2 ɛTimɔti 4:10 - ɛWee ne ìTsɛm iHywas

¹⁰ Mɔn ɛlɛ wo daa ɛli ne ɛDimas sa kɛ yɛk irisɛ nikɔn ɛzay yɛdee wo, ɛ kɛ tek me ɛ yeghe ne iTasɔlɔnika, ɛKirisɛn ne yeghe ne iGalatiya, ɛTitus ne ma yeghe ne iDamatiya.

2 ɛTimɔti 4:10 Iomraidhean Croise

ɛMacu 12:32

Gbik ɛnyi gha ne ɛ kɛ bol ivol ne bɛɛs ɛNgɔn ɛNyi gha nɛ wo, sɛ ne hana ɛbhɛ nɛ. Wu ɛnyi gha kɛ ne bol ivol ne bɛɛs iKabyik ɛTaanggbey de, sɔng yaa ne hana ɛbhɛ nɛ ɛzay yɛghaa wo, ne ɛzay ya ne ɛ yaaso wo nang.”

ɛMacu 26:56

Nikɔn nɛnaa wo kaa ne tes gbik ɛlɛ wo, te shwaasek ivol da ninabawa na kaa ku haa ndɔ ne ɛWee ne iBol ɛTaanggbey yo.” Ninɔn ne icwam ma ne tek ɛYɛso yegha nibhɛ tel.

ɛLuka 14:33

Ɛlɛy ne iphɛ ne so, sɔng ɛdɛ mon yaa ne yɛɛ ne teye ɛngɔn ne icwam nge gha wu ɛ kɛ sang hana nikɔn na ne ɛ bok ko nang.”

ɛLuka 16:13

“Sɔng ɛNyi gha sɛɛ yɛɛ ne teye ɛkpuru nikyɛɛ ne ijwee ifaa nang, aa yung sim ɛdɛng ɛ mbaray ɛdɛng. Kɛ sim ɛ nang ito ɛbhɛ ɛlɔ ɛdɛng ɛ ji bɛɛs ɛdɛng. Sɔng ɛnyi sɛɛ ne yɛɛ ne nang ɛTaanggbey yegha irway ɛbhɛ da ɛ kyii ta nang ifɛ daa ne tɔk ijam be nang.”

ɛLuka 17:32

Taate ɛn ne ɛkuk ɛLuutu gha!

ɛTomɛ 13:13

ɛBulus sa nɛ nyini ɛbhɛ na ne tek iPafos de, nibhɛ berey ndɔ ne ikparak, nibhɛ phɛ ne iFaga ne ivel ne iPamifiliya. ɛNggyɛ wo ne ɛYohana gha ne i bok ɛbhɛ ɛMarakus sa kaa bhɛ tek nibhɛ nɛ, ɛ kyii ɛ phɛ ne iYɛrushɛlɛm be.

ɛTomɛ 15:38

Sɔng ɛBulus sa ne yaang iphɛ kɛ jam ɛlɛy nang, daa ɛli ne ɛMarakus sa kaa bhɛ tek nibhɛ ne iPamifiliya ɛ kɔɔng nge tang tɔ roos nibhɛ ndɔ ɛtomɛ gha.

ɛTomɛ 16:6

ɛBulus sa nɛ ninyi ɛbhɛ na ne phɛ ne iFirijiya gbik ne iGalatiya, daa ɛli ne iKabyik ɛTaanggbey de kaa ring nibhɛ ne tɔng ibol de ivel ne iSiya.

ɛTomɛ 17:1

ɛBulus sa ne ɛSila gha ne roos ɛgarang ne iMifɔbɔlis gbik ne ɛPoloniya, nibhɛ bhɛ hɔn iTasɔlɔnika. ɛNggyɛ wo, ijwee ne itɔɔy niYahodawa ne sonɛ.

ɛTomɛ 17:11

niYahodawa ne iBiriya na ne kaa ne phyin ninaa ne iTasɔlɔnika na ne iyɛnɛng. Nibhɛ kaa say ibol nibhɛ de ne irway ihwala, nibhɛ phɛl ɛWee ne iBol ɛTaanggbey yo izenge ne ihwɛlɛ tɛ nibhɛ yaang hang ibol ɛBulus de so itin nɛ yoo.

ɛTomɛ 17:13

Ne sɛ niYahodawa ne iTasɔlɔnika na kɛ phok wu ɛBulus sa sanga ibol ɛTaanggbey de ne iBiriya de, nibhɛ ne phɛ ne iBiriya de nibhɛ bhɛ shɔk ninyi ɛlɔ yɛghaa nggyɛ wo nibhɛ subhus ihywɛɛ nibhɛ.

