2 ɛTimɔti 3:2 - ɛWee ne ìTsɛm iHywas

² Ninyi na sɛ teye ninaa ne sim ito nibhɛ. Nɛ ninaa ne sim ijam. Nɛ ninaa ne ton ito nibhɛ. Nɛ ninaa ne tɔɔsek ito, nɛ ninaa ne towos ninyi. Nɛ ninaa ne bɛɛs nikyɛɛ. Nɛ ninaa ne sang tɔɔl irway ihwala daa ɛkɔn ne kɛ nang nibhɛ. Nɛ ninaa ne hame nibhɛ kɛ tul en kang.

2 ɛTimɔti 3:2 Iomraidhean Croise

ɛMacu 15:6

Ɛlɛy ne ɛ kɛ ne bo ɛn ibol ɛTaanggbey de iphɛ te buu, ɛ ji yaa roos ɛn imɛmɛ mon de.

ɛLuka 12:15

ɛYɛso gha ne ji boote nɛ ninyi na ɛ yaak nibhɛ, “Wɛɛ ɛn nyini yɛnɛng daa ne irisɛ nikɔn nigwaa mon da, daa ɛli ne sɔng iryat de ihywɛ nang ɛnyi gha iken de nang.”

ɛLuka 16:14

niFarisawa na nɛ nibhɛ ku so ninaa ne sim ijam be ne phok ivol lɛdaa wo, nibhɛ te ɛYɛso yegha ncoop.

ɛLuka 6:35

Yang sim ɛn ninaa ne iphup mon na, te ɛ mɔn nibhɛ nikɔn niyɛnɛng. Kɔp ɛn nibhɛ ɛkɔn na, sɔng ne ɛ tas ɛn wu sɛ bhɛ kyii nyini nɛ nang. Sɛ ne bhɛ mɔn nyini iyɛnɛng gbom, ɛ ta te nyini ninɔn ɛTaanggbey ne ɛ so daa Nyu ne irywa na nɛ ne itin nɛ, daa ɛli ne ɛTaanggbey ya tɔɔsel ninaa ne bɛɛs nikɔn na nɛ nibebhe na iyɛnɛng ɛbhɛ de gbik.

ɛTomɛ 5:36

Ne ra ɛtsim, ɛdɛ ɛnyi gha kaa wuru nɛ ne kaa i bok ɛbhɛ ɛTawudas, ne ɛ kaa bo ito ɛbhɛ te ɛgbaang ɛnyi. Ninyi na kaa ne hɔn ikpɔl nwaas nɛ nibhɛ kaa roos ɛduu ɛbhɛ. Kaa ne sɛ kɛ phoo ɛbhɛ ninaa ne roos ɛduu ɛbhɛ gha ne tes en shwaa gbik, ibol ɛbhɛ de ne te buu.

iRooma 11:18

iPhɛ ɛlɛy, sɔng ne ɛ hal ɛn ɛgyɛy wu ɛ phyin ɛn ilaak kɛdee nggyɛ wo ne kɛ hyɛghɛ wo nang. Wu aa hal ɛn ɛgyɛy ya, te ne ɛ taate ɛn sɔng itin de iphɛ kɛ phyik ghe daa mon nang, yang so nyinɛn no ɛ kɛ phyik nyini ne itin de.

2 iKɔrɔntos 5:15

ɛKiriti gha kɛ ne ku ɛlɔ ninyi na gbik, te gbik ninaa nɛ nibhɛ bok iken de, sɔng nibhɛ tɔ shɛɛ ishwɛɛ ne ito nibhɛ nang, tɛ nibhɛ yang yaa shɛɛ ishwɛɛ ɛKiriti da ne ɛ kɛ ku ɛlɔ nibhɛ gha kyii ta yiisik ɛbhɛ ɛlɔ nibhɛ gha.

iFilibi 2:21

ɛByin ninyi na ku tas nikɔn nɛ nibhɛ yaa phyik nibhɛ zɔng, sɔng ninaa nɛ nibhɛ soye ninaa ɛYɛso ɛKiriti nang.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

2 iTasɔlɔnika 2:4

Ɛ sɛ yɛk iphup ne gbik ɛkɔn na ne i yeres ɛbhɛ ɛtaanggbey, ne ɛ yinɛ ito ɛbhɛ te ɛ phyin gbik ɛkɔn na ne i yeres ɛbhɛ ɛtaanggbey gbik nɛ nikɔn na ne i re nibhɛ ntsong ngga. Ɛ sɛ́ ma yung bhɛ lel ɛ soos ndɔ ne iDeng ɛTaanggbey de, ɛ yɔng, wu yee i soye ɛTaanggbey ya.

