2 ɛTimɔti 4:18 - ɛWee ne ìTsɛm iHywas

¹⁸ ɛTaanggbey yaa phɔt me ndɔ ne ibebhe de gbik, ɛ hyel ne mee ncaang ɛbhɛ hɔn ne igbɔm ɛdaa ne irywa da. Te nang ɛTaanggbey ye ne ndiinday ne ishay-ishay. Ɛɛy.

2 ɛTimɔti 4:18 Iomraidhean Croise

ɛMacu 13:43

Ninyi ne icik ka sɛ ne jii tol te iroy ndɔ ne igbɔm ɛKyɛɛ nibhɛ da. ɛNyi gha ne ɛ bok itoro ne tenes te ne ɛ phok.

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛLuka 11:4

Hana njwii ne ɛfɔt mos so, ɛli ne njwi kɛ ma hana ninaa nɛ nibhɛ kɛ mɔn njwii ɛfɔt to. Sɔng ɛ sim njwi ho ndɔ ne itɛrɛk ga nang.’ ”

ɛLuka 12:32

“Sɔng ne ɛ phok ɛn ɛnik ko, nyinɛn ninyunyɔn ne ᐩigyol nge wo nang, ɛKyɛɛ mon naa phok iyɛnɛng ne sɛ nang nyini igbɔm ba.

ɛLuka 22:29

Nzi ne naas nyini igbɔm ba ɛli ne ɛKyɛɛ nge gha kɛ ma nang me wo.

ɛYohana 17:15

Sɔng ɛroo nge gha i bo wu te ɛ tul nibhɛ ndɔ ɛzay ya nang, nzi bo wu te ɛ kyɛngɛse nibhɛ ɛlɔ ɛbebhe gha.

iRooma 11:36

Daa ɛli ne ɛTaanggbey ya ɛbhɛ kɛ ryɔng nikɔn na gbik, Nikɔn na gbik ne sonɛ lenɛ ne ɛTaanggbey ya, nibhɛ ne ta sonɛ daa ne phok iyɛnɛng ɛbhɛ. Te ne nang ɛTaanggbey yegha ne ndiinday ishay-ishay! Ɛɛy.

iRooma 16:27

Te nang ɛTaanggbey ye ne ndiinday lenɛ ne ɛYɛso ɛKiriti gha, ɛbhɛ zɔng ɛbhɛ bok ntsɛntsɛng! Ɛɛy.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

1 iKɔrɔntos 10:13

Sɔng idɛ tɛɛsek ga kɛ ku sɛ nyini ivaa ne hame i sang ku tɛɛsek ɛten nɛ nang. ɛTaanggbey ya ne so sɛ kyinak daa ne ibol ɛbhɛ, sɔng aa tek i tɛɛsek nyini ɛli ne ifɛ yaa phyin ihwet mon nang, yaa ne sɛ kɛ tɛɛsek nyini wo, aa ne tɔɔrek nyini ɛli ne aa wuru ɛn te ɛ kyinak ɛn gɛgɛy.

1 iKɔrɔntos 15:50

Nigwaa en, nzi sim te ɛ sɛɛ seng ɛn ɛlɛ, sɔng ibek ne ivel ɛzay yɛdaa wo ne iphɛ so inwam ba nɛ neyi na sɛ́ sɛ ihop ne igbɔm ɛTaanggbey da nang. ɛLɛy ne mang, sɔng ibek ne sa de sɛ ne ma sɛ ɛkɔn ne ɛ sɛɛ sang sa nang.

2 iKɔrɔntos 1:10

ɛTaanggbey ya kaa phɔt njwi ɛnu ne iku ibebhe yɛdee wo. Aa ne phɔt njwii. Njwi kɛ ne sit ɛbhɛ ne irwisɛ daa ɛli ne ɛ sɛ ta phɔt njwii dɔng.

iGalatiya 1:5

Te ne nang ɛbhɛ ne ndiinday de cɛcɛɛy. Ɛɛy.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

2 iTasɔlɔnika 3:3

ɛDaray ne so sɛ kyinak daa ne ibol ɛbhɛ. Aa nang nyini ihwet, ɛ ta kyɛngɛse nyini ɛlɔ ɛShɛtan na, ɛBebhe gha.

1 ɛTimɔti 1:17

Te ne nang ɛGɔm ne iNat ta ne ndiinday ne igbom cɛcɛɛy! ɛHaa ne ɛbhɛ ɛ soye ɛTaanggbey ya zɔng ngo, ɛhaa ne ɛ sang ɛgak ko, ɛhaa ne i sang yaang ɛbhɛ wo. Ɛɛy.

1 ɛTimɔti 6:16

ne ɛbhɛ zɔng ne ɛ phyin ihwet ne iku. Ɛɛ shɛɛ ndɔ ne iwɛwɛy de ne hame ɛnyi sɛ yɛɛ ne phɛ cɛcɛk ne iphɛ. Ɛbhɛ ɛ soye ɛhaa ne hame ɛnyi kɛ ku yaang ɛbhɛ, ɛnyi i sang yɛɛ ne yaang ɛbhɛ. Te ne nang ɛbhɛ ne igbom gbik ne igbɔm ne sang taal le. Ɛɛy.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

iBirani 11:16

Nibhɛ kaa ne yang ku wɛɛ ɛgarang nga ne ɛ phyin ne ɛ so ɛgarang ɛdaa ne irywa gha. iPhɛ ɛlɛy, sɔng ɛTaanggbey ya bok ncwa ne yaa yaak nibhɛ wu nibhɛ soye ninyi ɛTaanggbey ya nang, daa ɛli ne ɛ kɛ ku ryɔng nibhɛ ɛgarang ngɛ.

iBirani 12:22

ˆƐ kɛ ne yang yɛɛs ɛn ne ɛwarang ne iSihiyɔɔna, ne iYɛrushɛlɛm ɛdaa ne irywa, ɛgarang ɛTaanggbey ne iken. ˆƐ kɛ yɛɛs ɛn ɛlɔ ne idira ne nimalɛka nɛ nibhɛ kɛ hɔn ninom ma daa ɛco ninom, nibhɛ so irway ihwala.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

1 ɛBiturus 1:5

iSha mon nɛdee lɛ, nyinɛn no ne ɛTaanggbey ya i hyep nyini daa ne ihwet ɛbhɛ lenɛ ne ìnang ne itin mon de. iCwas ɛbhɛ da i bo te ɛ sɛ ɛn iphɔrɔt da ne sɛ phaal ɛtuk ne taal ɛzay ya.

1 ɛBiturus 5:11

ɛTaanggbey ya ɛbhɛ bok igbɔm ne ishay-ishay. Te iphɛ ne shɛɛ ɛlɛy.

2 ɛBiturus 1:11

Yaa ne lenɛ ɛlɛ wo ne say nyini ne ibɔ iphaa ndɔ ne igbɔm ne inat ɛDaray njwɛɛn ɛYɛso ɛKiriti ɛhaa ne phɔt njwɛɛn.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.