Hipuru 11:5 - Kotimo Kawe Someaka Masane Oyapo

⁵ Arirakano Inokemo Kotiaki himu hakásaraka hemakapukua reasasamo e kusuafapo. Kotimo e karikia hisiapo. Karikia hisiakipoko aporomo e kope pusuapo. Kope pusuane asesafapo. E karikia hiasiraka reamo, “Kotimo eane sesesapo,” aíyaka Kotimo sawia popahoareapo. (Stat 5:24)

Hipuru 11:5 Iomraidhean Croise

Ruki 3:37

Remekeane Metuseramo hokosapo. Metuserane Inokemo hokosapo. Inokeane Yaretemo hokosapo. Yareteane Maharariomo hokosapo. Mahararioane Kenanemo hokosapo.

1 Tesaronaeka 2:4

Asiamo Kotimo ipi some kotesane isiapo some kakasimo, Kotimo ipi isu aseane isiapo koteaka rakirakano asekea, epo isu murikimasapo. Murikimasasamo ipi some kotesane isiapo some karakanapo. Aporomanomo sesehoasimo some karafapo. Kotimo sesehoasimo some karapo. Epo isiapo himumo hemakapusuane aserapo. Asiamo epo sesehoasimo isiapo some karapo.

Hipuru 11:6

Asiamo repo Kotiaki himu hakásaraka hemakapunafonorakano Kotimo sesenafapo. Re Koti rea makeraka peraka úyaka hemakapunie. “Kotiane kakaro rekenapo. Eaki kurikurirakano, epo kairaka ano makotehokosapo.” Aíyaka Kotiaki himu hakásaraka hemakapukua kurikurihoanie.

Hipuru 2:9

Aporomanomo makata su asekea risikianafonorakano yia, isiapo Yasuane unihaeaka asekea rekeno aserakanapo. Asiane Kotimo hemakapukua ararerakano, Yasuane aporo hinamo supoko farimaka kukusakipoko hauaka wo pesapo. Yasu pesane maiya wakasemamo hepene aporomo yano motosane káraraka risikino, Yasumo ipi yano motosane mawakasemaraka reapo. Mawakasemaraka reke, eane Kotimo ararerakano Yasumo himu nekea, umisa maka kusuasamo Kotimo e makáraraka, eaki faesane soko kasapo.

1 Yone 3:22

Kotimo somemaneane nómo kakimaka rakikia, arirakano epo hemakapusuane kekemaraka rakikia, ayiáka rakiraka reke, eaki kurikuriraka, “Ayiakanie,” airakano epo ayiakakosapo. “Makanie,” airakano, epo sia makakosapo.

Yuti 1:14

Arirakano Kotiaki hemakapunafonona aporoaki Kotimo makata ayiakakosane, i faserepeasiraka, wate fana Inokemo somehoareapo. Atamemo hokosa amo hokosa amo hokosa ayiáka wainepe pukua yatipinuane Inokepo. Epo someraka, “Unihae, hepene aporo tene taoseneyaki (10,000)