Ester 1:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Eye fiasrɔ̃ Wasti hã tu aglo na nyɔnuwo ɖe fiasã, si nye fia Axasweros tɔ la me.

Agbenya La

⁹ Fianyɔnu Vasti hã ɖo kplɔ̃ gã aɖe na nyɔnu siwo nɔ Fia Ahasuerus ƒe fiasã la me ɣe ma ɣi tututu.

Ester 1:9 Iomraidhean Croise

Ezra ƒe Agbalẽ 4:6

Esi Axasweros le fia ɖum la, woŋlɔ agbalẽ tso Yudatɔwo kple Yerusalemtɔwo nu le eƒe fiaɖuɖu ƒe gɔmedzedzea me.

Ester 1:10

Le ŋkeke adreliagbe, esime wein na fia la, ƒe dzi gbɔ ɖe me la, ede se na aƒe dzikpɔla aɖreawo, siwo nye Mehuman, Bizta, Xarbona, Bigta, Abagta, Zetar kple Xarkas, amesiwo subɔna le fia Axasweros ŋku me la be,

Ester 1:8

Wono aha la le ɖoɖo la nu dzizizi manɔme, elabena fia la ɖo na eƒe me amegãwo katã be, amesiame nawɔ, alesi dze eŋu.

Ester 5:4

Ester ɖo ŋu bena: Ne edze fia ŋu la, ekema fia kple Haman neva kplɔ̃, si meɖo nɛ egbe la ŋu.

Ester 5:8

Ne fia la ve nunye, eye ne edze fia la ŋu be, wòana nye nubiabiam, eye wòawɔ nye didi dzi la, ekema, ne fia kple Haman wova kplɔ̃, si magaɖo na wo ŋu la, mawɔ fia ƒe nya la dzi etsɔ.