2 ɛTimɔti 4:2 - ɛWee ne ìTsɛm iHywas

² Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

2 ɛTimɔti 4:2 Iomraidhean Croise

ɛLuka 7:23

ɛHaa ɛwɛng ngaa nggyɛy ne ɛ kɛ say ibol nge de, ɛ sang to irway ba.”

ɛLuka 7:4

Nibhɛ ne phɛ ɛlɔ ɛYɛso gha, nibhɛ bhɛ roro ne ɛbhɛ gbom, nibhɛ yaak ɛbhɛ, “ɛNyi yɛghaa wo kɛ hɔn ɛ sɛ phyik ɛbhɛ wo,

ɛLuka 9:60

ɛYɛso gha ne kyii nɛ ɛ yaak ɛbhɛ, “Tek te ikpom ba rɛrɛs ikpom, igyɛ wo ne ɛ cwi ɛbhɛ tɔng ibol ne igbɔm ɛTaanggbey de.”

ɛTomɛ 13:5

Kɛ ne sɛ nibhɛ kɛ bhɛ hɔn iSalamis nibhɛ ne sanga ibol ɛTaanggbey de ndɔ ne idee ne itsɔɔy niYahodawa da. ɛYohana gha ne bok ɛbhɛ ɛMarakus sa kaa sonɛ nibhɛ ɛ phyighis nibhɛ ne ɛtomɛ gha.

ɛTomɛ 16:13

Ne sɛ ɛtuk ne iWɛsɛ niYahodawa na, njwi ne wuru ne izay ɛgarang ngo njwi phɛ ɛnu ne ihywel njwi wɛɛ te njwi yaa bhɛ sɛ ɛlɔ ne roo niYahodawa. Njwi ne bhɛ bol nɛ nikuk ɛnggyɛ wo nɛ nibhɛ kɛɛ tumɛy yɛ.

ɛTomɛ 20:7

Ne sɛ irwirywɛ ɛtuk ne idaan nɛ ndɔ ne isaati de, njwit ninaa ne roos sa kaa ne so ɛlɔ ɛdaan njwi yaa re ire ɛDaray de. ɛBulus sa ne bol nɛ ninaa ne roos sa ihwɛlɛ wuru daa ɛli ne ɛ sim ɛ sɛ cwiil ihwɛlɛ yɛ ɛ hyel.

ɛTomɛ 28:16

Ne sɛ njwi kɛ lel ne iRooma de, ne sim ɛBulus segha nɛ ɛbhɛ shɛɛ ne ijwee ne i tal ijam i shɛɛ nɛ ne ɛsooja gha ne ɛɛ hyep ɛbhɛ wo.

iRooma 10:15

Yaa ne ta mɔn ɛli ninaa ne sanga ibol la bhɛ sanga ibol de wu kɛ sang tom nibhɛ woo? Te ɛli ne kɛ haa ndɔ ne ɛWee ne iBol ɛTaanggbey yo i bo, “iYɛɛs ninaa ne sanga ibol iyɛnɛng ngge kɛ jam gbom!”

iRooma 12:12

Yɛk ɛn irway ihwala ndɔ ne iyɛk ne irway mon da, bo ɛn ɛbɔk ndɔ ne nggbang ngga, te ne ɛ bol ɛn ne ɛTaanggbey ya cɛcɛɛy.

iGalatiya 6:6

Gbik ɛnyi gha ne i kɛ mɛmɛ ɛbhɛ ne bol ɛTaanggbey de, tɛ ne ɛ ma mɔn ɛKyɛɛ ne icwam ɛbhɛ gha ɛkɔn ɛyɛnɛng.

iKɔlɔsi 1:25

ɛTaanggbey ɛbhɛ kɛ kasa me te n te me ɛkpuru ne idira ninaa ne roos sa. Ɛ kɛ tom me te n tɔng nyini ibol hyɔrɔ ɛbhɛ de.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

1 iTasɔlɔnika 1:6

Ɛ kɛ ne te nyini ninaa ne mɛmɛ ne ihywel mos da ne ivaa ɛDaray da. Gbik ne ihywee ne nggbang ngga ne ɛ kaa sɔ ɛn no, ne ɛ say ɛn ibol de ne irway ihwala idee ne ikabyik ɛTaanggbey de iphɛ i nang.

