Hipuru 7:13 - Kotimo Kawe Someaka Masane Oyapo

^13-14 Asiamo isiapo Unihae Yasuane somerakanapo. E pirisiti apororaka reane Rífai aporo irane wainepe pesafapo. E Yuta aporo ira wainepe pesapo. Rífai aporo ira pirisiti aporomo saro sipi rukua, eke kima taeraka paira ayiáka, Yuta aporomo ayiáka pairafapo. “Yuta aporo iramo pirisiti apororaka rakiakosapo,” aíyaka Mosesemo somehoafareapo.

Hipuru 7:13 Iomraidhean Croise

Hipuru 7:11

Kotimo somemane Moseseaki kasá maiya amo, Rífai aporo ira hákasamo pirisiti aporomo rakirane rakisiareapo. Rífai aporomo pirisiti apororaka rakiraka risike, aporomo makata watikiaka rakisiane himumo hemakapusuane kakaro kososa satiki, pirisiti aporo meta haku faserepeafunufapo. Kakaro kosohoanafonosekeno, pirisiti aporo meta haku faserepesapo. Aporo meta haku faserepesane Erone aporo ira pirisiti aporoane hakása yiyafapo. Mekésere pirisiti apororaka area ayiáka, pirisiti aporo meta haku faserepesane soko hakása ninesapo.

Hipuru 7:12

Arirakano Rífai aporo ira pirisiti apororaka risiane Kotimo sanasiraka, pirisiti aporo meta haku faserepesa maiya amo, Kotimo pirisiti aporomo rakisimo, somemane motosane soko sanasisapo.