2 ɛTimɔti 4:11 - ɛWee ne ìTsɛm iHywas

¹¹ ɛLuka zɔng ɛbhɛ ɛ kɛ mak ɛbɛ wo ne mee. Tɔk ɛMarakus se te ˆɛ boos ɛbhɛ ɛ yɛɛs nɛ, daa ɛli ne ˆɛ bok me iphyik ndɔ ɛtomɛ nge gha.

2 ɛTimɔti 4:11 Iomraidhean Croise

ɛMacu 19:30

Ninyi na gbom nɛ nibhɛ soye ninaa ɛyisɛ na sɛ ne teye ninaa ɛstim mɛ, ninaa ɛtsim ma ne ji teye ninaa ɛyisɛ yɛ.

ɛMacu 20:16

“iPhɛ ɛlɛy, ninaa ɛtsim ma sɛ ne tes se ninaa ɛyisɛ yɛ, ninaa ɛyisɛ na ne tes se ninaa ɛtsim mɛ.”

ɛLuka 13:30

Ninyi na nɛ nibhɛ soye ninaa ɛtsim mɛ ɛlyilyɛghaa wo nang, nibhɛ sɛ ne teye ninaa ɛyisɛ yɛ. Ninaa ɛyisɛ na sɛ ne ji teye ninaa ɛtsim mɛ.”

ɛTomɛ 12:12

Ne sɛ ɛBiturus sa kɛ seng ngo wo, ne ɛ phɛ ne ijwee ɛMɛri ne ɛ soye ɛgyinɛ ɛYohana ne bok ɛbhɛ ɛMarakus. ɛNggyɛ wo nɛ ninaa ne roos sa kaa bhɛ tumɛ ɛn nɛ gbom nibhɛ bol ne ɛTaanggbey ya.

ɛTomɛ 12:25

Kɛ ne sɛ ɛBanabas sa ne ɛShawulu gha kɛ bhɛ taal ɛkɔn na nɛ nibhɛ kɛ phɛɛs ne mɔn ne iYɛrushɛlɛm be, nibhɛ ne bhɛ kyii nibhɛ phɛ ne iNtakiya. Nibhɛ kaa ne bhɛ boos ɛYohana ye ne bok ɛbhɛ ɛMarakus.

ɛTomɛ 15:37

ɛBanabas sa ne i sim te ɛYohana gha ne bok ɛbhɛ ɛMarakus sa sɛɛ roos nibhɛ.

ɛTomɛ 15:39

iShamas ne lel ndɔ nibhɛ gbom daa ne ibol lɛdee, nibhɛ ne hobhoset. ɛBanabas sa ne bo ɛMarakus segha nibhɛ lel ne ikparak nibhɛ phɛ ne iKuburus.

ɛTomɛ 16:10

Kɛ ne sɛ ɛtsim mɛ ne ɛBulus sa kɛ yaang iyuwa de, njwi ne yɔngɔ hywarat njwi bo nikɔn njwi phɛ ne iMakyidɔniya de, daa ɛli ne njwi kɛ seng wu ɛTaanggbey ɛbhɛ kɛ yel-le njwii te njwi tɔng ninyi ɛgarang ngɛnaa nggyɛ wo iBol iYɛnɛng nge.

iKɔlɔsi 4:10

ɛRisitakus ne njwi so ne nyang ge ɛbɛ wo ne ɛbhɛ i kyisi nyini. ɛLɛy ne ɛMarakus nɛ nibhɛ bok ɛgaay ɛdaan nɛ ne ɛBanabas ne mang. ɛMarakus sa ne nggɛ ku mɔng nyini ibol ɛbhɛ de, yaa ne sɛ ɛ kɛ yɛɛs so, te ne ˆɛ say ɛn ɛbhɛ ne ibɔ iphaa.

iKɔlɔsi 4:14

ɛLuka ne ɛ so ɛlighita ne njwii sim ɛbhɛ gbom, gbik ne ɛDimas nibhɛ kyiisi nyini.

2 ɛTimɔti 1:15

ˆƐ yɛɛ ɛli ne gbik ninaa ne ivel ne iSiya na kɛ hyere me ɛtsim ma, ndɔ nibhɛ wo, ɛFijelus gbik ne ɛHamɛjɛnɛs sonɛ.

2 ɛTimɔti 2:21

ɛLɛy ne iphɛ ne sonɛ ninyi na ne mang. Wu ɛnyi gha kɛ kuus ito ɛbhɛ ndɔ ne ibebhe de, ne ɛ so tɛ nikɔn na ne i mɔn ne ɛtomɛ ɛgbaang ɛtuk ka. Ɛ kɛ tul le kang ɛ teye ɛnyi ne aa mɔn ɛkyɛɛ ne ijwee ɛbhɛ gha ɛtomɛ, ɛ kɛ ne ryɔng te ɛ mɔn gbik ɛtomɛ ɛyɛnɛng nga ne ɛ kɛ jam.

ɛFilimɔn 1:24

ɛLɛy ne ɛMarakus, ne ɛRisitakus, ne ɛDimas gbik ne ɛLuka nɛ nibhɛ so nitɛɛrɛk nge ndɔ ɛtomɛ ɛYɛso ɛKiriti gha, i kyiisi yɛ.

1 ɛBiturus 5:13

iDira ninaa ne roos de nɛ nibhɛ so ne iBabila de, ninaa ne ɛTaanggbey ya kɛ ma kasa nibhɛ wo, i kyiisi nyini. ɛLɛy ne ɛngɔn nge ɛMarakus.