2 ɛTimɔti 3:3 - ɛWee ne ìTsɛm iHywas

³ Nɛ ninaa ne sang tɔɔl ishwim. Nɛ ninaa ne boos ninyi ne irway. Nɛ ninaa ne bees ninyi irywɛɛk. Nɛ ninaa ne sang wum ito nibhɛ. Nɛ ninaa ne tɔk irywen. Nɛ ninaa ne mbaray iyɛnɛng.

2 ɛTimɔti 3:3 Iomraidhean Croise

ɛMacu 10:21

“Ɛgwaa sɛ nang ɛgwaa ɛbhɛ i phoo ɛbhɛ, ɛKyɛɛ ne nang ɛngɔn ɛbhɛ, ninɔn na sɛ ne bɛɛs nikyɛɛ, nibhɛ te phobho nibhɛ.

ɛMacu 4:1

iKabyik ge ne bo ɛYɛso yegha iphɛ phɛ nɛ ndɔ ɛhay te ɛShɛtan bhɛ tɛɛrek ɛbhɛ.

ɛLuka 10:16

ɛYɛso gha ne ji yaak ninɔn ne icwam ɛbhɛ na, “Gbik ɛnyi gha ne ɛ kɛ bhɛ phok nyini, mee ne ɛ kɛ phok. ɛNyi gha ne ɛ kɛ bhɛ mbaray nyini, mee wo ne ɛ kɛ mbaray. ɛNyi gha ne ɛ kɛ mbaray me wo, ɛ kɛ ne mbaray ɛnyi gha ne ɛ kɛ tom me wo.”

ɛLuka 16:14

niFarisawa na nɛ nibhɛ ku so ninaa ne sim ijam be ne phok ivol lɛdaa wo, nibhɛ te ɛYɛso yegha ncoop.

ɛYohana 6:70

ɛYɛso gha ne kyii nɛ ɛ yɔngɔ, “Mee nggɛ kasa nyini ɛnduwubɔ nɛ ninyi ifaa na nang? Hang ma sang so mee naa? Gbik ne iphɛ ɛlɛy, ɛdɛ mon ne so ɛShɛtan!”

iRooma 1:29

iRway nibhɛ ba so hyɔrɔ ne yɔm ne icik, ne ibebhe de ihywee-ihywee; ɛnyɛs, ne irisɛ, sim ito. Nibhɛ so hyɔrɔ ne ɛnkyis, ne irway ne phoo ɛnyi, ne irywen, ne iluk gbik ne irway ishwii. Nibhɛ ta bok ivol mumuk,

iRooma 1:31

Nibhɛ so niwamang, sɔng nibhɛ i shwaak ɛkɔn na ne kɛ rop nang. Nibhɛ so ninaa ne sang sim nigwaa, ninaa ne sang san iyɔm.

1 iKɔrɔntos 7:5

Sɔng ɛdɛ mon ne ring ɛdɛng ngɛ tang ɛlɛy ne ɛ kɛ sim ɛn nyini nɛ ndɔ ne nten ncɛt te ɛ sɛ ɛ boote ɛn ne ɛTaanggbey yang. Wu ɛ kɛ ne mɔn ɛn ɛlɛ wo, te ne ɛ shii kyii ɛn daa ɛli ne ɛShɛtan ya yung luk nyini ɛ sang yɛɛ ne wum ɛn ito mon.

1 iKɔrɔntos 7:9

Wu nibhɛ aa ne sang yɛɛ ne wum ibek nibhɛ de, te ɛras sa ne tul ɛkuk, ɛkuk ka ma sim ɛ̀ras, iphɛ phyin ɛli ne ihyop ne ibek ge yaa tak nibhɛ iyɔm be.

1 iTasɔlɔnika 4:8

iPhɛ ɛlɛy gbik ɛnyi gha ne ɛ kɛ ne mbaray ibol lɛdee wo, sɔng ɛten ɛsii ne ɛ kɛ ne mbaray nang. Ɛ kɛ mbaray ɛTaanggbey ye ne ɛbhɛ ɛ naas nyini iKabyik iKang Ɛbhɛ de.

1 ɛTimɔti 3:11

ɛLɛy nɛ nikuk ne mɔn ɛtomɛ ne idira ninaa ne roos ne mang, tɛ nibhɛ so ihywɛɛ, sɔng ninaa ne bol ivol ne bees irywɛɛk nang. Tɛ nibhɛ so lyaak, ninaa ne sɛ kyinak daa ne ibol nibhɛ ndɔ nikɔn na gbik.

ɛTitus 1:8

Te ɛndiinday ya yang teye ɛhaa ne say ninaa ne kpoo, ɛhaa ne sim ɛkɔn ɛyɛnɛng. ɛNyi ne ɛ kɛ wum ito ɛbhɛ, ɛhaa ne itin, ɛnyi ne kɛ tul kang, ɛ kɛ ku gbaat ito ɛbhɛ.

