Hipuru 7:8 - Kotimo Kawe Someaka Masane Oyapo

⁸ Arirakano Rífai aporo iramo makata kaeyakoane ipu namina morapo. Aporo kura ayiáka Rífai aporo ira ane i kurapo. Arirakano Mekéseremo makata kaeyakoane moraka e yaiya rekenapo. Arirakano Mekésereane Kotimo sawia poparaka, “E yaiya rerapo,” aíyaka popahoareapo.

Hipuru 7:8 Iomraidhean Croise

Yone 14:19

Arirakano maiya wakasema nina kakimakanafonona aporo hinamoamo ano efera hunia aseakosafapo. Arirakano repo anoane aseakosapo. Ano yaiya rekeakosasamo, re soko yaiya risikiakosapo.

Yone 14:6

Airakano Yasumo someraka, “Ikia karane anopo. Kakaro somerane anopo. Yaiya rera kepoane soko anopo. Re Ata rea hauaka hiakosane ano koaraka hiakosafapo. Anoaki himu hakásaraka risiane hiakosapo.

Hipuru 3:16

Kotimo someane kaikia koaretaesa aporoane epare? Mosesemo aporo karikia Iyipi hauaka metakarikia karikia pusua aporoane koaretaesa aporopo.

Hipuru 5:6

Arirakano epo some meta soko someraka, “Maiya suamo né pirisiti aporo rekeakosapo. Mekésere pirisiti apororaka rea ayiáka, né soko hakása nineraka yaiya rekeakosapo.” Aíyaka somerakano Kotimo sawia popahoareapo. (Buk Song 110:4)

Hipuru 6:20

Arirakano hepene apea Yasu isupoko farimaka fana hikia, Koti rea á rekenapo. Mekésere pirisiti aporo fanaraka rea ayiáka, maiya suamo Yasu ipi pirisiti aporo fanaraka rakiraka rerapo.

Hipuru 7:23

Arirakano fana pirisiti aporo yakai risiapo. I meta kurakano, kusuakipoko pirisiti apororaka makata rakirane yaiya rakisiafapo.

Hipuru 7:7

Makotena someane kará aporoane kárapo. Makotena someane mará aporoane wakasemapo. Makata ainane isiapo hemakapurakanapo.

Hipuru 7:9

Arirakano Rífai aporo ira pirisiti apororaka risiane Eparahamemo aporo wainesa ayareapo. Rífai aporo ira wainasiraka Eparahamemo, Mekésereaki makata kaeyakoane kayereapo. Eparahamemo Mekéreseaki makata kaeyako kasane, keseke epo hokosa wainenaka Rífai faserepesareapo. Eparahamemo makata kaeyako kasa ayiáka, Rífaimo soko ayiáka kayereapo. Arirakano Rífai aporo ira pirisiti apororaka risiane aporo metakiramo karakano, ipu kaeyakoane morapo. Asiamo pirisiti aporomo makata kaeyakoane mora aporoamo, ayiáka Mekésereaki, makata kaeyakoane kayereapo. Asiamo Mekéseremo Rífaiane marokehoareapo. Marokeraka ipi yano motosane namo kakaro kárapo.

Hipuru 9:27

Arirakano makata faserepeakosane Kotimo murikimaka maresane oyapo. Aporomano yape hakása kurapo. Aporomanoane kurakano keseke Kotimo takekea hukurukua parakuhokosapo.

Some Faremaresa Tarisia 1:18

Yaiya rerane soko anopo. Ano kusuane maturikia taesasamo yaiya rekeakosapo. Aporo kuramo ikia karane soko, hétisi hauakane soko ikia koro kiane nōmo maka rekenapo.