1 Kodin 13:2 - Got Weng Abem

² Nakal kitid faku nadi lum weng bakan bom yanol kanam tadokabuno kal bom nadine naka Got ami ufek ufek wánin adikum bo nalam kal kei nadile naka kal keimin adikum kudu nadine nami afan kalin uyo dukum ken mew amgu be eidawomi, kata naka ulum kano kinim wanang aket mak dauyamongin banim keibi kaí, naka mada win banim bo.

Got weng abem: Alokso abino kalin

² Nakal kitid faku nadi lum weng bakan bom yanol kanam tadokabuno kal bom nadine naka Got ami ufek ufek wánin adikum bo nalam kal kei nadile naka kal keimin adikum kudu nadine nami afan kalin uyo dukum ken mew amgu be eidawomi, kata naka ulum kano kinim wanang aket mak dauyamongin banim keibi kaí, naka mada win banim bo.

1 Kodin 13:2 Iomraidhean Croise

Matiyu 13:11

aka bakoyam, “Got kasák gu tem kal iwál leiw kal keimin bude kiba kuyamse, kata madik ika kukuyamongin banim.

Matiyu 17:20

aka weng atung fakadu bakoyam, “watawo kaleyo bá, kim aket Got afan kalin uyo katiw, kayo naka atin afan dam weng bakayamon, kimi aket Got afan kalin uyo mew mada yet luw kalbiw alataw nam, bude kiba amgu bela bakomam, kadák bo kudá yak kaek unalo! Wakiw, afan kudá yak kaek abomu ade yaknámin mak kiba ken kanodoliw bá uyo ken kanamodiw ka.

Matiyu 21:19

kalomo as yet mak leiw kal todbe ka. Kale nadale tam somo gim mak abudongin banim kon kuw dudewsu ka. Kale nadale aka as be bakodaw, “atin gim so asiki abudolaw banim kate!” Kale kei badale as ayo wabising gutane,

Matiyu 21:21

Yesus weng bakoyam, “naka atin afan dam weng bakayamon, á bede kiba kim aket afano kalin uyo aket alew fukanongin banim atin aket makuw kei afan kalokabiw namti, kibil ken nam kano as yet bakodawi kanoda taw keimodiw. Kale kiba ken amgu bakomam, ‘unalo, matam be yak yol wok kumun tem unalo!’ Akiw. Ken kanodoma ka.” Yakeisa.

Sinik Abem 13:1

Kale Antiák abiw Got wanang kinim gu tem bidiw be kukumin kinim so lum senin kinim so im win be, Bánabas, Saimon am win mak Naika akbiw, Lusiyas Saidin kayak, Menaim, aka gawman kinim mak am win Edot aso makuw ifosidiw kinim ade mak be Saul so ita ko.

Udom 11:25

Nam aket kiba weng tatun umi iwál bu umi dam uyo kidela kal keidin kala, masi kim aket ufek ufek adikum umi mit uyo adik kal keisuwo kale yonin bá. Kale Isadael kayak ika Got alata kanoyama yonusiw. Kata alo Got alam kal Mifiw kinim utaw kal ita maek alam mit tem tadokabiw, kale kal keisa iyo maek tadokabiw, alo yonusiw iliso maek Got mit tem tadokabiw.

Udom 15:14

Nalam nikil fikal, naka atin nalam kal, kiba kukuw kidel ta bom weina imusu ade kal keimin uyo adik kikiw wakadá imudune, atin ken akanum aket kukudawa kukudawayongin kinim wanang keisiw.

Udom 16:25

Nuka Got win lamlam so uyo kufámum kala. Kale Got ata kuw nam wanang kinim sung kidel bakayabi tuw kilim afan kalin uyo im kitid modokaba ade Yesus ami sung tuw im kitid modokaba. Kale Kadais ami sung be suwayo kal wána kudew tadabi kadák dida, kata kamane lum senin kinim imi weng godusiw dim misunase ade Got Motabid alata bakoyam, “yak anang bakan adikum uyo sung bakayamiw, adik ken afan kale kidilino.” Yakeise.

1 Kodin 11:4

Kale kinim adikum kan ita gebom aki kudá, kalám gu kadákal, Got ami lum baka bom Got suksukla bom keibiw kaí, ika ilim gebom Yesus ayo win kufádawongin banim keibiw ko.

1 Kodin 12:28

Kale Got alam wanang kinim gu im iwyak tem kawák be weng dew kámin kinim isik walu imu nadane im falew be lum abem senin kinim walu imu nadane alo im falew be kukumin kinim walu imu nadane beta Got aka mudi mudín kukuw kanamin kinim so kinim támin kinim so walu imu nadane wanang kinim dakáyamin kinim walu imu nadane yak madik ika ken gebom keimin walu imu nadane yak madik ika ken weng kukum kukum bakanino, kale walu imu ausa ko.

1 Kodin 13:1

Naka weng bakanokabi uyo ken mew adikum kinim mit kukum kukum imi weng bo bakanomi ade ensel imi weng bo naka ken bakanomi, kata naka madik iyo aket mak kuyamongin banim, dakobi namti, naka mada weng mit banim ket tem kiluk dukum daudin taw keibi bo.

