:15

kawed am kin modin ika Mosus am sauk kon weng Sawa so Lum Abem Senin kinim im weng so godusiw uyo kí nadiwe weng mak dabadáliw tad Faul so Bánabas so dim abu bakoyam, “nakanum kasal kiba, ken im kitid sánin weng mak wanang kinim kukuyamum kaliw kaí, be ken kukuyamin kuw ka.” Yakiwe,

Sinik Abem 14:22

Yesus afan kalin aket kuw kitid dakáya bom nadiwade kitid weng bakoyam, “kiba Yesus afan kalin uyo kitid fakadá bom nadiwo kala nuka Got ami kasák gu uyo kál funin seng uta kudu naduwo umi tem kal tam unum kala.” Yakei nadiwe

Sinik Abem 15:32

Kale Yuddas so Sailas so ikil iliso lum senin kinim kayo ikil aket kidelámin weng bakaya bom nikil fikal im kitid sán bidiw bom

Sinik Abem 4:36

Kale Got afan kalin kinim mak win Yosew, am kinim mit be Liwai ade am bakan be wok gung Saibadas. Kale weng dew kámin kinim ika win takudaw Bánabas, akbiw. Kale win Bánabas kalbiw, umi mit be, ‘weng im kitid sánin kinim.’ Kalbiw.

Sinik Abem 9:31

Kale ika dabadáliw una nade beta adikum Got wanang kinim gu Yuddia kayak so Galili kayak so Samediya kayak so iyo ken abin teiniw, watawo kaleyo bá, kinim mak tad im mafak dákamongin banim keidiw, Kamok akfak tem unemin kukuw uyo abodiwo, kayo Sinik Abem madák im kitid moda kinim wanang seng iyo maek iso wolfewiw wanang kinim gu dukum keisiw.

Udom 12:8

Alo kinim mak ken wanang kinim madik im kitid sánalo, akeisa kaí, aka alam be kanamak. Alo kinim mak ken min gelemalo, akeisa kaí, aka alam min ki gelemak. Alo kinim mak ken gebom keidalo, akeisa kaí, wanang kinim iyo adikum aket kuyam im kin modak. Alo kinim mak kaba ken aket budunin kinim keidalo, akeisa kaí, aka bo kalfal bom kanamak.

Udom 14:19

Kayo nuka yaknodin kukuw uta abino kalin kidel kale faku bom naduwo akanum dakodawa dakodawayumo.

Udom 15:2

Nuka yak nulum nikil fikal imi luk dudu aket kalfalin kukáyam buduwo, ikil ilim aket afan kalin uyo matam kitiduk kala.

1 Kodin 10:23

Wanang kinim madik ika bako nadiw, “sák ufek ufek bo ken luk bala kanamoduwo,” kalanábiw, kata ufek ufek adikum bo kilim dakoyamomu banim ade madik imi dakoyamomu banim ko.

1 Kodin 14:12

Kaleyo be ulutaw kiliwso ka. Kiba atin aket wananyam bada Sinik ami min gelemin mak kudulumo, kalbiw. Kale yak kalakal Got wanang kinim gu ifo imadew matam dádaw dukumámin umi kitidim uta umi tuw sun kuw kanamin kala.

1 Kodin 14:17

Kale kalami ken keiyo, kalbaw bude kidelok, kata yak kinim wanang madik iyo atin dakoyamoma banim.

1 Kodin 14:26

Nalam nikil fikal nami kanam kalbi ami mit ayo ki Got win dafádawumo, kale gei dukanbiw kawák ayo ki, kinim mak aka fuw wemokaba, mak atane kukumokaba, kinim mak aka Got ami aket fukanba uyo kidela misuna kuw kaím dákamokaba, mak atane weng kukum bakan bada ayo kinim kukum ata tabe weng be kusiki kanam kalbano, kalanokaba. Adikum buyo ki kana bom naduno Got wanang kinim gei dubidiw iyo dakoyamokabu kala.