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

1 iTasɔlɔnika 5:20

Sɔng ˆɛ bɛɛs ɛn ìnang ninyi da nɛ nibhɛ tɔng ibol ɛTaanggbey de nang.

1 ɛTimɔti 4:13

Nyɛɛn nggyi yɛɛs so, see ito ne tɔng ɛWee ne iBol ɛTaanggbey yo ndɔ ne idira ninaa ne roos de, te ɛ sanga iphɛ, ɛ mɛmɛ nibhɛ nɛ.

1 ɛTimɔti 5:20

Ne ninaa nindiinday ne idira ninaa ne roos sa nɛ nibhɛ ne tɔ re ɛnu ɛyisɛ ne mɔn ɛfɔt to nang, nep nibhɛ kpas ɛnu ɛyisɛ ninyi na te ɛbyin nɛ yaang ɛ wum ɛnik.

2 ɛTimɔti 2:21

ɛLɛy ne iphɛ ne sonɛ ninyi na ne mang. Wu ɛnyi gha kɛ kuus ito ɛbhɛ ndɔ ne ibebhe de, ne ɛ so tɛ nikɔn na ne i mɔn ne ɛtomɛ ɛgbaang ɛtuk ka. Ɛ kɛ tul le kang ɛ teye ɛnyi ne aa mɔn ɛkyɛɛ ne ijwee ɛbhɛ gha ɛtomɛ, ɛ kɛ ne ryɔng te ɛ mɔn gbik ɛtomɛ ɛyɛnɛng nga ne ɛ kɛ jam.

2 ɛTimɔti 2:25

Te ɛ mɛmɛ ninaa ne iphup ne imɛmɛ ɛbhɛ da nɛ ndɔ ne ihywɛɛ, yaa rɔk lenɛ ɛlɛ wo ɛTaanggbey ya nang nibhɛ ɛnkiinɛ nibhɛ san ɛbɔk, nibhɛ seng itin de.

2 ɛTimɔti 3:10

iGyɛ ne ɛTimɔti, ˆɛ kɛ roos imɛmɛ nge da, ˆɛ yɛɛ ɛli ne nzi shɛɛ, ˆɛ yɛɛ ɛkɔn na ne nzi sak me nɛ, ne ìnang ne itin nge, ne ɛbɔk nge, ne ishwim nge gbik ne irop iku nge.

ɛTitus 1:13

iBol lɛdee wo ne so itin nɛ. iPhɛ ɛlɛy ne ɛ nep nibhɛ gbom tɛ nibhɛ see iling ndɔ ne ìnang ne itin de.

ɛTitus 2:15

Mɛmɛ nibhɛ nɛ nikɔn nɛnaa wo, mɔn ɛtomɛ ne igbɔm mo da gbik ˆɛ te ninaa ne tenes sɛ na itsɔngɔl gɛgɛy ˆɛ ta nep nibhɛ. Sɔng ɛ sim ɛnyi bɛɛs sɛ nang.

iBirani 13:22

Nigwaa ɛn, nzi roro ne nyinɛn, nggɛ shii haal ɛwee yɛwoo wo ncɛt te n kpɛngke nyini, ne ˆɛ bo ɛn ɛbɔk, sɔng ivol lɛ kɛ ne kat nang.

Nikɔn ne kɛ Phaal 3:19

ɛNyi gha ne nzi sim, ɛbhɛ ne nzi ne nep n da i gbaat. iPhɛ ɛlɛy ne ɛ kyinak ndɔ ne itin, ɛ san ɛbɔk.