1 Kodin 13:3

Naka nalam ufek ufek fakubi uyo win banim kukáya bom nadine sung kidel weng bakan kábidi umi guew dudu um kalaná mak nam dam uyo kuek as teidiw kain kidálokabu, kata naka ulum kano kinim wanang madik aket kuyamongin banim dakobi namti, naka kukuw kidel mak fakudongin dakosi ka.

1 Kodin 13:8

Aket kudawa kudawain uta sun sun bokabu, kata am mak danokaba kawák lum senin weng bakanin be banimokabu, weng kukum kukum bakanin be banimokabu, nulum kal keimin uyo banimokabu,

1 Kodin 14:29

Kinim alewo, alewbino isik Got lum senin weng bakanbiw kaí, madik kidibiw ita tabe imi weng be taktakin ko.

1 Kodin 14:39

Kaleyo nalam nikil fikal, kidela Got lum senin weng bakanin umi aket ki kidela aket wakti bom nadiwo kala, kata wanang kinim weng kukum bakanbiw iyo abem kutiyamin bá.

1 Kodin 14:4

Kaleyo kinim weng kukum bakanokaba, be aka alami luk kuw kanaba. Kata kinim kan ata lum senin weng bakanba, be aka Got kinim wanang gu adikum imi luk kanaba.

1 Kodin 15:51

Kata kidilin naka iwál weng mak bakoyamon adikum nuka fikalokabuw bá, kata nuka adikum kukum keidokabuw ko.

1 Kodin 16:22

Sák kinim mak Kamok aket daudawongin banim keibe namti, dabadáliw atin gán abudak kala. Au Kamok tadal!

1 Kodin 4:1

Kale kiba aket fukan dádomo, nuka Kadais ami wok fakudin kinim ka, yak bom nadiwe nuta Got ayo aket kuyam alam iwál weng uyo kin modino, kale walu imuse ka, kalongino kala.

1 Kodin 7:19

Kale kamane kadák ayo ki kál wakelin ban bosiwo, bodongin banim beta atin babid bá, kata Got alam kanamino yak bada kidimin ata ki atin babid kala.

1 Kodin 8:4

Kaleyo naka kinim wanang imi ibakamin got wane ilkádawiw umi imin wanin umi sung uta bakoyamono, kali ko. Nuka iniman ibakanin got wane ilkádabiw be ken wanoduwe? Adikum nuka nulum kal nuka ibakanin got ami kitid akfak tem buduw bá, atin afan Got be makuw ata kuw kala.

2 Kodin 12:11

Naka bo weng mit banim bakanin kinim weng taw bakanbi. Kata be kibiliwta tabe kanana bidiwo nakade kanamubi, kiliwta tabe nami tok uyo bakanongino ka. Watawo kaleyo bá, naka win banim, kata yak kilim weng dew kámin kinim nuta dukum dukumo, kalbiw ika naka akanamsiw bá.

Galesia 5:16

Nam bemi sung bakan bi uyo ki bela Sinik Abem ami kano kanamino, yakei bakanyaba, ata kidilawokabiw kai, beta kibilim dil aket mafak tetin kanamalo, kalbu uyo kanamodiw banim keidokabiw.

Galesia 5:22

Sinik Abem ami kukuw kukayaba ade bidi kalata ko, aket kudawa kudawain, aket idak teinámin, aket dakbuyámin, awkinum daw kidel bada daw kidel bada keimin, kukuw kidel kuw kanamin,

Galesia 6:3

Kinim mak am aket bako nada naka win sono kalba, kata bá namti, aka win banim. Kale akal alam mada ibakan bom afano kalba bo.

Efesis 3:4

Kiba nam sauk kon goduyami bela kímokabiw, beta kibil nami Kadais iwál kal keimin kukunamase uyo kibil ken kal keidokabiw ko.

Efesis 6:19

Nakal nalaso Got dákadála bidiwo, aka dakonama alam weng kuw kunam badano, naka atud fakadá nadi madik iyo sung kidel wánin uyo bakaya bom nadile mit dákafiya bom ami num kail bá takeikuyamámin be Mifiw ilimi so keisuno, yakanon kala.

Kalose 1:26

Got aka alam weng wánin bela suwayo wanang kinim biyábisiw imi dim be kuwáyamsa. Kata kamane aka alam wanang kinim kuw misun teiyaba.

1 Timoti 3:16

Kale yak kinim wanang madik ika Got num aket tem be ayo ika kidela atin kal keidoliw banim. Kale aka kinim misun dam so misuna nadale Sinik Abem ata tabe daw misun tei afan kukuyamase ade ensel ita tabe atamsidiw, ade ami weng uyo mew bakan kuw tabodu iyo sung bakayamsiw ade bakan dim kasel ika afan akei aket kudawiwe, Got ayo dew tam nadale win dukum kuw kufodawse ko.

1 Yon 4:8

Kata kan ita aket kudawa kudawongin banim, ika Got im kal banim. Kale be watawo kaleyo bá, aket kudawa kudawain be Got alata kayo ko.