Daniel 1:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Le Yuda-fia Yoyakim ƒe fiaɖuɖu ƒe ƒe etɔ̃lia me la Babel-fia Nehukadnezar ho ɖe Yerusalem ŋu, eye wòɖe to ɖee.

Agbenya La

¹ Le Yuda fia Yehoyakim ƒe fiaɖuɖu ƒe ƒe etɔ̃lia me la, Babilonia fia Nebukadnezar va Yerusalem, eye wòɖe to ɖee.

Daniel 1:1 Iomraidhean Croise

2 Fiawo 23:36

Yoyakim xɔ ƒe blave vɔ alɔ, esime wòzu fia, eye wòɖu fia ƒe wuiɖekɛ le Yerusalem. Dadaa ŋkɔ nye Zebuda, Pedaya vinyɔnu, tso Ruma.

2 Fiawo 24:13

Eye wòlɔ Yehowa ƒe me kesinɔnuwo katã kple fia ƒe me kesinɔnuwo katã tso afima, eye wògbã sikanu, siwo katã Israel-fia Salomo wɔ ɖe Yehowa ƒe xɔ la me, abe alesi Yehowa gblɔ ene.

Yesaya 39:7

Eye woakplɔ viwòŋutsu, siwo ado tso wò ali me, esiwo dzi ge nata la dometɔa ɖewo woaɖanye nudzikpɔlawo le Babel-fia ƒe me.

Yeremia 25:1

Esia nye gbe, si va na Yeremya ɖe Yuda-dukɔ blibo la ŋu le Yuda-fia Yoyakim, Yosiya vi ƒe ƒe enelia, si nye Babel-fia Nebukadnezar ƒe ƒe gbãtɔ me,

Yeremia 35:1

Yehowa ƒe gbe, si va na Yeremya le Yuda-fia Yoyakim, Yosiya vi ŋɔli la, enye si:

Yeremia 35:11

Ke esi Babel-fia Nebukadnezar ho va anyigba dzi la, miegblɔ bena: Mina míayi Yerusalem le Kaldeatɔwo ƒe aʋakɔ kple Aramtɔwo ƒe aʋakɔ ta; ale mieva le Yerusalem.

Yeremia 36:1

Eye Yehowa ƒe gbe va na Yeremya le Yuda-fia Yoyakim, Yosiya vi ƒe ƒe enelia me bena:

Yeremia 45:1

Nyagblɔɖila Yeremya ƒe nya, si wògblɔ na Barux, Neria vi la, esime wòŋlɔ nya siawo tso Yeremya nu ɖe agbalẽ me le Yuda-fia Yoyakim, Yosiya vi ƒe ƒe enelia me la, enye si:

Yeremia 50:1

Yehowa ƒe nya, si wògblɔ fe Babel kple Kaldea-nyigba ŋu to nyagblɔɖila Yeremya dzi la, enye si.

Yeremia 52:12

Le dzinu atɔ̃lia ƒe ŋkeke ewolia dzi, si nye fia Nebukadnezar, Babel-fia ƒe ƒe wuiasiekelia dzi la, fia ŋu srafowo ƒe amegã Nebuzaradan, amesi nɔa tsitre ɖe Babel-fia ŋku me la, va Yerusalem,

Yeremia 52:28

Amesiwo Nebukadnezar ɖe aboyoe la, wonye si: Le ƒe adrelia me la woɖe aboyo Yudatɔ akpe etɔ kple blave vɔ etɔ̃;

Daniel 5:13

Tete wokplɔ Daniel vɛ na fia la. Eye fia la xɔ edzi gblɔ na Daniel bena: Wòe nye Daniel tso Yuda ƒe aboyovi, siwo fofonye fia kplɔ tso Yuda vɛ la domea?