2 ɛTimɔti 4:1 - ɛWee ne ìTsɛm iHywas

¹ Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

2 ɛTimɔti 4:1 Iomraidhean Croise

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛLuka 19:12

Ɛ yaak nibhɛ, “ɛDɛ ɛgbaang ɛnyi wo kaa phɛɛs ɛdɛ ɛgarang nga ne ɛ so kyaam ne ijwee ɛbhɛ, te bhɛ harap ɛbhɛ igbɔm, ɛbhɛ kyii.

ɛLuka 19:15

“Ne jung harap ɛnyi gha igbɔm ba ne ɛbhɛ kyii ɛgarang ɛbhɛ gha. Kɛ ne sɛ ɛ kɛ bhɛ kyii ɛgarang ɛbhɛ gha nang, ne ɛ yel-le nikpuru na ne ɛ kaa nang nibhɛ ijam be te ɛ yaang ɛkɔn negha ne ɛ ɛrɔngɔ kɛ mɔn ne ihywɛ.

ɛLuka 23:42

Ne ɛ ji yaak ɛYɛso yegha, “ɛYɛso! Yaa sɛ ɛ kɛ bhɛ wara ne igbɔm mo da te ɛ ne taate ne mee.”

ɛTomɛ 10:42

ɛYɛso gha kaa ne yɛk njwii nɛ te njwi tɔng ninyi na ɛnu ne bol ɛbhɛ gha, te njwi ta tɔɔrek nibhɛ wu ɛYɛso gha ne ɛTaanggbey ya kɛ kasa, ɛbhɛ sɛ bol ninyi na nɛ nibhɛ kɛ kus nɛ ninaa nibhɛ sonɛ niken na ɛshara.

ɛTomɛ 17:31

ɛTaanggbey ya kɛ ku yɛk ne ɛtuk ne ɛ sɛ bol ɛzay gbik ɛshara ne itin. Ɛ kɛ ne kasa ɛYɛso ye ɛbhɛ so ɛnyi gha ne ɛ sɛ bol ninaa ɛzay ya ɛshara gha. ɛTaanggbey ya kɛ ne tɔɔrek ninyi ɛzay ya ibol lɛdee wo ywɛywɛy ɛli ne ɛ kaa yiisik ɛYɛso yegha tsik ndɔ ne ikpuu da.”

iRooma 2:16

Iphɛ ɛlɛy, ɛli ne ibol iyɛnɛng ngɛdee wo ne nzi sanga wo i bol lo, ɛlɛy ne phɛ sɛ ne te ɛTuk ka ne ɛTaanggbey ya sɛ hyɛ ɛshara gha, lenɛ ne ɛYɛso ɛKiriti gha daa nikɔn na nɛ nibhɛ so igying ndɔ ne irway ninyi da.

iKɔlɔsi 3:4

Sɛ ne sɛ ɛKiriti gha ne ɛbhɛ ɛ soye iken mon de kɛ tɔɔl le, ˆɛ sɛ ne ma tɔɔl nyini ne ɛbhɛ ndɔ ne ito-ndiinday ɛbhɛ de.

2 iTasɔlɔnika 2:8

Nɛ nten nɛ ne ji phaal ɛsang-phok kɛghaa wo, ɛDaray ɛYɛso gha sɛ ne phoo ɛbhɛ ne ifɔng ɛnu ɛbhɛ. ɛDaray ya ne ta bees ɛsang-phok ka ne iwɛwɛy ne ito-ndiinday ɛbhɛ de ɛtuk ne yɛɛs ɛbhɛ gha.

1 ɛTimɔti 5:21

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti gbik nɛ nimalɛka ne kɛ kasa wu te ˆɛ roos ikpii ne bol lɛdaa wo wɛlɛng sim ito, ne i sim ɛdɛng ɛ phyin ɛdɛng.

2 ɛTimɔti 1:10

ɛLyilyɛghaa wo, kɛ ne ji phaal iphɛ lenɛ ne yɛɛs ɛHaa ne Phɔt njwɛɛn, ɛYɛso ɛKiriti. Ɛbhɛ kɛ ba iku de, kɛ ne ta lenɛ ne sanga ibol iyɛnɛng ngge ne phaal njwɛɛn ishwɛɛ ne iken ne iphɛ i sang ku wɛsɛrɛk.

2 ɛTimɔti 2:14

Ku i tas nibhɛ nɛ nikɔn nɛnaa wo. Kpɛng nibhɛ ɛnu ɛyisɛ ɛTaanggbey wu hang nibhɛ re ishamas daa ne ivol da. Sɔng ishamas de bok iphyik nang, ihywɛ yang bees ninyi na nɛ nibhɛ tenes so.

2 ɛTimɔti 4:18

ɛTaanggbey yaa phɔt me ndɔ ne ibebhe de gbik, ɛ hyel ne mee ncaang ɛbhɛ hɔn ne igbɔm ɛdaa ne irywa da. Te nang ɛTaanggbey ye ne ndiinday ne ishay-ishay. Ɛɛy.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

1 ɛBiturus 4:5

Nibhɛ sɛ ne kyi bhɛ tɔng ɛTaanggbey ye ɛkɔn na nɛ nibhɛ kɛ mɔn. Ɛbhɛ ɛ so ɛhaa ne ɛ sɛ bhɛ bol ninyi niken nɛ ninyi nɛ nibhɛ kus ɛshara.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

2 ɛBiturus 1:11

Yaa ne lenɛ ɛlɛ wo ne say nyini ne ibɔ iphaa ndɔ ne igbɔm ne inat ɛDaray njwɛɛn ɛYɛso ɛKiriti ɛhaa ne phɔt njwɛɛn.

2 ɛBiturus 1:17

Njwi kaa sonɛ nten de ne ɛ kaa say ndiinday de ne igbom be ɛlɔ ɛTaanggbey ya ne ɛ so ɛTaa gha, nten de ne izɔlɔs ɛTaanggbey de ne ihywɛ shɛs ne igbom be kaa boote wo, ihywɛ yɔngɔ, “ɛNgɔn ngeghaa wo ne nzi sim ɛbhɛ gbom, ɛbhɛ ne n bok irway ihwala ne ɛbhɛ.”

1 ɛYohana 2:28

ɛLyilyɛghaa wo nyinɛn ninɔn nge ne nzi sim, ne ˆɛ shɛɛ ɛn ndɔ ɛKiriti gha te sɛ ne sɛ ɛtuk ka ne ɛ sɛ tɔɔl le wo, njwɛɛn kyinak ɛnu ɛyisɛ ɛbhɛ tang ɛnik ne ncwa.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.