2 ɛTimɔti 3:16 - ɛWee ne ìTsɛm iHywas

¹⁶ Gbik ivol ndɔ ne ɛWee ne iBol ɛTaanggbey yo so ifɔng ɛTaanggbey da. iFɛ kɛ jam, ifɛ i mɛmɛ nɛ, ifɛ gbaat, ifɛ nep, ifɛ niim ndɔ ne ihywel cik.

2 ɛTimɔti 3:16 Iomraidhean Croise

ɛMacu 13:52

Ne ɛ ji yaak nibhɛ, “iPhɛ ɛlɛy, gbik ɛnyi ne kpɛl ɛShara gha ne ɛ kɛ teye ɛngɔn ne icwam ne igbɔm ɛdaa ne irywa gha ne so te ɛnyi ne ijwee gha ne ɛ kɛ tuul nikɔn niphas nɛ nitɛl lɛ ndɔ ne ɛgban ɛbhɛ.”

ɛMacu 21:42

ɛYɛso gha ne yaak nibhɛ, “Ɛ ku shɛɛ tang tɔng ɛn ɛkɔn na ne ɛWee ne iBol ɛTaanggbey yo bo lo naa? Ɛbhɛ bo, ‘iKɛɛ de nɛ ninaa ne lɔl ijwee na kɛ mbaray yo, iphɛ phɛ kɛ kyii teye ɛkangashi yɛ. ɛTaanggbey ɛbhɛ kɛ mɔn ɛlɛy, iphɛ ne so njwɛɛn ɛkɔn ne wɛɛ zii.’

ɛMacu 22:43

ɛYɛso gha ne yaak nibhɛ, “Kaa ne mɔn ɛli ne kaa sɛ iKabyik ge kɛ dat ɛDoda yegha ne ɛ yel-le ɛKiriti yegha ‘ɛDaray’ yaa?

ɛMacu 26:54

Wu nggɛ ne mɔn ɛlɛ wo sɛ ne mɔn ɛlii i shwaak iBol ne iWee de ne kɛ ku haa i bo wu iphɛ so ngbingbing ɛlɛy yoo?”

ɛMacu 26:56

Nikɔn nɛnaa wo kaa ne tes gbik ɛlɛ wo, te shwaasek ivol da ninabawa na kaa ku haa ndɔ ne ɛWee ne iBol ɛTaanggbey yo.” Ninɔn ne icwam ma ne tek ɛYɛso yegha nibhɛ tel.

ɛMarakus 12:24

ɛYɛso gha ne kyii nibhɛ nɛ ɛ yɔngɔ, “Ɛ kɛ ben ɛn gbom. Ɛ doo ɛn ibol ne iWee ɛTaanggbey yo ne ito-ndiinday ɛbhɛ de naa?”

ɛMarakus 12:36

iKabyik ɛTaanggbey de kaa yɛk ɛDoda yegha nɛ ɛ boote ibol daa ne ito ne ɛKiriti de ɛ yɔngɔ, “ɛTaanggbey ne Inat ta kaa yaak ɛDaray nge gha, Soos ne iwɔ ne irwye nge, naa ne te ninaa ne iphup mo na teye ɛkɔn ne tek ne ita mo.”

ɛYohana 10:35

Njwɛɛn ne yɛɛ ɛkɔn na ne ɛWee ne iBol ɛTaanggbey yo bol so itin nɛ; ɛTaanggbey ya kɛ ne yel-le ninyi yɛnaa wo nitaanggbey, ninyi na ne kɛ nang nibhɛ ibol ɛbhɛ de.

ɛYohana 3:20

Gbik ninyi na nɛ nibhɛ mɔn nikɔn nibebhe na, nibhɛ mbaray iwɛwɛy de, sɔng nibhɛ sim nibhɛ yɛɛs ndɔ ne iwɛwɛy de nang daa ɛli nɛ nibhɛ tel wu iwɛwɛy de yaa yung phaal ibebhe nibhɛ de.

ɛTomɛ 1:16

“Nigwaa en, iphɛ so ngbingbing i shwaak ibol ne ɛWee ne iBol ɛTaanggbey yo ne iKabyik ɛTaanggbey de kɛ bol ɛnu ɛDoda gha ne ito ɛYahuza de, ne ɛbhɛ kaa tɔɔrek ɛYɛso yegha i wum mo.

ɛTomɛ 18:25

Kaa mɛmɛ ɛPolos segha ne ibol ne nkiinɛ ɛDaray, ɛ kaa ne i yɛɛ ne bol ibol lɛ ne ihwet, ne ɛɛ tɔng ibol ɛYɛso de cik. iBol ne ibatisima idaan zɔng ne ɛPolos sa kaa ne ku yɛɛ, idee ne ibatisima ɛYohana.