1 ɛTimɔti 1:20

Ndɔ nibhɛ wo, ɛHyimaniyus sonɛ, ɛLɛzɛnda ne ta sonɛ. Nggɛ ne ku nang ɛShɛtan ne ihwet daa nibhɛ. ɛBɛ wo yaa ne mɛmɛ nibhɛ nɛ ɛli nɛ nibhɛ yaa kɔɔng nge bɛɛs ɛTaanggbey yegha.

1 ɛTimɔti 1:9

Njwi i ne ta yɛɛ, sɔng iMɛmɛ ɛMuusaa da so daa ne ito ninyi ne cik nang. iMɛmɛ yɛ yang so daa ne ito ninaa nɛ nibhɛ tes ikpii ne imɛmɛ da tsaan. Nɛ ninaa ne ito ihet. Nɛ ninaa nɛ nibhɛ sang shɛɛ ishwɛɛ ɛTaanggbey. Nɛ ninaa ne ɛfɔt. Nɛ ninaa ne hame nibhɛ kɛ tul en kang. Nɛ ninaa ne bɛɛs ɛTaanggbey ye. Nɛ ninaa ne phobho nikyɛɛ gbik nɛ nigyinɛ, nɛ ninaa ne phobho ninyi.

1 ɛTimɔti 3:3

Sɔng ɛkpuru ne iguut nang, sɔng ɛhaa ne tɔk irywen nang. Ɛ so yak, ɛɛ sim ishwɛɛ ncaang. Sɔng ɛhaa ne sim ijam gbom nang.

1 ɛTimɔti 6:10

Daa ɛli ne sim ijam be gbom mo iphɛ phɛ soye ɛtum ne ibebhe de hywee-hywee. Tɔk iryat de gbom mo kɛ te ɛbyin ninyi na kɛ hana ìnang ne itin nibhɛ de, nibhɛ kɛ hɔ ito nibhɛ irway ishwii gbom.

1 ɛTimɔti 6:4

ɛ kɛ ne kat ito ihet, sɔng ɛ yɛɛ ɛkɔn nang, ɛɛ sim ishamas ne suruk ivol. iHywee ne ishwɛɛ yɛdaa wo i yɛɛs ne ɛnkyis, ne iphup, ne bees irywɛɛk, ne irip ivebhe,

2 ɛTimɔti 3:4

Nɛ ninaa ne re ihel. Nɛ ninaa sang icwas. Nɛ ninaa ne hal ɛgyɛy. Nɛ ninaa ne sim ɛnggɔnggɔɔt ɛzay iphɛ phyin ɛli nɛ nibhɛ sim ɛTaanggbey ye.

ɛYakub 2:8

Wu ˆɛ kɛ ne ɛ roos ɛn iMɛmɛ ne igbɔm ɛTaanggbey da ne kɛ haa ndɔ ɛWee ne iBol ɛTaanggbey de i bo, “Sim ɛhaa ɛcɛcɛk mo gha ɛli ne ɛ sim ito mo,” ˆɛ kɛ ne mɔn ɛn ɛkɔn ɛyɛnɛng.

ɛYakub 4:16

iPhɛ dee ˆɛ hal ɛn ɛgyɛy, ˆɛ tɔɔsek ɛn ito. iHal ɛgyɛy yɛdaa nggyɛ wo ne so kpɛɛ.

ɛYakub 4:6

Gbik ne iphɛ ɛlɛy, ɛTaanggbey ya i ne hanas njwɛɛn ne izɛɛng ngge gbom. iPhɛ phɛ kɛ te kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya i mbaray ɛhaa ne tɔɔk ito, ne ɛ nang ɛhaa ne laasek ito izɛɛng ɛbhɛ.”