ɛTomɛ 18:23

Kɛ ne sɛ ɛ kɛ phyɔngɔle ne iNtakiya de, ne ɛ roos nigarang nga nɛ nibhɛ so ne ivel ne iGalatiya gbik nɛ ninaa nɛ nibhɛ so ne ivel ne iFirijiya ɛɛ tes ninaa ne roos sa itsɔngɔl gɛgɛy.

2 iKɔrɔntos 2:13

Gbik ne phɛ ɛlɛy, sɔng irway nge kaa ne jung laal nang, daa ɛli ne sɔng nggaa bhɛ sɛ ɛgwaa nge ɛTitus segha ne iTurasa de nang. Ne n tek iTaruwasa de mbɛ ne iMakyidɔniya, mbɛ tɔk ɛTitus segha.

2 iKɔrɔntos 7:6

ɛTaanggbey ya ne ɛbhɛ ɛ te nikyɔkyɔt ta itsɔngɔl de gɛgɛy yo kaa ne te njwii itsɔngɔl gɛgɛy lenɛ ne iyɛɛs ɛTitus.

2 iKɔrɔntos 8:16

Njwi bok irway ihwala ne ɛTaanggbey ne ɛbhɛ kɛ nang ɛTitus se irway ne phyik nyini ɛli ne nggaa ku i has irway.

2 iKɔrɔntos 8:23

Ɛbhɛ ɛTitus sa so ɛhaa ne njwii mɔn ɛtomɛ gha ne ɛbhɛ te sɛ i phyik nyini. Nigwaa ifaa yɛnaa wo nɛ nibhɛ so ne ɛbhɛ wo, ninaa ne roos sa nibhɛ kɛ ne tom nibhɛ, ɛtomɛ nibhɛ gha i ne nang ɛKiriti ye ne ndiinday.

2 iKɔrɔntos 8:6

Ne sɛ njwi kɛ yaang ɛlɛ wo, njwi ne roo ɛTitus segha ne ɛbhɛ ɛ kɛ ku tsa ɛtomɛ ne ìnang ngɛghaa wo, te ɛ re ɛnu ɛyisɛ.

iGalatiya 1:2

Nigwaa na gbik ne njwi sonɛ nibhɛ ɛbɛ wo i kyiisi nyini ninaa ne roos ne iGalatiya na.

iFilibi 2:21

ɛByin ninyi na ku tas nikɔn nɛ nibhɛ yaa phyik nibhɛ zɔng, sɔng ninaa nɛ nibhɛ soye ninaa ɛYɛso ɛKiriti nang.

1 ɛTimɔti 6:10

Daa ɛli ne sim ijam be gbom mo iphɛ phɛ soye ɛtum ne ibebhe de hywee-hywee. Tɔk iryat de gbom mo kɛ te ɛbyin ninyi na kɛ hana ìnang ne itin nibhɛ de, nibhɛ kɛ hɔ ito nibhɛ irway ishwii gbom.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

2 ɛTimɔti 1:15

ˆƐ yɛɛ ɛli ne gbik ninaa ne ivel ne iSiya na kɛ hyere me ɛtsim ma, ndɔ nibhɛ wo, ɛFijelus gbik ne ɛHamɛjɛnɛs sonɛ.

2 ɛTimɔti 4:16

Kaa sɛ ɛli ne naa bol ivol ne phɔt ito nge de ndɔ ne icwam ɛshara ɛyisɛ nge gha, wɛlɛng ɛnyi ne ɛ kaa ne roos ɛduu nge, ɛrɔngɔ kaa tel ɛ tek me. Sɔng nzi ne bo te ɛTaanggbey rop nibhɛ nɛ daa ne ibol lɛdee wo nang.

ɛTitus 1:4

ɛbhɛ phɛɛs ɛlɔ ɛTitus, ɛngɔn ne itin nge ndɔ ne ìnang ne itin mos. Te izɛɛng gbik ne irway ne laal, ne ifɛ le ɛlɔ ɛTaanggbey ne ɛ so ɛTaa, ne ɛYɛso ɛKiriti ɛHaa ne Phɔt Njwɛɛn shɛɛ ne igyɛ.

ɛFilimɔn 1:24

ɛLɛy ne ɛMarakus, ne ɛRisitakus, ne ɛDimas gbik ne ɛLuka nɛ nibhɛ so nitɛɛrɛk nge ndɔ ɛtomɛ ɛYɛso ɛKiriti gha, i kyiisi yɛ.

2 ɛBiturus 2:15

Nibhɛ kɛ tek ɛnkiinɛ tsik ko nibhɛ roos ɛnkiinɛ ɛBalamu, ɛngɔn ɛBɛyor, ne kaa lenɛ ne sim ijam ɛbhɛ, ɛ yaa phok yɛnɛng ne mɔn ibebhe.