2 ɛTimɔti 4:3 - ɛWee ne ìTsɛm iHywas

³ Daa ɛli ne nten yaaso nɛ ninyi na sɛ mbaray imɛmɛ ne itin de. Nibhɛ sɛ yang tumɛ nikyɛɛ ne icwam nɛ nibhɛ yaa mɛmɛ nibhɛ nɛ nikɔn na ne itoro ne rangas nibhɛ i sim te iphɛ yaa phok.

2 ɛTimɔti 4:3 Iomraidhean Croise

ɛLuka 20:19

Ninaa ne Kpɛl ɛShara gha gbik nɛ nindiinday niBo na ne yaa tɔk ɛli nɛ nibhɛ sɛɛ shii wum ɛYɛso yegha daa ɛli nɛ nibhɛ kɛ seng wu ɛYɛso gha kɛ bol ibol ne igɔrɔp ɛbhɛ de daa ne ito nibhɛ, nibhɛ ne kyii phok ɛnik ninyi wo.

ɛLuka 6:26

ɛKɔn ne ɛnik nyinɛn no nɛ ninyi na i ton nyini ɛlyilyɛghaa wo, ɛlɛy nɛ nikyɛɛ-nikyɛɛ nibhɛ na kaa mɔn ninabawa ne hal irywɛɛk ka nɛ.”

ɛYohana 8:45

Daa ɛli ne nzi tɔng nyini itin de, iphɛ phɛ kɛ te ɛ sang nang ɛn ne itin nɛ ne me wo.

ɛTomɛ 17:21

Ɛlɛy gbik ninyi ne iTina na nɛ nihak ninyi na nɛ nibhɛ shɛɛ ne iTina de kaa ku i sim tɛ nibhɛ sɛ tenes nibhɛ ta i bol ivol nikɔn niphas zɔng.

1 iKɔrɔntos 2:1

Nigwaa en, ɛli ne nggaa yɛɛs ɛlɔ mon na, sɔng nggaa ne bol ne nyinɛn ndɔ ne yɛɛ ne ivol gbik ne ntsɛntsɛng ɛten ɛsii ɛli ngga tɔng nyini ibol ɛTaanggbey de ne kaa rɛɛ wo nang.

1 iKɔrɔntos 2:4

Sɔng nggaa tɔng ibol iyɛnɛng ngge de ndɔ iwɔrɔp, ne ntsɛntsɛng nang. iVol nge da kaa yang tɔɔrek igbom ne iKabyik ɛTaanggbey,

iGalatiya 4:16

Nggɛ kyi te me ɛhaa ne iphup mon daa ɛli ne nggɛ tɔng nyini itin nɛ wo naa?

1 ɛTimɔti 1:10

Nɛ ninaa ne ra nzangas. Nɛ niras nɛ nibhɛ ra nɛ nilyiyap-ne-kut gbik nɛ nikuk. Nɛ nibhɛ ra nzangas nɛ nikuk. Nɛ ninaa ne yibhɛ ninyi nibhɛ lɛbhɛl. Nɛ ninaa ne wul irywɛɛk. Nɛ ninaa ne naas ishɛɛda ne irywɛɛk, gbik nɛ ninaa ne mɔn nikɔn na nɛ nibhɛ sang so kancɛng ne imɛmɛ ne itin.

2 ɛTimɔti 1:13

Boos imɛmɛ ne itin nɛdee wo ne ɛ kɛ phok ɛlɔ nge gha, te ˆɛ mɛmɛ nɛ ne iphɛ. Shɛɛ ndɔ ne ìnang ne itin gbik ne ishwim ne ifɛ soye ivaa njwɛɛn ndɔ ɛYɛso ɛKiriti gha.

ɛYahuza 1:18

Nibhɛ kaa yaak nyini, “Sɛ́ sɛ nten ɛtsim be kɛ tuu, nidɛng ninaa ne bɛɛs sa sɛ ne wuru nɛ, nibhɛ sɛ roos ihyop ne ibek nibhɛ nɛ ne hame ihywɛ so izee ne roos ɛTaanggbey ye.”