ɛTitus 2:3

Nɛ ma mɛmɛ nikuk nihelem ma nɛ tɛ nibhɛ shɛɛ ishwɛɛ da ne ifɛ yaa nang ɛTaanggbey ye ne ndiinday, ne ifɛ so kancɛng nɛ nikuk ninaa ne roos sa. Sɔng nibhɛ teye ninaa ne bees ivol nang, sɔng nibhɛ teye nikpuru ne isɔ igbuut nang. Tɛ nibhɛ yang mɛmɛ ninyi na nɛ nikɔn niyɛnɛng.

ɛYakub 2:6

iPhɛ dee ɛ ne bɛɛs ɛn nihala na! Nzi bo ninaa ne iryat ta bhɛ yɛbhɛsek nyini wo nang? Nzi bo nibhɛ bhɛ hɔ nyini bhɛ phɛɛset nɛ ne icwam ɛshara wo nang?

2 ɛBiturus 2:14

iCwas nibhɛ da ku so ivaa ne nzangas, sɔng nibhɛ te kpos ne mɔn ɛfɔt to nang. Nibhɛ luk ninaa nɛ nibhɛ so kyɔkyɔt ndɔ ne ìnang ne itin. Nibhɛ kɛ ku tɔk irway nibhɛ da ne irisɛ. Nibhɛ ne so ninaa ɛkawɛy.

2 ɛBiturus 2:19

Nibhɛ kɛ ku sim ninyi na nɛ nibhɛ bo wu nibhɛ kɛ roos imɛmɛ nibhɛ da, nibhɛ yaa sɛ ishwɛɛ ne ito nibhɛ, ɛlɛy nibhɛ wo, nibhɛ ne ma kyi soye nikpuru ne ibebhe de daa ɛli ne ɛnyi gha i soye ɛkpuru ɛkɔn na ne ɛ kɛ kpuru ihywɛɛ ɛbhɛ de.

2 ɛBiturus 3:3

Tsa ˆɛ seng ɛn iphɛ ɛlɛ, sɛ́ sɛ nten ɛtsim be, nidɛng ninyi na nɛ nibhɛ so ninaa ne bɛɛs sɛ ne wuru nɛ nibhɛ so ninaa ne roos ihyop igywebhe ne ibek zɔng.

ɛYahuza 1:16

Ninyi yɛnaa nggyɛ wo i bol ivol mumuk, nibhɛ tɔk iben nidɛng. Nibhɛ roos ihyop igywebhe nibhɛ nɛ. Nibhɛ hal ɛgyɛy ne itso nibhɛ, nibhɛ bok ilem ibel tɛ nibhɛ sɛ ito nibhɛ ɛkɔn.

ɛYahuza 1:18

Nibhɛ kaa yaak nyini, “Sɛ́ sɛ nten ɛtsim be kɛ tuu, nidɛng ninaa ne bɛɛs sa sɛ ne wuru nɛ, nibhɛ sɛ roos ihyop ne ibek nibhɛ nɛ ne hame ihywɛ so izee ne roos ɛTaanggbey ye.”

Nikɔn ne kɛ Phaal 13:15

Ne nang inyam ne ifaa de ɛnkiinɛ te ihywɛ yɛk izazurum ne inyam ɛyisɛ ne ifɔng, te izazurum be yaa bol. iHywɛ ne yaa bol ihywɛ yɛk ngɛ i phobho ninyi na nɛ nibhɛ mbaray tang re ihywɛ ntsong ngga.

Nikɔn ne kɛ Phaal 13:17

iHywɛ kɛ mɔn ɛlɛ wo te ring ɛnyi gha ne ɛ sang ɛlamba gha ne say ɛkɔn, ta ring ɛbhɛ ne rɛp pɛ. ɛLamba yɛghaa nggyɛ wo ɛbhɛ ɛ soye irywɛɛk ne inyam ɛyisɛ wo, hang ne ɛlamba ne irywɛɛk ne ihywɛ yɔɔ.

Nikɔn ne kɛ Phaal 16:6

Daa ɛli nɛ ninyi na kaa loghɛ neyi ninyi mo na nɛ ninaa ninabawa mo na. iPhɛ dee, ɛ kɛ ne ji nang nibhɛ neyi na tɛ nibhɛ sɔ, iphɛ kɛ jam nibhɛ nɛ.

Nikɔn ne kɛ Phaal 17:6

Ne n yaang ɛkuk ka kɛ te ziizii nɛ neyi ninyi ɛTaanggbey ne kɛ tul kang gbik nɛ ninyi na ne kɛ phobho lenɛ ne ishɛɛda nibhɛ daa ɛYɛso. Ne sɛ nggɛ yaang ɛbhɛ wo ne n wum me zii.