1 ɛBiturus 5:5

ɛLɛy ne nyinɛn ninɔn niphas sa, roos ɛn ibol ninu ne ikɔɔn de. Gbik mon no, te ɛrɔngɔ laasek ito ɛbhɛ ɛnu ɛyisɛ ɛgwaa ɛbhɛ daa ɛli ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya mbaray ninyi na nibhɛ tɔɔsek ito de, ne ɛ ji mɔn ninaa nɛ nibhɛ kɛ laasek ito de iyɛnɛng.”

2 ɛBiturus 2:10

iHyɛ ɛshara yɛghaa nggyɛ wo sɛ ne phyin ne ihwet daa ninaa nɛ nibhɛ roos ihyop igywebhe ne ibek nibhɛ nɛ, gbik nɛ ninaa nɛ nibhɛ bɛɛs igbɔm. Sɔng nikyɛɛ ne icwam ne irywɛɛk kɛnaa nggyɛ wo bok ncwa nang, kɔɔ ncɛt! Nibhɛ tɔɔsek ito, sɔng bok ɛnik nang, nibhɛ ma yung towos nimalɛka ɛTaanggbey.

2 ɛBiturus 2:12

Ninyi yɛnaa nggyɛ wo i ne bol ivol ne bɛɛs daa ɛkɔn na nɛ nibhɛ sang yɛɛ ito yɛ. Nibhɛ so te inyam ɛhay ne ihywɛ sang yɛɛ ɛkɔn, ihywɛ roos ɛkɔn na ne ibek ne ihywɛ kɛ yɔngɔ. Nzo kɛ ryɔng inyam ɛhay de te i wum i hyɛ zɔng. Ninyi yɛnaa nggyɛ wo sɛ ne kus te inyam ɛhay de.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.

ɛYahuza 1:16

Ninyi yɛnaa nggyɛ wo i bol ivol mumuk, nibhɛ tɔk iben nidɛng. Nibhɛ roos ihyop igywebhe nibhɛ nɛ. Nibhɛ hal ɛgyɛy ne itso nibhɛ, nibhɛ bok ilem ibel tɛ nibhɛ sɛ ito nibhɛ ɛkɔn.

Nikɔn ne kɛ Phaal 13:1

Ne n ji yaang idɛ inyam igywebhe de ihywɛ wuusi ndɔ ɛling. iHywɛ bok itso ɛniitaa ne igbumɛ ɛnduwubɔ. iHywɛ bok nikɔn ne ito ne igbɔm daa ne igbumɛ ne ihywɛ da, kɛ haa irɛɛk ne bɛɛs ɛTaanggbey ye ne itso ne ihywɛ da.

Nikɔn ne kɛ Phaal 16:11

Ninyi na ne ibol ivol ne bɛɛs ɛTaanggbey ɛdaa ne irywa ye ɛlɔ ne nggbang nibhɛ da ne inuu nibhɛ de. Gbik ne iphɛ ɛlɛy, sɔng nibhɛ ne san ɛbɔk daa nitomɛ nibebhe nibhɛ na nang.

Nikɔn ne kɛ Phaal 16:21

iGbaang ne nkpaaling ne righitik kɛ sɛ hɔn ikilɔgaram nzuwubɔ iwii ne les dak ne irywa wo ifɛ hoghɛse daa ninyi na. Ninyi na ne bol ivol ne bɛɛs ɛTaanggbey ye daa ɛli ne nkpaaling ngga i baasek nibhɛ nggbang ngga gbom.

Nikɔn ne kɛ Phaal 16:9

ɛKpikpiy yo ne rarat ninyi na gbom, nibhɛ bol ivol ne bɛɛs irywɛɛk ɛTaanggbey ne ɛbhɛ ɛ bok igbɔm nikɔn ne nggbang ngɛdaa wo. Gbik ne iphɛ ɛlɛy, sɔng nibhɛ ne san ɛbɔk, nibhɛ nang ɛTaanggbey yegha ne ndiinday nang.