Nehemia 8:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Esi Israel-viwo le woƒe duwo me, eye dzinu adrelia do la, dukɔ blibo la ƒo ƒu sɔsɔe ɖe dogba dzi de tsigbo la nu; eye wogblɔ na agbalẽfiala Ezra bena, wòatsɔ Mose ƒe se, si Yehowa de na Israel la ƒe agbalẽ va.

Agbenya La

¹ wo katã wova ƒo ƒu ɖe ablɔ si dze ŋgɔ Tsigbo la me. Wogblɔ na agbalẽfiala Ezra be wòatsɔ Mose ƒe Segbalẽ, si Yehowa tsɔ na Israelviwo la vɛ.

Nehemia 8:1 Iomraidhean Croise

2 Fiawo 23:2

Eye fia la yi Yehowa ƒe aƒe la me, eye Yuda-ŋutsuwo katã kple Yerusalemtɔwo katã, nunɔlawo kple nyagblɔɖilawo kpakple dukɔ blibo la, ɖeviwo kple tsitsiawo siaa kpe ɖe eŋu, eye wòxlẽ nubabla ƒe agbalẽ, si wofɔ le Yehowa ƒe me la me nyawo katã ɖe woƒe towo me.

2 Kronika 34:15

Tete Xilkiya xɔ edzi gblɔ na agbalẽŋlɔla Safan bena: Metɔ segbalẽ la le Yehowa-ƒe me! Eye Xilkiya tsɔ agbalẽ la na Safan.

2 Kronika 34:30

Eye fia la, Yuda-ŋutsuwo katã kple Yerusalemtɔwo, nunɔlawo kple Lewi-viwo kpakple dukɔ blibo la, tsitsiwo kple ɖeviwo siaa, woyi Yehowa ƒe aƒe la me, eye woxlẽ nubabla ƒe agbalẽ, si wofɔ le Yehowa-ƒe me la me nyawo katã ɖe woƒe towo me.

Ezra ƒe Agbalẽ 7:1

Le nya siawo megbe, esime Persia-fia Artaxsasta le fia ɖum la, Ezra ho va; enye Seraya vi, amesi nye Azarya vi, amesi nye Xilkiya vi,

Ezra ƒe Agbalẽ 7:10

Elabena Ezra tsɔ eƒe dzi ɖo Yehowa ƒe se la me dzodzro ŋu, ne wòawɔ edzi, eye wòafia ɖoɖowo kple kɔnuwo le Israel.

Ezra ƒe Agbalẽ 7:11

Agbalẽ, si na Artaxsasta tsɔ na nunɔla Ezra, amesi nye agbalẽfiala kple Yehowa ƒe se la ƒe nyawo kpakple eƒe ɖoɖowo na Israel ƒe nufiala la me nya enye si.

Ezra ƒe Agbalẽ 7:6

Ezra sia ho tso Babel va, enye agbalẽfiala, eye wòbi ɖe Mose ƒe se, si Yehowa, Israel ƒe Mawu, de la me. Fia la na nusiwo kalã wòbia lae, elabena Yehowa, eƒe Mawu ƒe asi le edzi.

Nehemia 12:26

Amesiawo nɔ agbe le Yoyakim, Yesua vi, amesi nye Yozadak vi ŋɔli kple anyigba dzikpɔla Nexemya kpakple nunɔla Ezra, amesi nye agbalẽfiala la ŋɔli.

Nehemia 12:37

Woɖo ta vudogbo la gbɔ, eye wole ŋgɔmɔ tẽ heto atrakpuiawo dzi va Dawid ƒe du la gbɔ; wolia gli la to Dawid ƒe xɔ gbɔ vaseɖe tsigbo la gbɔ le ɣe dzeƒe gome.

Nehemia 3:26

Gbedoxɔ me dɔwɔlawo nɔ Ofel dzi vaseɖe tsigbo, si le ɣedzeƒe gome, kple xɔ tsrala, si do gɔ̃ la kasa.

Nehemia 8:16

Tete dukɔ la yi ɖatsɔ wo, eye amesiame wɔ, agbadɔ de eƒe xɔta, woƒe xɔxɔnuwo, mawuƒe la ƒe xɔxɔnuwo kple tsigbo la ƒe ablɔ me kpakple Efrayim-gbo la ƒe ahiɔ me.

Nehemia 8:3

Eye wòxlẽe le dogba dzi le tsigbo la nu le ŋutsuwo kple nyɔnuwo kpakple amesiwo ate ŋu ase egɔme la ŋku me tso ŋdi kanya, vaseɖe esime ɣe ɖo ta, eye dukɔ blibo la ƒe to le te ɖe segbalẽ la ŋu.

Yesaya 8:20

Mitrɔ ɖe nufiame kple ɖaseɖiɖi la ŋu! Ne womegblɔ alea o la, ekema agu medze na wo o.

3 Mose 9:5

Tete wotsɔ nusiwo Mose bia la, va Mawu ƒe agbadɔ la nu, eye ameha blibo la ƒo ƒu hetsi tre ɖe Yehowa ƒe ŋku me.

Mateo 13:52

Eye wògblɔ na wo bena: Eyakeŋuti agbalẽfiala sia agbalẽfiala, si wowɔ nusrɔ̃lae na dziƒofiaɖuƒe la la, eɖi aƒetɔ, si ɖea nu yeyewo kple nu xoxowo ɖe go tsoa eƒe nudzraɖoƒe la me.

Mateo 23:13

Ke baba na mi, agbalẽfialawo kple farisitɔwo, alakpatɔwo, bena mietua dziƒofiaɖuƒe la ɖe amewo nu; elabena mia ŋutɔwo mieyina ɖe eme o, eye amesiwo le yiyim ɖe eme hã la, mieɖea mɔ na wo be, woayi o.

Mateo 23:2

Agbalẽfialawo kple farisitɔwo bɔbɔ nɔ Mose ƒe zikpui dzi;

Mateo 23:34

Eyaŋuti kpɔ ɖa, mele nyagblɔɖilawo, nunyalawo kple agbalẽfialawo dɔm ɖe mia gbɔ; miawu wo dometɔa ɖewo, eye miahe wo ɖe ati ŋuti, miaƒo wo dometɔa ɖewo kple atam le miaƒe ƒuƒoƒewo, eye miati wo yome tso du me yi du me,

5 Mose 31:11

ne Israel blibo la va, be wòado ɖe Yehowa, wò Mawu ŋku me le teƒe, si wòatia la, ekema naxlẽ se sia ɖe Israel blibo la ƒe to me.

Ɖelawo 20:1

Tete Israel-viwo katã ho, eye ameha la kpe ta abe ame ɖeka ene tso Dan vaseɖe Beerseba kple Gilead-nyigba dzi ɖe Yehowa gbɔ le Mizpa.

Ɖelawo 20:8

Tete dukɔ blibo la xɔ edzi nu ɖekɛ gblɔ bena: Mía dome amea ɖeke mayi eƒe agbadɔ me o, eye amea ɖeke mayi eƒe xɔ nu o;