Ester 7:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ Eye wohe Haman ɖe ati, si wotu ɖe Mardoxai ŋu la ŋuti Azɔ fia ƒe dziku la nu fa.

Agbenya La

¹⁰ Ale wode ka ve nɛ ɖe kadeveti si wòtu na Mordekai la ŋu, eye fia la ƒe dziku nu fa.

Ester 7:10 Iomraidhean Croise

1 Mose 40:22

Ke ena wohe aboloƒolawo ƒe amegã ya ɖe ati ŋu, abe alesi Yosef ɖe egɔme na wo ene.

Ester 2:1

Le nya siawo megbe, esi fia Axasweros ƒe dziku nu fa la, eɖo ŋku Wasti kple nusi wòwɔ kpakple tame, si wòɖo ɖe eŋu la dzi.

Ester 5:14

Tete srɔ̃ Zeres kple xɔlɔ̃wo katã gblɔ nɛ bena Na, woatu ati wòakɔ abɔklugui blaatɔ̃, eye etsɔ la nagblɔe na fia la, ne woahe Mardoxai ɖe eŋu; emegbe nayi kplɔ̃ ŋu kple dzidzɔ kpakple fia la! Eye nya la dze. Haman ŋu, eye wòna wotu ati la.

Ester 7:7

Ke fia la tsɔ dziku tsi tre le wein la gbɔ heyi fiasã ƒe abɔ me; eye Haman tsi afima, be yeabia eƒe agbe tso fiasrɔ̃ Ester si, elabena ekpɔ be, fia la ɖo dzɔgbevɔ̃e ɖe ye ŋu kplikpaa.

Ester 7:8

Eye esi fia la trɔ tso fiasã ƒe abɔ me va xɔ, si me wono, wein le me la, kpɔ ɖa, Haman tsra ɖe kuntrunu, si dzi Ester nɔ anyi ɖo la dzi, fia la gblɔ be: Fiasrɔ̃ hãe wòbe, yealé sesẽ le aƒe me le gbɔnyea? Esi nya sia nya do le fia nu ko la, wotsyɔ nu mo na Haman xoxo.

Ester 8:7

Tete fia Axasweros gblɔ na fiasrɔ̃ Ester kple Yudatɔ Mardoxai bena: Kpɔ ɖa, metsɔ Haman ƒe aƒe na Ester, eye wohe eya ŋutɔ ɖe ati ŋu, le esi wòɖo eƒe asi dzi ɖe Yudatɔwo ŋu la ta.

Ester 9:14

Tete fia la gblɔ be, woawɔ nenema. Wode se le Susa, eye wohe Haman vi ewoawo ɖe ati ŋu

Ester 9:25

Ke esi Ester va fia la ŋku me la, ede se woŋlɔ agbalẽ, be eƒe tame vɔ̃, si wòɖo de Yudatɔwo ŋu la, natrɔ va eya ŋutɔ ƒe ta dzi, eye wohe eya kple viawo de ati ŋu.

Hiob ƒe Agbalẽ 18:8

Elabena wonyãnɛ wòtsɔa eƒe afɔ dea ɖɔ me, eye wòzɔa mɔ̃ka dzi.

Hiob ƒe Agbalẽ 20:8

Enu ayi abe drɔ̃ekuku ene, eye womagakpɔe o, eye wòabu abe zã me ŋutega ene.

Psalmowo 37:15

Ke woƒe yi aƒo ɖe woawo ŋutɔ ƒe dzi, eye woƒe da aŋe.

Psalmowo 7:16

Eɖe ʋe, eye wòwlu eme, ke ege dze do, si wòɖe la me.

Psalmowo 94:23

Ana woƒe dzɔgbevɔ̃e natrɔ va wo dzi, eye wòatsɔ woawo ŋutɔ ƒe nu vɔ̃ɖi wɔwɔ atsrɔ̃ woe; Yehowa, mía Mawu la, atsrɔ̃ wo.

Lododowo 11:27

Ani esi ti nyuie yome la, eƒe nu adze ame ŋu; ke amesi di vɔ̃ la, ado goe.

Lododowo 11:8

Woɖea ame dzɔdzɔe tsoa hiã me, eye ame vɔ̃ɖi xɔna ɖe eteƒe.

Lododowo 26:27

Amesi ɖe ʋe la, eya ŋutɔ adze eme, eye kpe age adze emlila dzi.

Yeremia 34:17

Eyata ale Yehowa gblɔ esi: Mieɖo tom, be mia dome amesiame naɖe gbe ƒã ablɔɖe na nɔvia kple ehavi o, eyata ale Yehowa gblɔ esi: Maɖe gbe ƒã ablɔɖe na mi hena yi, dɔvɔ̃ kple dɔwuame, eye matsɔ mi awɔ ŋɔdzidonu na anyigba dzi fiaɖuƒewo katã.

Hezekiel 5:13

Eye nye dɔmedzoe abi ade eseƒe ke, nye dziku nu afa ɖe wo ŋu, eye mafa dzi na ɖokuinye, ne wòadze sii be, nye Yehowa ye ƒo nu le nye ŋuʋaʋã me, nenye be, metrɔ nye dziku blibo la ƒo ɖe wo dzi.

Daniel 6:24

Tete fia la kpɔ dzidzɔ ŋutɔ, eye wòɖe se be, woaɖe Daniel le do la me. Eye woɖe Daniel le ɖo la me, ke naneke mewɔe o, elabena eɖo ŋu ɖe eƒe Mawu la ŋu.

Daniel 6:25

Eye fia la ɖe se be, woatsɔ ŋutsu, siwo tso Daniel nu, wo viwo kple wo srɔ̃wo aƒu gbe ɖe dzatawo ƒe do la me; ke womekpɔ ɖo do la gɔme hafi dzatawo tso wo xɔ, eye wogbã woƒe ƒuwo katã o.

Zekaria 6:8

Eye wòyɔm gblɔ nam bena: Kpɔ ɖa, esiwo ho ɖo ta anyiehe-nyigba dzi la, woawoe le nye dɔmedzoe nu fa ge le anyiehe-nyigba dzi.

Ɖelawo 15:7

Eye Simson gblɔ na wo bena: Ne miewɔ alea hã la, mabia hiã mi kokoko hafi adzudzɔ!