ɛTomɛ 20:20

Sɔng nggɛ shɛɛ tang tɔng nyini ɛdɛ ɛkɔn ɛyɛnɛng nga ne aa phyik nyini nang. Nggɛ roos idee-idee gbik n tɔng ibol de wɛsɛrɛk.

ɛTomɛ 20:27

daa ɛli ne nggɛ tɔng nyini gbik nikɔn na ne ɛTaanggbey ya sim te ɛ sɛ seng ɛn.

ɛTomɛ 28:25

iPhɛ ɛlɛy, nibhɛ ne yaa re en ne ishamas ndɔ nibhɛ. nibhɛ ne hosop en nibhɛ hyilis en. ɛTsim mɛ ne ɛBulus sa kɛ mɔng nibhɛ ibol idaan ɛ yɔngɔ, “iBol de ne iKabyik ɛTaanggbey de kaa boote nɛ nikyɛɛ-nikyɛɛ njwɛɛn na so itin nɛ. iBol de ne ɛnɛbi ɛShaa gha kaa boote ɛ yɔngɔ,

iRooma 15:4

Gbik nikɔn na ne kɛ haa ndɔ ne ɛWee ne iBol ɛTaanggbey yo kɛ haa te mɛmɛ njwɛɛn nɛ te njwɛɛn sit irwisɛ daa ɛli ne ɛWee ne iBol ɛTaanggbey yo kɛ nang njwɛɛn ɛbɔk, ɛbhɛ ne ta tes njwɛɛn itsɔngɔl gɛgɛy.

iRooma 2:20

Ɛ so ɛhaa ne mɛmɛ niwamang ngɛ, ɛkyɛɛ ne icwam ninyi nɛ nibhɛ bok icwas ninɔn, ɛ ne ta bo wu i yɛɛ ncɛncɛng wu ndɔ ɛShara gha ne ɛ kɛ sɛ ne ishweng gbik ne itin.

iRooma 3:2

ɛTsak, nikɔn na sonɛ gbom ne ɛnyi niYahodawa gha phyin nɛ wo! niYahodawa na ne ɛTaanggbey ya kɛ tsa ɛ tek nibhɛ ne ibol ɛbhɛ de ndɔ ne iwɔ nibhɛ.

iRooma 4:23

iBol de ne i bo, “Kɛ bo ɛbhɛ wu ɛ so cik,” sɔng kaa haa daa ne ito ɛbhɛ zɔng nang.

1 iKɔrɔntos 12:7

ɛTaanggbey ya ne tɔɔsel inyu ne iKabyik Ɛbhɛ de so ndɔ ɛrɔngɔ, ɛli ne aa phyik ninaa ne roos sa gbik.

iGalatiya 3:8

Ne ile de kaa ku haa ndɔ ne ɛwee ne bol ɛTaanggbey yo wu ɛTaanggbey ya sɛ say ninyi na ne hame nibhɛ soye niYahodawa na wu nibhɛ so cik lenɛ ne itin ne bol nibhɛ. iPhɛ ɛlɛy, kaa ne ku mɔng ɛBaraying ngegha ibol iyɛnɛng ngge, i bo, “Sɛ ne lenɛ ne igyɛ ninyi ɛzay ya ne sɛ ɛwɛng.”

2 ɛTimɔti 2:25

Te ɛ mɛmɛ ninaa ne iphup ne imɛmɛ ɛbhɛ da nɛ ndɔ ne ihywɛɛ, yaa rɔk lenɛ ɛlɛ wo ɛTaanggbey ya nang nibhɛ ɛnkiinɛ nibhɛ san ɛbɔk, nibhɛ seng itin de.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

iBirani 11:1

ìNang ne itin de so ikyinak nting daa ɛkɔn ne kɛ sit ne irwisɛ, iphɛ so ikyinak nting daa ɛkɔn na ne njwɛɛn i sang yaang.

iBirani 3:7

iPhɛ ɛlɛy, te ɛli ne iKabyik ɛTaanggbey de bo, “iZenge wo, yaa sɛ ɛ kɛ phok ɛn izɔlɔs ɛTaanggbey de,

iBirani 4:12

Daa ɛli ne ibol ɛTaanggbey de so iken nɛ, iphɛ bok ihwet. iPhɛ re iphɛ phyin ˆɛwal ninu ifaa. iPhɛ lel ndɔ ɛnyi gha gbik iphɛ hyɛ iphɛ hobhose iken ne ikabyik, ne ikpup ne isɔrɔm, iphɛ tuul icwas ɛnyi da gbik.