1 Kodin 14:31

Adikum kibayo ki, Got lum senin weng mak asik bakoda bakoda bom nadiwo adikum iyo kal kei bom im kitid dákanin kala.

1 Kodin 8:1

Kamane naka ibakamin got ufek ufek wane ilkádawin sung beta bakoyamono kali. Kale nulum kal adikum nuka kal keimin so ki buduw. Kale kal keimin be kanoyama matam nulum tok bakamaluw, kata aket kudawa kudawain ukal im kitid moyábu.

2 Kodin 1:4

Ade yaknámin atan kal nuka idum kudokabuw, aka ilil dudáyaba, kayo nuka ken yak madik imi idum kuduliw uyo nuka ken ilil dudáyamokabuw. Kale be Got alam ilil dudáyam kámin kuyamsa tuw nuka ken ilil dudáyamokabuw.

2 Kodin 2:7

Kata kamane kiba atin ken ami ban keiba uyo lukuwá kudálaw nadiwe kidela dau aket baluta kudawiwo, am fatom dukum tabu, Got afan kalin uyo kudálongin dakodak kala.

Efesis 4:29

Weng mak bakodono kalaw namti, kuok weng so bakanin bá, weng abál ki bakan badawo, kam weng abál bakanbaw uta tabe kam weng kidibidiw iyo dakoyamokabu ko.

Efesis 6:22

Naka aka dabadáyami tadba, be watawo kaleyo bá, aka adikum nulum kadák teinbuduw sung uyo bakoyam nadane kimi im kitid modako kaleyo dabadáli tadba ko.

Kalose 4:8

Aka dabadáluw tadokaba ami mit ayo ki kanoduwo, kiba adikum numi kanabuw sung uyo bakoyama kidi nadiwo ayo asawil kalfalokabiw kala kale naduwo kayo ko.

1 Tesalonaikka 2:11

Kale bo kibilim kal, num kinim makuw makuw kimi imkinkinin uyo kinim alaw alam muduw imkinkinyamin taw keiyam bom

1 Tesalonaikka 2:3

Kale num aket kidelyama bada weng kidel belami bakayabuw uyo kidilin kala. Kale be ibakamin weng mit uta bá ade weng belata kasen kei faltiya bom ibakayamumo, kaleyo bá.

1 Tesalonaikka 3:2

Timoti dabadáluw tadaba be aka nuluso Got wok fakanla bom Kadais Yesus ami sung kidel bakamin kinim ata dabadáluw tada. Kale nuka dabadáyamuw tad kim Yesus afan kalin uta im kitid dá dakoyamano,

1 Tesalonaikka 4:1

Kale nikil fikal kiba, weng adik adik bela utamin kala. Kiba num dim kal kibilim kana bom bidiw Got keno, yakin uyo kal keisidiw kayo dam ude kal faku bom bidiw kala. Kale kamane nuka Kamok alam win dim atin makso munya bom eiyamsuduw atin makso kanamin kala. Yakbuw.

1 Tesalonaikka 4:18

Kale beta nuka weng belami tuw aket daw kitid moda moda bom naduwo kala kaleyo ko.

2 Tesalonaikka 3:12

Kale nuka Kamok Yesus Kadais win tudow dim kinim wanang bidi sawa kitid bakoyam, “yak wanang kinim adikum bidi imi imako dekoin bo kudá dakbu tein nadiwe ika ilimi uyo kitid fakadá ilim ufek ufek lung dudu bom nadiwo ken biyámino.” Yakuw ko.

1 Timoti 1:4

watung sung mafak bakamin so ilim awadik kasal win fakan bi kutisiw so uyo kudá audin kala. Watawo kaleyo bá, kanodin kukuw belayo ki wengal fukanin leiw ade kanodin kukuw be Got ami wok fakudawámin leiw bá, kata afan Got ami wok fakudawámin leiw be afan kalin dim wok fakudawámin uta ko.

1 Timoti 4:13

Kaba kalam kano kitid kuw tabe bom wanang kinim gu tem kadákal Got weng ki baka bom kukuya bom keim sadawo sin naka tadon kala.

1 Timoti 6:2

Kale sok gei tabamin kinim taw imi tabalasew ayo Got aket kudawsa kinim namti, ika bako, nulum muksidon buyo kale am wok iyo balut balutin bá, afan ika aket fukan dá, au aka Got aket kudawsa kinim kale bako, naka aket kudawsi, kale naka am wok uyo kidela fakudaw bidino ufek ufek kidel uyo maek tade muk. Kale wok kidel ki fakámin kala.

2 Timoti 4:2

Got weng uyo bakanal kala. Kale kaba Got weng bakanin uyo sun kuw fasko bom nadawe wanang kinim bakoyam beta kanamino, yak bom nadawe mafak keibiw uyo weng bakaya bom im kitid sánal kala. Kale kaba be atin dakbuyámin dukum so atin kalam kukumin leiw kidela aboyámin so tuw kanamal kala.

Taitas 1:9

ade aka afan weng uyo nulum kukuyamse taw kitid kuw tabe fakusa kinim ka. Kale waluliwo aka ken afan kalin kinim madik iyo tudon leiw kuw kukuya bom nadane weng kitid weng kuw tatun weng kuásusulin kinim bidi bakoyam, kiba mafak keibiwo, yakanak kala.

Taitas 2:15

Kale kaba weng adikum bakokami bela kukuyamal kala. Kabalawta kitid kudu kinim wanang kin mo bom im kitid sán bom nadawe mafak keimin báyo kale weng kitid kuw bakaya bom kei badawo wanang kinim iyo weng ken kuw dudew tabin kala. Kaba ika imadábadaw ita tabe anik anik kámin bá ko.

Taitas 2:6

Kale alataw be ki, kaba kinim mát iyo im kitid sánawo ilim kukuw uyo adomam bom nadiwo kala.

Taitas 2:9

Kale kaba yak sok gei tabamin kinim taw iyo kukuyamawo, ilimi tabalasew weng uyo ilim aket so fain kale kidiyam bom nadiwade kalfalin dawkáyam bom nadiwo kala. Ika ilimi tabalasew iyo weng atung fakadu bakayamin bá,

Ibidu 10:25

Kale Got wanang kinim gu numi tada tada bom dakodawa dakodawain kukuw uyo yak wanang kinim madik imi kanamongin banim itaw keimin bá, kata nikil nuka akanum daw kitid moda modain kukuw uyo kidela tamso tamso faku suduwo kala, kale kilim kal Yesus ami tademin am afung am uyo mew tadbu kala.

Ibidu 13:22

Kale nalam nakanum kasal kiba nam sauk kon mewtanong bela im kitid sánin weng goduyami uyo kidela dakbu utamin kala.

Ibidu 3:13

Amsino kanam matam bokabu bo num kal banim. Kale kamane tein bidiw ki, kiba kawkinum kasal afan kalin iyo daw kitid modawa modawa bom nadiwo sun kuw afan kal bom nadiwo kala masi kanamiwe, ban keimin uyo tad aket wakwayamu ken kukuw kanabuwo, kale nadiwe yak Got mit tem unemin leiw uyo kudáloliw kala.

1 Bita 5:12

Kale nuka sauk kon mewtanong bela Sailas Got afan kalin dudew tabesa kinim, duw ata dakonamano, sauk kon be goduyami. Kale naka weng kitid ade num sauk kon weng adikum bakoyami be kin walamin, kale Got alam min dakáyamin bemi luk uta kidela yakik fakudino, kale goduyami kala.

Yut 1:20

Kata nalam duw ifin kiba, ulum kano Got kilim afan kalin kuyamase uyo ife bidiw tam so tam so dukuman buduno kala. Kale kiba Sinik Abem alam kitid dim suksuk bom nadiwe